Friday, July 19th, 2019

മൂന്നാം ടെസ്റ്റിലെ മാച്ച് ഫീ കേരളത്തിന് നല്‍കി ഇന്ത്യന്‍ ടീം

വിരാട് കൊഹ്ലിയുടെ നടപടി ആവേശമുണര്‍ത്തുന്നതാണെന്ന് മുഖ്യമന്ത്രി

Published On:Aug 23, 2018 | 9:25 am

ന്യൂഡല്‍ഹി: പ്രളയം തകര്‍ത്ത കേരളത്തിന് സഹായവുമായി ഇന്ത്യന്‍ ക്രിക്കറ്റ് ടീമും. ഇംഗ്ലണ്ടിനെതിരായി മൂന്നാം ക്രിക്കറ്റ് ടെസ്റ്റില്‍ ലഭിച്ച മുഴുവന്‍ മാച്ച് ഫീസും കേരളത്തിന് നല്‍കുമെന്നാണ് റിപ്പോര്‍ട്ട്. മാച്ച് ഫീയായി ടീമിന് രണ്ട് കോടിയോളം രൂപ ലഭിക്കും. ഒരു ടെസ്റ്റ് മല്‍സരത്തിന് ടീമിലുള്ള താരങ്ങള്‍ക്ക് 15 ലക്ഷം രൂപയും റിസര്‍വ് താരങ്ങള്‍ക്ക് അതിന്റെ പകുതിയുമാണ് ലഭിക്കുക.
നേരത്തെ, ഇംഗ്ലണ്ടിനെതിരായി നോട്ടിംഗ്ഹാമില്‍ നടന്ന മൂന്നാമത്തെ ടെസ്റ്റ് മത്സരത്തിലെ വിജയം കേരളത്തിലെ പ്രളയ ദുരിതബാധിതര്‍ക്ക് ഇന്ത്യന്‍ ക്യാപ്ടന്‍ വിരാട് കൊഹ്‌ലി സമര്‍പ്പിച്ചിരുന്നു. കേരളത്തിലെ ജനങ്ങള്‍ക്ക് വേണ്ടി ഇന്ത്യന്‍ ടീമിന് ചെയ്യാന്‍ കഴിയുന്ന ഏറ്റവും വലിയ കാര്യമാണിതെന്ന് മത്സരശേഷം കൊഹ്‌ലി പറഞ്ഞു.
ഇതിനിടെടെസ്റ്റില്‍ നേടിയ ജയം കേരളത്തിലെ ദുരിതബാധിതര്‍ക്ക് സമര്‍പ്പിച്ച ഇന്ത്യന്‍ ക്രിക്കറ്റ് ടീം ക്യാപ്റ്റന്‍ വിരാട് കൊഹ്ലിയുടെ നടപടി ആവേശമുണര്‍ത്തുന്നതാണെന്ന് മുഖ്യമന്ത്രി പിണറായി വിജയന്‍ പറഞ്ഞു. ”ഇംഗ്‌ളണ്ടിനെതിരായ മത്സരത്തിലും അദ്ദേഹം കേരളത്തിലെ ദുരന്തബാധിതരെ ഓര്‍ത്തു. ലോകം മുഴുവന്‍ കേരളത്തിലെ ജനങ്ങളെ സ്‌നേഹം കൊണ്ട് വീര്‍പ്പ് മുട്ടിക്കുകയാണ്. ഇത് അതിജീവനത്തിന് നമുക്ക് കരുത്തേകും” അദ്ദേഹം കൂട്ടിച്ചേര്‍ത്തു.

 

LIVE NEWS - ONLINE

  • 1
    1 hour ago

    കനത്ത മഴ; വിവിധ ജില്ലകളില്‍ റെഡ്, ഓറഞ്ച് അലേര്‍ട്ടുകള്‍ പ്രഖ്യാപിച്ചു

  • 2
    3 hours ago

    മത്സ്യബന്ധനത്തിന് പോയ ഏഴ് മത്സ്യത്തൊഴിലാളികളെ കാണാതായി

  • 3
    5 hours ago

    കര്‍ണാടക; ആറുമണിക്കുള്ളില്‍ വിശ്വാസ വോട്ട് തേടണം: ഗവര്‍ണര്‍

  • 4
    6 hours ago

    സംസ്ഥാനത്ത് പരക്കെ മഴ: പമ്പ അണക്കെട്ടിന്റെ ഷട്ടര്‍ ഉയര്‍ത്തി

  • 5
    9 hours ago

    യൂണിവേഴ്‌സിറ്റി കോളേജ് വിഷയത്തില്‍ ഗവര്‍ണര്‍ ഇടപെടണം: ചെന്നിത്തല

  • 6
    10 hours ago

    ഗ്യാസ് സിലിണ്ടര്‍ പൊട്ടിത്തെറിച്ചെന്ന് വ്യാജ സന്ദേശം; ഫയര്‍ഫോഴ്‌സിനെ വട്ടംകറക്കിയ യുവാവിനെ പോലീസ് തെരയുന്നു

  • 7
    10 hours ago

    പനി ബാധിച്ച് യുവാവ് മരിച്ചു; ഡോക്ടര്‍ക്കെതിരെ കേസ്

  • 8
    10 hours ago

    ലീഗ് നേതാവ് എയര്‍പോര്‍ട്ടില്‍ കുഴഞ്ഞ് വീണ് മരിച്ചു.

  • 9
    10 hours ago

    ജില്ലാ ആശുപത്രി ബസ് സ്റ്റാന്റില്‍ തെരുവ് പട്ടികളുടെ വിളയാട്ടം