Wednesday, February 20th, 2019

15 പവന്‍ സ്വര്‍ണാഭരണങ്ങളും അയ്യായിരത്തോളം രൂപയും കവര്‍ന്നു

വയനാട്: നിലമ്പൂരില്‍ വീട്ടുകാര്‍ ഉറങ്ങിക്കിടക്കവേ അലമാരയില്‍സൂക്ഷിച്ച 15 പവന്‍ സ്വര്‍ണാഭരണങ്ങളും അയ്യായിരത്തോളം രൂപയും കവര്‍ന്നു. നിലമ്പൂര്‍ മുതുകാട് തിങ്കളാഴ്ചരാത്രിയാണ് സംഭവം. നിലമ്പൂര്‍ മുതുകാട് ആലക്കല്‍കുന്നേല്‍ ജോണ്‍സന്റെ വീട്ടിലാണ് കഴിഞ്ഞ ദിവസം രാത്രി മോഷ്ടാക്കള്‍ കയറിയത്. ഹാളില്‍നിന്ന് പ്രവേശിക്കാവുന്ന മൂന്ന് കിടപ്പുമുറികളില്‍ രണ്ടെണ്ണത്തില്‍ കള്ളന്‍ കയറി. രണ്ടില്‍നിന്നും പണവും സ്വര്‍ണവും മോഷ്ടിച്ചു. മുറികളൊന്നും അകത്തുനിന്ന് കുറ്റിയിട്ടിരുന്നില്ല. ജോണ്‍സണും ഭാര്യ പുഷ്പമ്മയും കിടന്നിരുന്ന മുറിയിലെ അലമാരയില്‍നിന്ന് മൂന്ന് ചെറിയ പെട്ടികളിലായി സൂക്ഷിച്ചിരുന്ന സ്വര്‍ണം എടുത്തു. വിലകൂടിയ വാച്ച് ഉണ്ടായിരുന്നെങ്കിലും അതെടുത്തില്ല. … Continue reading "15 പവന്‍ സ്വര്‍ണാഭരണങ്ങളും അയ്യായിരത്തോളം രൂപയും കവര്‍ന്നു"

Published On:Jun 27, 2018 | 8:09 am

വയനാട്: നിലമ്പൂരില്‍ വീട്ടുകാര്‍ ഉറങ്ങിക്കിടക്കവേ അലമാരയില്‍സൂക്ഷിച്ച 15 പവന്‍ സ്വര്‍ണാഭരണങ്ങളും അയ്യായിരത്തോളം രൂപയും കവര്‍ന്നു. നിലമ്പൂര്‍ മുതുകാട് തിങ്കളാഴ്ചരാത്രിയാണ് സംഭവം. നിലമ്പൂര്‍ മുതുകാട് ആലക്കല്‍കുന്നേല്‍ ജോണ്‍സന്റെ വീട്ടിലാണ് കഴിഞ്ഞ ദിവസം രാത്രി മോഷ്ടാക്കള്‍ കയറിയത്. ഹാളില്‍നിന്ന് പ്രവേശിക്കാവുന്ന മൂന്ന് കിടപ്പുമുറികളില്‍ രണ്ടെണ്ണത്തില്‍ കള്ളന്‍ കയറി. രണ്ടില്‍നിന്നും പണവും സ്വര്‍ണവും മോഷ്ടിച്ചു. മുറികളൊന്നും അകത്തുനിന്ന് കുറ്റിയിട്ടിരുന്നില്ല. ജോണ്‍സണും ഭാര്യ പുഷ്പമ്മയും കിടന്നിരുന്ന മുറിയിലെ അലമാരയില്‍നിന്ന് മൂന്ന് ചെറിയ പെട്ടികളിലായി സൂക്ഷിച്ചിരുന്ന സ്വര്‍ണം എടുത്തു. വിലകൂടിയ വാച്ച് ഉണ്ടായിരുന്നെങ്കിലും അതെടുത്തില്ല. അലമാരയുടെ ഒരു വാതില്‍ മാത്രമാണ് തുറന്നത്. അലമാരയില്‍ കൂടുതല്‍ സ്വര്‍ണവും പണവും ഉണ്ടായിരുന്നെങ്കിലും അതെടുത്തിരുന്നില്ല. അടുത്തമുറിയില്‍ മകള്‍ മാത്രമാണ് കിടന്നിരുന്നത്. അവിടെനിന്ന് ഒരു പേഴ്‌സും അതിലുള്ള പണവും എടുത്തു. അതേ അലമാരയില്‍ത്തന്നെ മറ്റൊരു ഡ്രോയില്‍ ഒരു ലക്ഷം രൂപയും നാലുപവന്റെ സ്വര്‍ണാഭരണവും ഉണ്ടായിരുന്നു. കള്ളന്റെ ശ്രദ്ധയില്‍ അത് പെട്ടില്ല. ജോണ്‍സന്റെ അമ്മയും മറ്റൊരു മകളും കിടന്നിരുന്ന മൂന്നാമത്തെ മുറിയില്‍ കള്ളന്‍ കയറിയിട്ടില്ല. രാവിലെ ആറുമണിക്ക് മുന്‍പേ എഴുന്നേറ്റ പുഷ്പമ്മ സ്വര്‍ണംവെച്ചിരുന്ന ചെറിയ പെട്ടികളും മുക്കുപണ്ടവും അടുക്കളയില്‍ അലക്ഷ്യമായി കിടക്കുന്നത് കണ്ടപ്പോഴാണ് കൂടുതല്‍ ശ്രദ്ധിച്ചത്. വീട്ടിലുണ്ടായിരുന്ന പഴവും മോഷ്ടാക്കള്‍ കഴിച്ചിട്ടുണ്ട്. മുറിക്കുള്ളില്‍ നോക്കിയപ്പോള്‍ അലമാരയില്‍ സ്വര്‍ണംകണ്ടില്ല. മുന്‍വശത്തെ വാതില്‍ പുറത്തുനിന്ന് ഓടാമ്പല്‍ വലിച്ചിട്ടതായി കണ്ടു. പൂട്ട് തകര്‍ക്കുകയോ വാതില്‍ പൊളിക്കുകയോ ചെയ്തിട്ടില്ല. പിറകില്‍ അടുക്കളഭാഗത്തെ വാതില്‍ രാത്രിയില്‍ താഴിട്ടുപൂട്ടിയ നിലയില്‍ത്തന്നെയായിരുന്നു. മുകളില്‍ ടെറസ്സിലേക്ക് പോകുന്നിടത്തെ വാതിലിന് പൂട്ടുണ്ടായിരുന്നില്ല.നിലമ്പൂര്‍ പോലീസില്‍ പരാതി നല്‍കി. നിലമ്പൂര്‍ സിഐ കെഎം ബിജു, എസ്‌ഐ ബിനു തോമസ് എന്നിവര്‍ സ്ഥലത്തെത്തി പരിശോധന നടത്തി.

LIVE NEWS - ONLINE

  • 1
    50 mins ago

    അംബാനി കുറ്റക്കാരന്‍; നാലാഴ്ചക്കകം 453 കോടി അല്ലെങ്കില്‍ ജയില്‍

  • 2
    1 hour ago

    പെരിയ ഇരട്ടക്കൊല പൈശാചികം: വിഎസ്

  • 3
    2 hours ago

    പെരിയ ഇരട്ടക്കൊല; പിതാംബരന്റ സഹായിയായ കണ്ണൂര്‍ സ്വദേശി പിടിയില്‍

  • 4
    2 hours ago

    അമ്മയും കുഞ്ഞും പൊള്ളലേറ്റു മരിച്ചു

  • 5
    2 hours ago

    ചാമ്പ്യന്‍സ് ലീഗ്; ബയറണ്‍-ലിവര്‍പൂള്‍ മത്സരം സമനിലയില്‍

  • 6
    3 hours ago

    പെരിയ ഇരട്ടക്കൊല; വെട്ടിയത് അപമാനത്താലുണ്ടായ നിരാശയില്‍: പീതാംബരന്‍

  • 7
    3 hours ago

    പെരിയ ഇരട്ടക്കൊല; വെട്ടിയത് അപമാനത്താലുണ്ടായ നിരാശയില്‍: പീതാംബരന്‍

  • 8
    3 hours ago

    തൂണേരിയില്‍ മുസ്‌ലീം ലീഗ് ഓഫീസിനു നേരെ ബോംബേറ്

  • 9
    3 hours ago

    പുല്‍വാമ ഭീകരാക്രമണം ദാരുണമായ സമയത്ത്: ട്രംപ്