Friday, February 22nd, 2019

വീടിന്റെ ഓട് ഇളക്കിമാറ്റി അകത്തു കടന്ന് മോഷണം

തൃശൂര്‍: കുന്നംകുളം കോടതി റോഡിന് സമീപം വാടകക്ക് താമസിക്കുന്ന ടെയ്‌ലര്‍ ചെറുകുന്ന് സ്വദേശി ചുങ്കത്ത് ഉല്ലാസിന്റെ ഓടിട്ട വീടിന്റെ ഓട് ഇളക്കിമാറ്റി അകത്തു കടന്ന് മോഷണം. മോഷ്ടാവ് ഉല്ലാസിന്റെ മകളുടെ മുറിയില്‍നിന്ന് രണ്ടു മൊബൈല്‍ ഫോണുകളും ഒരു ടാബും 3000 രൂപയുമാണ് മോഷ്ടിച്ചത്. മകളുടെ ബഹളം കേട്ട് വീട്ടുകാര്‍ ഉണര്‍ന്നെഴുന്നേറ്റെങ്കിലും മോഷ്ടാവ് ഓടിരക്ഷപ്പെട്ടു. ഇന്നലെ പുലര്‍ച്ചെ 2.45 നാണ് സംഭവം. ഓടിട്ട വീടിന്റെ മുന്‍വശത്തെ വരാന്തയിലാണ് ഓടിളക്കി മാറ്റിയശേഷം മോഷ്ടാവ് ആദ്യം കടന്നത്. അകത്തു കടക്കാന്‍ കഴിയാതിരുന്ന … Continue reading "വീടിന്റെ ഓട് ഇളക്കിമാറ്റി അകത്തു കടന്ന് മോഷണം"

Published On:May 26, 2018 | 8:05 am

തൃശൂര്‍: കുന്നംകുളം കോടതി റോഡിന് സമീപം വാടകക്ക് താമസിക്കുന്ന ടെയ്‌ലര്‍ ചെറുകുന്ന് സ്വദേശി ചുങ്കത്ത് ഉല്ലാസിന്റെ ഓടിട്ട വീടിന്റെ ഓട് ഇളക്കിമാറ്റി അകത്തു കടന്ന് മോഷണം. മോഷ്ടാവ് ഉല്ലാസിന്റെ മകളുടെ മുറിയില്‍നിന്ന് രണ്ടു മൊബൈല്‍ ഫോണുകളും ഒരു ടാബും 3000 രൂപയുമാണ് മോഷ്ടിച്ചത്. മകളുടെ ബഹളം കേട്ട് വീട്ടുകാര്‍ ഉണര്‍ന്നെഴുന്നേറ്റെങ്കിലും മോഷ്ടാവ് ഓടിരക്ഷപ്പെട്ടു. ഇന്നലെ പുലര്‍ച്ചെ 2.45 നാണ് സംഭവം. ഓടിട്ട വീടിന്റെ മുന്‍വശത്തെ വരാന്തയിലാണ് ഓടിളക്കി മാറ്റിയശേഷം മോഷ്ടാവ് ആദ്യം കടന്നത്. അകത്തു കടക്കാന്‍ കഴിയാതിരുന്ന മോഷ്ടാവ് വീണ്ടും ഓടിളക്കി മാറ്റിയശേഷം മറ്റൊരു മുറിയില്‍ കടന്നു. ഈ മുറിയില്‍ കോളജ് വിദ്യാര്‍ഥിനിയായ മകളാണ് കിടന്നുറങ്ങിയിരുന്നത്. ഈ മുറിയിലെ മേശയില്‍ വച്ചിരുന്ന പണവും മൊബൈല്‍ ഫോണും ടാബലെറ്റുമാണ് കവര്‍ന്നത്. വീടിന്റെ മുന്‍വശത്തെ ഗ്രില്ലും വാതിലും തുറന്നുവച്ച് ഉല്ലാസും ഭാര്യയും കിടന്നിരുന്ന ഹാളിന്റെ വാതില്‍ പുറത്തുനിന്ന് പൂട്ടി കുറ്റിയിട്ടശേഷമാണ് മോഷ്ടാവ് കവര്‍ച്ച നടത്തിയത്. കവര്‍ച്ചക്കിടെ കാല്‍ പെരുമാറ്റം കേട്ട മകള്‍ മുറിയില്‍നിന്ന് നിലവിളിച്ചപ്പോള്‍ മോഷ്ടാവ് പെണ്‍കുട്ടിയുടെ വായ പൊത്തിപിടിച്ചു. മകളുടെ നിലവിളികേട്ട് ഉല്ലാസും ഭാര്യയും വാതില്‍ തുറക്കാന്‍ ശ്രമിച്ചപ്പോള്‍ പുറത്തുനിന്ന് പൂട്ടിയതായി കണ്ടെത്തി. വാതില്‍ ചവുട്ടി പൊളിച്ച് ഉല്ലാസ് മകളുടെ മുറിയിലെത്തിയപ്പോഴേക്കും മോഷ്ടാവ് വീട്ടുകാരെ വെട്ടിച്ച് മുറിയില്‍നിന്നും ഓടി രക്ഷപ്പെട്ടിരുന്നു.

LIVE NEWS - ONLINE

  • 1
    6 hours ago

    കശ്മീരില്‍ ഏറ്റുമുട്ടല്‍: രണ്ട് ഭീകരരെ സുരക്ഷാസേന വധിച്ചു

  • 2
    7 hours ago

    ശബരിമല വിഷയം ഉയര്‍ത്തിക്കാട്ടി സംസ്ഥാന സര്‍ക്കാരിനെ വിമര്‍ശിച്ച് അമിത്ഷാ

  • 3
    9 hours ago

    വിവാഹാഭ്യര്‍ഥന നിരസിച്ചു, തമിഴ്നാട്ടില്‍ അധ്യാപികയെ ക്ലാസ്സ് മുറിയിലിട്ട് വെട്ടിക്കൊന്നു

  • 4
    11 hours ago

    കൊല്ലപ്പെട്ടവരുടെ വീട് മുഖ്യമന്ത്രി സന്ദര്‍ശിക്കാതിരുന്നത് സുരക്ഷാ കാരണങ്ങളാല്‍: കാനം

  • 5
    12 hours ago

    പെരിയ ഇരട്ടക്കൊല; ക്രൈംബ്രാഞ്ച് അന്വേഷണം കേസ് അട്ടിമറിക്കാന്‍: ചെന്നിത്തല

  • 6
    13 hours ago

    ലാവ്‌ലിന്‍; അന്തിമവാദം ഏപ്രിലിലെന്ന് സുപ്രീം കോടതി

  • 7
    14 hours ago

    സര്‍ക്കാരിന്റെ ആയിരം ദിനാഘോഷസമ്മാനം

  • 8
    15 hours ago

    പെരിയ ഇരട്ടക്കൊല ഹീനമെന്ന് മുഖ്യമന്ത്രി

  • 9
    15 hours ago

    പെരിന്തല്‍മണ്ണ മൗലാന ആശുപത്രിയില്‍ തീപിടുത്തം