Thursday, June 20th, 2019

തനൂജയുടെ അമിതമായ ഫോണുപയോഗം വീട്ടുകാര്‍ ചോദ്യം ചെയ്തപ്പോള്‍…

കണ്ണൂര്‍: ബംഗലുരുവില്‍ 35 പവന്‍ സ്വര്‍ണാഭരണങ്ങള്‍ കവര്‍ച്ച നടത്തിയ കേസില്‍ പിടിയിലായ സീരിയല്‍ താരം കോഴിക്കോട് സ്വദേശിനി തനൂജ എന്ന സുമതിയെ (24) പോലീസ് കോടതിയില്‍ ഹാജരാക്കി. രണ്ട് വര്‍ഷം മുമ്പ് തനൂജ ധര്‍മടം ചിറക്കുനിയിലെ രൈരു നായരുടെ വീട്ടില്‍ ജോലിയെടുത്തതായി തനൂജ പോലീസിന് മൊഴി നല്‍കി. പോലീസ് നടത്തിയ അന്വേഷണത്തിലാണ് തനൂജ വ്യാജ പേരില്‍ ജോലി ചെയ്തതെന്ന് കണ്ടെത്തുകയും ചെയ്തു. സുമതി എന്ന പേരില്‍ ധര്‍മടത്ത് സഹകരണ ബാങ്കില്‍ ഇവര്‍ അക്കൗണ്ടും ആരംഭിച്ചിരുന്നു. കോഴിക്കോട് തിക്കോടിയിലുള്ള … Continue reading "തനൂജയുടെ അമിതമായ ഫോണുപയോഗം വീട്ടുകാര്‍ ചോദ്യം ചെയ്തപ്പോള്‍…"

Published On:Oct 18, 2017 | 9:52 am

കണ്ണൂര്‍: ബംഗലുരുവില്‍ 35 പവന്‍ സ്വര്‍ണാഭരണങ്ങള്‍ കവര്‍ച്ച നടത്തിയ കേസില്‍ പിടിയിലായ സീരിയല്‍ താരം കോഴിക്കോട് സ്വദേശിനി തനൂജ എന്ന സുമതിയെ (24) പോലീസ് കോടതിയില്‍ ഹാജരാക്കി. രണ്ട് വര്‍ഷം മുമ്പ് തനൂജ ധര്‍മടം ചിറക്കുനിയിലെ രൈരു നായരുടെ വീട്ടില്‍ ജോലിയെടുത്തതായി തനൂജ പോലീസിന് മൊഴി നല്‍കി. പോലീസ് നടത്തിയ അന്വേഷണത്തിലാണ് തനൂജ വ്യാജ പേരില്‍ ജോലി ചെയ്തതെന്ന് കണ്ടെത്തുകയും ചെയ്തു. സുമതി എന്ന പേരില്‍ ധര്‍മടത്ത് സഹകരണ ബാങ്കില്‍ ഇവര്‍ അക്കൗണ്ടും ആരംഭിച്ചിരുന്നു. കോഴിക്കോട് തിക്കോടിയിലുള്ള സുഹൃത്ത് വഴിയാണ് രൈരുനായരുടെ വീട്ടില്‍ തനൂജ എത്തുന്നത്. തനൂജയുടെ അമിതമായ മൊബൈല്‍ ഫോണ്‍ ഉപയോഗം വീട്ടുകാര്‍ ചോദ്യം ചെയ്തിരുന്നു. ഇതേതുടര്‍ന്ന് തനിക്ക് മൊബൈല്‍ കൂടാതെ ജീവിക്കാന്‍ കഴിയില്ലെന്ന് പറഞ്ഞ് ജോലി ഉപേക്ഷിച്ച് പോവുകയായിരുന്നു. ഇവര്‍ പോകുന്ന സമയത്ത് രൈരുനായരുടെ ഒരു മൊബൈല്‍ ഫോണും പാസ്‌പോര്‍ട്ടുകളും ട്രാവല്‍ ബാഗും വീട്ടില്‍ നിന്ന് കൊണ്ടുപോയിരുന്നു. മുന്‍ മുഖ്യമന്ത്രി ഇ കെ നായനാര്‍ ഉള്‍പ്പെടെയുള്ള നേതാക്കളുമായി അടുത്ത ബന്ധം പുലര്‍ത്തുന്ന ആളാണ് രൈരുനായര്‍. ബംഗലുരു കനക്പുര രഘുവന ഹള്ളിയില്‍ താമസിക്കുന്ന പയ്യന്നൂര്‍ സ്വദേശിനിയുടെ വീട്ടില്‍ നിന്നാണ് 35 പവന്‍ തനൂജ കവര്‍ന്ന് സ്ഥലം വിട്ടത്. കഴിഞ്ഞദിവസമാണ് ഇവരെ തലശ്ശേരിയില്‍ നിന്നും പിടികൂടിയത്.

LIVE NEWS - ONLINE

  • 1
    6 hours ago

    തൃശൂരില്‍ കള്ളനോട്ടുമായി സഹോദരങ്ങള്‍ അറസ്റ്റില്‍

  • 2
    7 hours ago

    തമിഴ്‌നാടിന് കുടിവെള്ളം ട്രെയിന്‍മാര്‍ഗം എത്തിച്ചുനല്‍കാമെന്ന് കേരളം

  • 3
    8 hours ago

    ഹിമാചല്‍പ്രദേശിലെ കുളുവില്‍ ബസ് കൊക്കയിലേക്ക് മറിഞ്ഞ് 15 പേര്‍ മരിച്ചു

  • 4
    10 hours ago

    സാജന്‍ സിപിഎം കുടിപ്പകയുടെ ഇര: കെ സുരേന്ദ്രന്‍

  • 5
    11 hours ago

    കല്ലട ബസിലെ പീഡനശ്രമം; ഡ്രൈവറുടെ ലൈസന്‍സ് റദ്ദാക്കും: മന്ത്രി ശശീന്ദ്രന്‍

  • 6
    12 hours ago

    പ്രവാസി വ്യവസായിയുടെ ആത്മഹത്യ; ആന്തൂര്‍ നഗരസഭ ഉദ്യോഗസ്ഥരെ മന്ത്രി വിളിപ്പിച്ചു

  • 7
    15 hours ago

    മുത്തലാഖ് നിര്‍ത്തലാക്കണം: രാഷ്ട്രപതി

  • 8
    15 hours ago

    പ്രവാസികള്‍ക്കും കുടുംബങ്ങള്‍ക്കും വിമാന നിരക്കില്‍ ഉളവ് നല്‍കും: മുഖ്യമന്ത്രി

  • 9
    15 hours ago

    ഫോണ്‍ സ്വിച്ച് ഓഫ്; ബിനോയ് ഒളിവിലെന്ന് സൂചന