Tuesday, September 18th, 2018

64003 പാഠ പുസ്തകങ്ങള്‍കൂടി അച്ചടിക്കും

        സംസ്ഥാനത്തെ സ്‌കൂളുകളില്‍ പാഠപുസ്തകം തികയാതെ വന്നതോടെ 64003 പുസ്തകങ്ങള്‍കൂടി അച്ചടിക്കാന്‍ സര്‍ക്കാര്‍ നിര്‍ദേശം. ഇതുസംബന്ധിച്ച് ടെക്സ്റ്റ് ബുക് ഓഫിസര്‍ കെ.ബി.പി.എസിന് കത്തയച്ചു. അതേസമയം അച്ചടി പൂര്‍ത്തിയായ പതിനായിരക്കണക്കിന് പുസ്തകങ്ങളാണ് കെ.ബി.പി.എസിലും ബുക് ഡിപ്പോകളിലുമായി കെട്ടിക്കിടക്കുന്നത്. ഒന്നുമുതല്‍ എട്ട് വരെയുള്ള ക്‌ളാസുകളില്‍ കുറവുള്ള പാഠപുസ്തകങ്ങള്‍ അച്ചടിക്കാനാണ് ടെക്സ്റ്റ് ബുക് ഓഫിസര്‍ കെ.ബി.പി.എസിനോട് ആവശ്യപ്പെട്ടിരിക്കുന്നത്. 84 ഓളം ടൈറ്റിലുകളിലായി 64003 പാഠപുസ്തകങ്ങള്‍ ഇനിയും അച്ചടിക്കണമെന്നാണ് കത്തിലെ നിര്‍ദേശം. പാദവാര്‍ഷിക പരീക്ഷ ഈമാസം 29ന് തുടങ്ങാനിരിക്കെ … Continue reading "64003 പാഠ പുസ്തകങ്ങള്‍കൂടി അച്ചടിക്കും"

Published On:Aug 26, 2016 | 10:44 am

School Students Full

 

 

 

 
സംസ്ഥാനത്തെ സ്‌കൂളുകളില്‍ പാഠപുസ്തകം തികയാതെ വന്നതോടെ 64003 പുസ്തകങ്ങള്‍കൂടി അച്ചടിക്കാന്‍ സര്‍ക്കാര്‍ നിര്‍ദേശം. ഇതുസംബന്ധിച്ച് ടെക്സ്റ്റ് ബുക് ഓഫിസര്‍ കെ.ബി.പി.എസിന് കത്തയച്ചു. അതേസമയം അച്ചടി പൂര്‍ത്തിയായ പതിനായിരക്കണക്കിന് പുസ്തകങ്ങളാണ് കെ.ബി.പി.എസിലും ബുക് ഡിപ്പോകളിലുമായി കെട്ടിക്കിടക്കുന്നത്. ഒന്നുമുതല്‍ എട്ട് വരെയുള്ള ക്‌ളാസുകളില്‍ കുറവുള്ള പാഠപുസ്തകങ്ങള്‍ അച്ചടിക്കാനാണ് ടെക്സ്റ്റ് ബുക് ഓഫിസര്‍ കെ.ബി.പി.എസിനോട് ആവശ്യപ്പെട്ടിരിക്കുന്നത്. 84 ഓളം ടൈറ്റിലുകളിലായി 64003 പാഠപുസ്തകങ്ങള്‍ ഇനിയും അച്ചടിക്കണമെന്നാണ് കത്തിലെ നിര്‍ദേശം. പാദവാര്‍ഷിക പരീക്ഷ ഈമാസം 29ന് തുടങ്ങാനിരിക്കെ പുസ്തകവിതരണം പൂര്‍ത്തിയാക്കാനാകാത്തത് വിദ്യാഭ്യാസവകുപ്പിന് തിരിച്ചടിയായി. പല പാഠപുസ്തകങ്ങളുടെയും അച്ചടി പൂര്‍ത്തിയായിട്ടില്ല. എട്ടാം ക്‌ളാസില്‍ കുറവുള്ള അടിസ്ഥാനശാസ്ത്രം, ഗണിതം എന്നീ പാഠപുസ്തകങ്ങള്‍ അച്ചടിക്കാന്‍ ഇതുവരെ ഉത്തരവും നല്‍കിയിട്ടില്ല.
കുട്ടികളുടെ എണ്ണം തിട്ടപ്പെടുത്താതെ പുസ്തകങ്ങള്‍ അച്ചടിക്കാന്‍ ഉത്തരവ് നല്‍കിയതാണ് ഇത്തവണ പാഠപുസ്തകങ്ങളുടെ എണ്ണത്തില്‍ കുറവുണ്ടാകാന്‍ കാരണം. അച്ചടിച്ച പുസ്തകങ്ങളുടെ വിതരണത്തിലും പാളിച്ചയുണ്ടായി. അംഗീകാരമില്ലാത്ത സ്‌കൂളുകള്‍ക്ക് പാഠപുസ്തകങ്ങള്‍ നല്‍കിയതായും ആരോപണമുണ്ട്. സര്‍ക്കാര്‍ കണക്കെടുക്കാത്ത സ്‌കൂളുകള്‍ക്ക് ഏത് കേന്ദ്രങ്ങളില്‍ നിന്നാണ് പുസ്തകം ലഭിച്ചതെന്ന് കണ്ടത്തൊനായിട്ടില്ല.
10 ശതമാനം പുസ്തകങ്ങള്‍ അധികം അച്ചടിക്കുന്ന പതിവ് തെറ്റിച്ചതും ഇത്തവണത്തെ പ്രതിസന്ധിക്ക് കാരണമായി. അച്ചടിച്ച 1.88 ലക്ഷം പുസ്തകങ്ങള്‍ ഇതുവരെ വിതരണം ചെയ്തിട്ടില്ലെന്നും പാഠപുസ്തക ഓഫിസറുടെ കത്തില്‍ പറയുന്നു. സ്‌കൂളുകള്‍ക്ക് ആവശ്യമുള്ള പാഠപുസ്തകങ്ങളുടെ കണക്കെടുക്കുന്നത് ഐ.ടി അറ്റ് സ്‌കൂളാണ്. ഈ കണക്ക് കെ.ബി.പി.എസിന് കൈമാറാത്തതാണ് വിതരണത്തിലെ അപാകതക്ക് കാരണം. നാല് ദിവസത്തിനകം പുസ്തകങ്ങള്‍ എത്തിക്കാനാകുമെന്ന് വിദ്യാഭ്യാസമന്ത്രി സി. രവീന്ദ്രനാഥ് പറഞ്ഞു.

LIVE NEWS - ONLINE

  • 1
    3 hours ago

    മുസ്ലിം വിഭാഗക്കാര്‍ അടക്കം എല്ലാവരെയും ഉള്‍ക്കൊള്ളുന്നതാണ് ഹിന്ദുത്വമെന്ന് മോഹന്‍ ഭാഗവത്

  • 2
    4 hours ago

    എ.എം.എം.എയ്ക്ക് വീണ്ടും കത്തു നല്‍കി നടിമാര്‍

  • 3
    5 hours ago

    സംസ്ഥാന സ്‌കൂള്‍കലോത്സവം ഡിസംബര്‍ ഏഴുമുതല്‍; മൂന്ന് ദിവസം മാത്രം

  • 4
    8 hours ago

    ഫ്രാങ്കോ മുളക്കലിന്റെ ജാമ്യാപേക്ഷ 25ലേക്ക് മാറ്റി

  • 5
    9 hours ago

    ബിഷപ്പിനെ തൊടാന്‍ പോലീസിന് പേടി: എംഎന്‍ കാരശ്ശേരി

  • 6
    11 hours ago

    വിനോദസഞ്ചാരികളെ ആകര്‍ഷിക്കാന്‍ മെച്ചപ്പെട്ട സൗകര്യങ്ങള്‍ ഒരുക്കണം

  • 7
    11 hours ago

    കണ്ണൂര്‍ മെഡിക്കല്‍ കോളജ്; ആവശ്യമെങ്കില്‍ സിബിഐ അന്വേഷണം: സുപ്രീംകോടതി

  • 8
    12 hours ago

    ബാര്‍ കോഴക്കേസില്‍ തുടരന്വേഷണം വേണമെന്ന് കോടതി

  • 9
    12 hours ago

    ബാര്‍ കോഴ; കോടതി വിധി അനുസരിച്ച് പ്രവര്‍ത്തിക്കും;മന്ത്രി ഇപി ജയരാജന്‍