കാബൂള്‍ : അഫ്ഘാന്‍ തലസ്ഥാനമായ കാബൂളില്‍ താലിബാന്‍ തീവ്രവാദികള്‍ ഹോട്ടല്‍ ആക്രമിച്ച് സ്ത്രീകളും കുട്ടികളും ഉള്‍പ്പെടെ നിരവധി പേരെ ബന്ദികളാക്കി. ചിലര്‍ കൊല്ലപ്പെട്ടതായും റിപ്പോര്‍ട്ടുകളുണ്ട്. ഇന്നലെ രാത്രി റോക്കറ്റ് ഗ്രനേഡുകളും മെഷീന്‍ ഗണ്ണുകളുമായി ഇരച്ചെത്തിയ മൂന്ന് തീവ്രവാദികളാണ് നഗരത്തിനു സമീപമുള്ള ഖാര്‍ഗ തടാകക്കരയിലെ പ്രശ്‌സ്തമായ ‘ സ്‌പോഷ്മായി ‘ ഹോട്ടല്‍ ആക്രമിച്ചത്. ഹോട്ടലിനകത്തു നിന്ന് വെടിയൊച്ചകള്‍ മുഴങ്ങുന്നതായി അന്താരാഷ്ട്രാ വാര്‍ത്താ ഏജന്‍സികള്‍ റിപ്പോര്‍ട്ടു ചെയ്തു. മൂന്ന് ഹോട്ടല്‍ സുരക്ഷാ ജീവനക്കാരും ഒരു പോലീസ് ഓഫീസറും കൊല്ലപ്പെട്ടതായാണ് വിവരം. … Continue reading "താലിബാന്‍ തീവ്രവാദികള്‍ ഹോട്ടല്‍ ആക്രമിച്ച് നിരവധി പേരെ ബന്ദികളാക്കി"
Saturday, February 16th, 2019
താലിബാന്‍ തീവ്രവാദികള്‍ ഹോട്ടല്‍ ആക്രമിച്ച് നിരവധി പേരെ ബന്ദികളാക്കി
Published On:Jun 22, 2012 | 4:43 am
കാബൂള്‍ : അഫ്ഘാന്‍ തലസ്ഥാനമായ കാബൂളില്‍ താലിബാന്‍ തീവ്രവാദികള്‍ ഹോട്ടല്‍ ആക്രമിച്ച് സ്ത്രീകളും കുട്ടികളും ഉള്‍പ്പെടെ നിരവധി പേരെ ബന്ദികളാക്കി. ചിലര്‍ കൊല്ലപ്പെട്ടതായും റിപ്പോര്‍ട്ടുകളുണ്ട്. ഇന്നലെ രാത്രി റോക്കറ്റ് ഗ്രനേഡുകളും മെഷീന്‍ ഗണ്ണുകളുമായി ഇരച്ചെത്തിയ മൂന്ന് തീവ്രവാദികളാണ് നഗരത്തിനു സമീപമുള്ള ഖാര്‍ഗ തടാകക്കരയിലെ പ്രശ്‌സ്തമായ ‘ സ്‌പോഷ്മായി ‘ ഹോട്ടല്‍ ആക്രമിച്ചത്. ഹോട്ടലിനകത്തു നിന്ന് വെടിയൊച്ചകള്‍ മുഴങ്ങുന്നതായി അന്താരാഷ്ട്രാ വാര്‍ത്താ ഏജന്‍സികള്‍ റിപ്പോര്‍ട്ടു ചെയ്തു. മൂന്ന് ഹോട്ടല്‍ സുരക്ഷാ ജീവനക്കാരും ഒരു പോലീസ് ഓഫീസറും കൊല്ലപ്പെട്ടതായാണ് വിവരം. അഫ്ഘാന്‍ സേനയും നാറ്റോ സൈന്യവും ചേര്‍ന്ന് നടത്തിയ ഓപ്പറേഷനില്‍ ഇതുവരെയായി നാല്‍പതോളം പേരെ രക്ഷപ്പെടുത്താന്‍ കഴിഞ്ഞിട്ടുണ്ട്.
വെള്ളിയാഴ്ച അവധി ദിനമായതിനാല്‍ വ്യാഴാഴ്ച മുതല്‍ തന്നെ മുതിര്‍ന്ന സര്‍ക്കാര്‍ ഉദ്യോഗസ്ഥരും വന്‍ വ്യവസായ പ്രമുഖരും അവധി ആഘോഷങ്ങള്‍ക്കായി ഇവിടെയെത്തുക പതിവാണ്. നിരവധി വിദേശികളും ഇവിടെയെത്താറുണ്ട്. ആക്രമണം നടക്കുന്ന സമയത്ത് ഇവിടെ ഒരു സ്വകാര്യ പാര്‍ട്ടി നടക്കുന്നുണ്ടായിരുന്നത്രെ. പലരും വെള്ളത്തില്‍ ചാടിയാണ് രക്ഷപ്പെട്ടത്.
വിദേശ സൈനികര്‍ 2014ഓടെ അഫ്ഘാന്‍ വിടാനിരിക്കെ നടന്ന ഈ ആക്രമണം താലിബാന്റെ ശക്തി ക്ഷയിച്ചിട്ടില്ലെന്നതാണ് സൂചിപ്പിക്കുന്നത്. വിദേശ സൈനികര്‍ രാജ്യം വിടാനിരിക്കെ അഫ്ഘാന്‍ സൈനികര്‍ക്കും പോലീസിനും നേരായ ആക്രമണങ്ങള്‍ വര്‍ധിക്കുകയാണെന്ന് പ്രസിഡന്റ് ഹമീദ് കര്‍സായി കഴിഞ്ഞ ദിവസം പറഞ്ഞിരുന്നു.
