Sunday, November 18th, 2018

സുനില്‍ ഛേത്രിയുടെ സെഞ്ചുറി ഗോള്‍ മികവില്‍ ഇന്ത്യക്ക് ജയം

മഴയില്‍ മുങ്ങിപ്പോയ ഗോള്‍രഹിതമായ ഒന്നാം പകുതിക്കുശേഷമായിരുന്നു ഛേത്രിയിലൂടെ ഇന്ത്യ തിരിച്ചെത്തിയത്.

Published On:Jun 5, 2018 | 9:27 am

മുംബൈ: ക്ഷണിച്ചുവരുത്തിയ ആരാധകരെ ഒട്ടും നിരാശപ്പെടുത്താതെ സുനില്‍ ഛേത്രിയുടെ സെഞ്ച്വറി ആഘോഷം. കരിയറിലെ 100-ാം മത്സരത്തിനിറങ്ങിയ നായകന്റെ ഇരട്ട ഗോള്‍ മികവില്‍ ഇന്റര്‍കോണ്ടിനന്റല്‍ കപ്പില്‍ ഇന്ത്യക്ക് തകര്‍പ്പന്‍ ജയം. ആഫ്രിക്കന്‍ കരുത്തരായ കെനിയയെ 3-0ത്തിന് വീഴ്ത്തി ഇന്ത്യ ഫൈനല്‍ ബര്‍ത്തുറപ്പിച്ചു.
തിമിര്‍ത്തുപെയ്ത മഴയില്‍ മുങ്ങിപ്പോയ ഗോള്‍രഹിതമായ ഒന്നാം പകുതിക്കുശേഷമായിരുന്നു ഛേത്രിയിലൂടെ ഇന്ത്യ തിരിച്ചെത്തിയത്. രണ്ടാം പകുതിയില്‍ മൈതാനത്തെ വെള്ളം വലിഞ്ഞപ്പോള്‍ ഇന്ത്യ പന്തില്‍ വേഗം കണ്ടെത്തി. കളിയുടെ 68-ാം മിനിറ്റില്‍ തന്നെ ഫൗള്‍ ചെയ്ത് വീഴ്ത്തിയതിന് ലഭിച്ച പെനാല്‍റ്റി അവസരം ഛേത്രി ഉന്നംതെറ്റാതെ വലക്കുള്ളിലാക്കി. സമനിലക്കെണി പൊട്ടിച്ച ആവേശത്തില്‍ കളിക്ക് വേഗംകൂട്ടിയ ഇന്ത്യ നാലു മിനിറ്റിനകം രണ്ടാം ഗോളടിച്ച് ലീഡ് നേടി. ബോക്‌സിനുള്ളില്‍ ഹോളിചരണ്‍ നര്‍സറിയുടെ ക്രോസ് കെനിയന്‍ ഡിഫന്‍ഡര്‍ തടഞ്ഞെങ്കിലും റീബൗണ്ട് ചെയ്തപ്പോള്‍ ജെജെ നെഞ്ചിലെടുത്ത് ക്ലോസ്‌റേഞ്ചിലൂടെ നിറയൊഴിച്ചു.
മഴയില്‍ കുതിര്‍ന്ന ഇന്ത്യക്ക് വിജയാഹ്ലാദത്തിന്റെ നിമിഷം.83ാം മിനിറ്റില്‍ നര്‍സറിക്ക് പകരം മലയാളിതാരം ആഷിഖ് കുരുണിയന്‍ കളത്തിലെത്തി. ഇഞ്ചുറി ടൈമിലേക്ക് നീങ്ങിയ കളിയില്‍ ഛേത്രി വീണ്ടും സ്‌കോര്‍ ചെയ്ത് ഇന്ത്യക്ക് തകര്‍പ്പന്‍ ജയം സമ്മാനിക്കുകയായിരുന്നു.

 

LIVE NEWS - ONLINE

  • 1
    4 hours ago

    അല്‍ഫോണ്‍സ് കണ്ണന്താനം നാളെ ശബരിമലയിലെത്തും

  • 2
    8 hours ago

    കേരളത്തിലെ 95 ശതമാനം ജനങ്ങളും ബിജെപിയുടെ സമരത്തിന് എതിരാണ്; കോടിയേരി ബാലകൃഷ്ണന്‍

  • 3
    12 hours ago

    അമേരിക്കയില്‍ 16കാരന്റെ വെടിയേറ്റ് തെലങ്കാന സ്വദേശി കൊല്ലപ്പെട്ടു

  • 4
    13 hours ago

    തലശ്ശേരിയില്‍ വീട്ടമ്മയുടെ ദേഹത്ത് ചുവന്ന പെയിന്റ് ഒഴിച്ചു

  • 5
    14 hours ago

    നടന്‍ കെ.ടി.സി അബ്ദുള്ള അന്തരിച്ചു

  • 6
    14 hours ago

    കെ. സുരേന്ദ്രനെ 14 ദിവസത്തേക്ക് റിമാന്‍ഡ് ചെയ്തു

  • 7
    1 day ago

    ശബരിമല തീര്‍ഥാടകരുടെ വാഹനം മറിഞ്ഞ് രണ്ടുപേര്‍ മരിച്ചു

  • 8
    1 day ago

    കെ.പി ശശികലയ്ക്ക് ജാമ്യം

  • 9
    1 day ago

    ശശികല കോടതിയിലേക്ക്; ജാമ്യത്തിലിറങ്ങിയ ശേഷം ശബരിമലയ്ക്ക് പോകാന്‍ അനുമതി