Monday, February 18th, 2019

വരള്‍ച്ച; കുറുവാ ദ്വീപിനെ വിനോദ സഞ്ചാരികള്‍ കയ്യൊഴിയുന്നു

        മാനന്തവാടി: കടുത്ത വേനലില്‍ വരണ്ടുകിടക്കുന്ന കുറുവാദ്വീപിനെ വിനോദസഞ്ചാരികള്‍ കൈവെടിയുന്നു. ജില്ലയില്‍ മുമ്പെങ്ങുമില്ലാത്ത തോതില്‍ ചൂട് വര്‍ധിക്കുമ്പോള്‍ ഇതര സംസ്ഥാനങ്ങളില്‍ നിന്നും, ജില്ലകളില്‍ നിന്നും കാടിന്റെ പച്ചപ്പും, പുഴയുടെ കുളിര്‍മയും തേടിയെത്തുന്ന വിനോദസഞ്ചാരികളാണ് കുറുവാദ്വീപിലെ ചൂടും പൊടിയും സഹിക്കാനാവാതെ മടങ്ങുന്നത്. ചൂട് കൂടിയതോടെ കുറുവാദ്വീപ് കാണാനെത്തുന്ന സഞ്ചാരികളുടെ എണ്ണത്തിലും ഗണ്യമായ കുറവുണ്ട്. ശരാശരി 2500 പേര്‍ എത്തിയിരുന്ന സ്ഥാനത്ത് ഇപ്പോള്‍ 500 വരെയായി കുറഞ്ഞതായാണ് കണക്കുകള്‍ സൂചിപ്പിക്കുന്നത്. ദ്വീപിനുള്ളിലെ അടിക്കാടുകളും പുല്ലുകളും കരിഞ്ഞുണങ്ങിയിരിക്കുകയാണ്. … Continue reading "വരള്‍ച്ച; കുറുവാ ദ്വീപിനെ വിനോദ സഞ്ചാരികള്‍ കയ്യൊഴിയുന്നു"

Published On:Apr 21, 2016 | 8:15 am

 

Kuruva Dweep Full

 

 

 

മാനന്തവാടി: കടുത്ത വേനലില്‍ വരണ്ടുകിടക്കുന്ന കുറുവാദ്വീപിനെ വിനോദസഞ്ചാരികള്‍ കൈവെടിയുന്നു. ജില്ലയില്‍ മുമ്പെങ്ങുമില്ലാത്ത തോതില്‍ ചൂട് വര്‍ധിക്കുമ്പോള്‍ ഇതര സംസ്ഥാനങ്ങളില്‍ നിന്നും, ജില്ലകളില്‍ നിന്നും കാടിന്റെ പച്ചപ്പും, പുഴയുടെ കുളിര്‍മയും തേടിയെത്തുന്ന വിനോദസഞ്ചാരികളാണ് കുറുവാദ്വീപിലെ ചൂടും പൊടിയും സഹിക്കാനാവാതെ മടങ്ങുന്നത്. ചൂട് കൂടിയതോടെ കുറുവാദ്വീപ് കാണാനെത്തുന്ന സഞ്ചാരികളുടെ എണ്ണത്തിലും ഗണ്യമായ കുറവുണ്ട്. ശരാശരി 2500 പേര്‍ എത്തിയിരുന്ന സ്ഥാനത്ത് ഇപ്പോള്‍ 500 വരെയായി കുറഞ്ഞതായാണ് കണക്കുകള്‍ സൂചിപ്പിക്കുന്നത്.
ദ്വീപിനുള്ളിലെ അടിക്കാടുകളും പുല്ലുകളും കരിഞ്ഞുണങ്ങിയിരിക്കുകയാണ്. പുഴയും വറ്റിയുണങ്ങി പാറക്കല്ലുകള്‍ തെളിഞ്ഞുനില്‍ക്കുന്നു. തീരെ ഒഴുക്കില്ലാത്ത ഭാഗങ്ങളില്‍ ചളി കെട്ടി നിറഞ്ഞിരിക്കുകയാണ്. 80 രൂപ പ്രവേശന ഫീസ് നല്‍കി ഏറെ പ്രതീക്ഷയോടെ ദ്വീപിനുള്ളില്‍ പ്രവേശിക്കുന്ന സഞ്ചാരികള്‍ നിരാശയോടും, പ്രതിഷേധത്തോടെയുമാണ് തിരികെപോകുന്നത്. വനംവകുപ്പിന്റെയും, ഡി.ടി.പി.സിയുടെയും ചങ്ങാട യാത്രയൊഴിച്ചാല്‍ കുറുവാദ്വീപ് സന്ദര്‍ശനം സഞ്ചാരികള്‍ക്ക് നിരാശമാത്രമാണ് നല്‍കുന്നത്. ഓരോ വര്‍ഷവും കോടികണക്കിന് രൂപയാണ് വനംവകുപ്പും, ഡി.ടി.പി.സിയും വിനോദ സഞ്ചാരികളില്‍ നിന്നും ലഭിക്കുന്നത്. എന്നാല്‍ ഇതനുസരിച്ച വികസന പ്രവര്‍ത്തനങ്ങളൊന്നും തന്നെ ദ്വീപിനുള്ളിലോ പ്രവേശന സ്ഥലത്തോ ഒരുക്കാന്‍ ഇരുവിഭാഗങ്ങളും തയ്യാറാകുന്നില്ല. ദ്വീപിനുള്ളില്‍ കുടിവെള്ളമോ, പ്രാഥമികാവശ്യങ്ങള്‍ നിറവേറ്റാനുള്ള സൗകര്യങ്ങളോ വനംവകുപ്പ് ഒരുക്കിയിട്ടില്ല. ഡി.ടി.പി.സിയുടെ പ്രവേശന കവാടമായ പാല്‍വെളിച്ചത്ത് സഞ്ചാരികള്‍ക്കായി പൂന്തോട്ടമോ, ഔഷധ പാര്‍ക്കോ, കുടികള്‍ക്കുള്ള പാര്‍ക്കോ ഒരുക്കണമെന്ന നിര്‍ദേശവും ഇതുവരെയായും പാലിക്കപ്പെട്ടിട്ടുമില്ല.

LIVE NEWS - ONLINE

  • 1
    4 hours ago

    മിന്നല്‍ ഹര്‍ത്താല്‍: ഡീന്‍ കുര്യക്കോസിനെതിരെ ഹൈക്കോടതി സ്വമേധയാ കേസെടുത്തു

  • 2
    6 hours ago

    പാലക്കാട് പെട്രോള്‍ പമ്പിന് തീപ്പിടിച്ചു

  • 3
    6 hours ago

    പുല്‍വാമയില്‍ ഏറ്റുമുട്ടല്‍; നാല് സൈനികര്‍ക്ക് വീരമൃത്യു

  • 4
    8 hours ago

    കാസര്‍കോട് രണ്ട് യൂത്ത് കോണ്‍ഗ്രസ് പ്രവര്‍ത്തകര്‍ വെട്ടേറ്റുമരിച്ചു; സംസ്ഥാനത്ത് ഇന്ന് ഹര്‍ത്താല്‍

  • 5
    20 hours ago

    പയ്യന്നൂര്‍ വെള്ളൂരില്‍ വാഹനാപകടം: രണ്ടു പേര്‍ മരിച്ചു

  • 6
    23 hours ago

    പുല്‍വാമ ഭീകരാക്രമണം: വ്യാജ ചിത്രങ്ങള്‍ പ്രചരിപ്പിക്കരുതെന്ന് സി.ആര്‍.പി.എഫ്

  • 7
    1 day ago

    ഭീകരാക്രമണത്തിന് മസൂദ് അസര്‍ നിര്‍ദേശം നല്‍കിയത് പാക് സൈനിക ആശുപത്രിയില്‍നിന്ന്

  • 8
    1 day ago

    നാലുവയസ്സുകാരിയെ കൊലപ്പെടുത്തിയ സംഭവം: ഭിക്ഷാടകസംഘത്തിലെ രണ്ടുപേര്‍ അറസ്റ്റില്‍

  • 9
    1 day ago

    വസന്തകുമാറിന്റെ കുടുംബത്തെ ഇന്ന് മന്ത്രി ബാലന്‍ സന്ദര്‍ശിക്കും