Sunday, July 22nd, 2018

സംസ്ഥാനത്ത് ഓപ്പണ്‍ സര്‍വകലാശാല സ്ഥാപിക്കും

ഡോ. ഫാത്തിമത് സുഹറ അധ്യക്ഷയും ഡോ. ആര്‍കെ സുരേഷ്‌കുമാര്‍ അംഗമായും കമ്മിറ്റി രൂപീകരിച്ചു.

Published On:Nov 30, 2017 | 8:00 am

തിരു: ഇന്ദിര ഗാന്ധി നാഷണല്‍ ഓപ്പണ്‍ യൂണിവേഴ്‌സിറ്റി മാതൃകയില്‍ സംസ്ഥാനത്ത് ഓപ്പണ്‍ സര്‍വകലാശാല സ്ഥാപിക്കും. കൂടുതല്‍ പഠനം നടത്തി സര്‍ക്കാരിന് നിര്‍ദേശം സമര്‍പ്പിക്കാന്‍ ഡോ. ഫാത്തിമത് സുഹറ അധ്യക്ഷയും ഡോ. ആര്‍കെ സുരേഷ്‌കുമാര്‍ അംഗമായും കമ്മിറ്റി രൂപീകരിച്ചു. 2007ല്‍ ഡോ. കെഎന്‍ പണിക്കര്‍ വൈസ് ചെയര്‍മാനായി ഉന്നത വിദ്യാഭ്യാസ കൗണ്‍സില്‍ രൂപീകരിച്ച ഉടന്‍ സംസ്ഥാനത്ത് ഓപ്പണ്‍ യൂണിവേഴ്‌സിറ്റി സ്ഥാപിക്കുന്ന കാര്യം പരിശോധിച്ചിരുന്നു. ഇതുസംബന്ധിച്ച് പഠിക്കാന്‍ പുണെ സര്‍വകലാശാലാ വൈസ് ചാന്‍സലര്‍ രാം പക്വാലയെ നിയോഗിച്ചു. 2009ല്‍ രാം പക്വാല സമര്‍പ്പിച്ച റിപ്പോര്‍ട്ട് അടിസ്ഥാനപ്പെടുത്തിയാകും പുതിയ സര്‍വകലാശാല. തുറന്ന സര്‍വകലാശാല വരുന്നതോടെ ഇതര സര്‍വകലാശാലകളിലെ പ്രൈവറ്റ് രജിസ്‌ട്രേഷന്‍ ഒരു കുടക്കീഴിലാകും.
രാം പക്വാല സമര്‍പ്പിച്ച റിപ്പോര്‍ട്ട് എങ്ങനെ നടപ്പാക്കാമെന്ന് പരിശോധിച്ച് നിര്‍ദേശം സമര്‍പ്പിക്കാനാണ് പുതിയ സമിതിയെ നിയോഗിക്കുന്നതെന്ന് ഉന്നത വിദ്യാഭ്യാസ കൗണ്‍സില്‍ വൈസ് ചെയര്‍മാന്‍ ഡോ. രാജന്‍ ഗുരുക്കള്‍ അറിയിച്ചു. സ്വയംഭരണ കോളേജുകളുടെ പ്രവര്‍ത്തനം വിലയിരുത്താനും പ്രശ്‌നങ്ങള്‍ പഠിക്കാനും ഡോ. ജോയ് ജോബ് കുളവേലില്‍ അധ്യക്ഷനായി സമിതി രൂപീകരിച്ചു. ഡോ. കെകെ ദാമോദരന്‍, ഡോ. ജെ രാജന്‍ എന്നിവരാണ് അംഗങ്ങള്‍.

 

LIVE NEWS - ONLINE

  • 1
    1 hour ago

    വയനാട്ടില്‍ വീണ്ടും മാവോയിസ്റ്റ് സാന്നിധ്യം

  • 2
    3 hours ago

    കശ്മീരില്‍ സൈന്യവും ഭീകരരും തമ്മില്‍ ഏറ്റുമുട്ടല്‍; മൂന്ന് ഭീകരരെ വധിച്ചു

  • 3
    4 hours ago

    ജി എസ് ടി: വീട്ടുപകരണങ്ങള്‍ക്ക് വിലകുറയും, സാനിട്ടറി നാപ്കിനുകളെ നികുതിയില്‍നിന്ന് ഒഴിവാക്കി

  • 4
    17 hours ago

    കശ്മീരില്‍ ഭീകരര്‍ തട്ടിക്കൊണ്ടുപോയ പോലീസുകാരനെ മരിച്ചനിലയില്‍ കണ്ടെത്തി

  • 5
    18 hours ago

    പ്രധാനമന്ത്രിയെ രാഹുല്‍ ഗാന്ധി ആലിംഗനം ചെയ്തതിനെ വിമര്‍ശിച്ച് സുബ്രഹ്മണ്യന്‍ സ്വാമി

  • 6
    20 hours ago

    യൂത്ത് കോണ്‍ഗ്രസ് മാര്‍ച്ചില്‍ സംഘര്‍ഷം; ലാത്തിച്ചാര്‍ജ്ജ്

  • 7
    21 hours ago

    എംഎല്‍എമാരെ ബിജെപി ചാക്കിട്ട് പിടിക്കുന്നു: മെഹബൂബ

  • 8
    22 hours ago

    എംഎല്‍എമാരെ ബിജെപി ചാക്കിട്ട് പിടിക്കുന്നു: മെഹബൂബ

  • 9
    23 hours ago

    കോടികളുടെ സ്വത്ത് ഉപേക്ഷിച്ച് എംബിബിഎസുകാരി സന്യാസിയായി