Friday, September 21st, 2018

ഇത് പരീക്ഷക്കാലം; വിദ്യാര്‍ത്ഥികള്‍ പഠനച്ചൂടില്‍

    കണ്ണൂര്‍: എസ് എസ് എല്‍ സി പരീക്ഷ മറ്റന്നാള്‍ തുടങ്ങാനിരിക്കെ വിദ്യാര്‍ത്ഥികള്‍ പഠന ചൂടില്‍. അത്യുഷ്ണത്തിനും കത്തുന്ന പകല്‍ ചൂടിനുമൊപ്പം പരീക്ഷക്കുള്ള അവസാന മിനുക്കുപണികളിലാണ് കുട്ടികളും രക്ഷിതാക്കളും സ്‌കൂള്‍ മാനേജ്‌മെന്റുകളുമെല്ലാം. ചൂടിന്റെ അസ്വസ്ഥതകള്‍ അസഹ്യമാണെങ്കിലും എല്ലാം സഹിച്ച് നല്ല ഭാവി ലക്ഷ്യം വെച്ചുള്ള പഠനത്തിരക്കുകളിലാണ് വിദ്യാര്‍ത്ഥികള്‍. എല്‍ കെ ജി മുതല്‍ക്കുള്ള പഠനത്തിന്റെ നെല്ലും പതിരും തിരിക്കുന്ന പരീക്ഷണ ഘട്ടമാണിത്. ജീവിതത്തിന്റെ വഴിത്തിരിവ് ഒരു പക്ഷെ ഇത് തന്നെയാവും. എങ്ങനെയെങ്കിലും പാസായാലും ഇന്ന് രക്ഷയില്ല. … Continue reading "ഇത് പരീക്ഷക്കാലം; വിദ്യാര്‍ത്ഥികള്‍ പഠനച്ചൂടില്‍"

Published On:Mar 6, 2017 | 10:56 am

Plus Two Students Full 111

 

 
കണ്ണൂര്‍: എസ് എസ് എല്‍ സി പരീക്ഷ മറ്റന്നാള്‍ തുടങ്ങാനിരിക്കെ വിദ്യാര്‍ത്ഥികള്‍ പഠന ചൂടില്‍. അത്യുഷ്ണത്തിനും കത്തുന്ന പകല്‍ ചൂടിനുമൊപ്പം പരീക്ഷക്കുള്ള അവസാന മിനുക്കുപണികളിലാണ് കുട്ടികളും രക്ഷിതാക്കളും സ്‌കൂള്‍ മാനേജ്‌മെന്റുകളുമെല്ലാം.
ചൂടിന്റെ അസ്വസ്ഥതകള്‍ അസഹ്യമാണെങ്കിലും എല്ലാം സഹിച്ച് നല്ല ഭാവി ലക്ഷ്യം വെച്ചുള്ള പഠനത്തിരക്കുകളിലാണ് വിദ്യാര്‍ത്ഥികള്‍. എല്‍ കെ ജി മുതല്‍ക്കുള്ള പഠനത്തിന്റെ നെല്ലും പതിരും തിരിക്കുന്ന പരീക്ഷണ ഘട്ടമാണിത്. ജീവിതത്തിന്റെ വഴിത്തിരിവ് ഒരു പക്ഷെ ഇത് തന്നെയാവും. എങ്ങനെയെങ്കിലും പാസായാലും ഇന്ന് രക്ഷയില്ല. ഗ്രേഡുകളില്‍ മികച്ചത് തന്നെ കിട്ടണം. അതല്ലെങ്കില്‍ ഉപരിപഠന സാധ്യതകള്‍ മങ്ങും. മൂല്യനിര്‍ണയ സമ്പ്രദായം കര്‍ശനമല്ലാത്തതിനാല്‍ പത്താംക്ലാസ് കടമ്പ കടക്കല്‍ പണ്ടത്തേതുപോലെ ബുദ്ധിമുട്ടുള്ളതല്ല. എങ്കിലും എല്ലാ വിഷയങ്ങളിലും എ പ്ലസ് നേടുന്നവര്‍ തന്നെയാണ് മിടുക്കന്മാരും മിടുക്കികളുമാകുക. സ്‌കൂള്‍ അധികൃതര്‍ക്കും ഇത്തരക്കാരോടാണ് താല്‍പര്യമേറെ. സ്‌കൂളിന്റെ സല്‍പേര് നാടറിയണമെങ്കില്‍ ഫുള്‍ എ പ്ലസുകാരുടെ എണ്ണം ഉയരണം. രക്ഷിതാക്കള്‍ക്കും ഇതേ മോഹം തന്നെയാണുള്ളത്.
ജില്ലയിലെ വിവിധ സ്‌കൂളുകളില്‍ പത്താംക്ലാസ് വിദ്യാര്‍ത്ഥികള്‍ പഠനത്തിരക്കിലാണ്. ദിവസത്തിലെ പഠനസമയം ദീര്‍ഘിപ്പിച്ച് പഠിച്ച പാഠഭാഗങ്ങള്‍ പലകുറി മനസ്സിലുറപ്പിക്കുകയാണ് ഇവര്‍. സംശയങ്ങള്‍ തീര്‍ക്കാനും പരീക്ഷാപ്പേടി മാറ്റാനും ഇവര്‍ക്കൊപ്പം അധ്യാപകരുമുണ്ട്.
രാവിലെ 5മണിക്ക് എഴുന്നേല്‍ക്കും. ദിവസം മുഴുവന്‍ പഠനത്തിനുതന്നെയാണ് മുന്‍ഗണന. രാത്രി 11മണിക്കാണ് ഉറക്കം. നല്ല വിജയമാണ് ഈ വര്‍ഷവും പ്രതീക്ഷിക്കുന്നത്. കുട്ടികള്‍ക്കും ഇതില്‍ എതിരഭിപ്രായമില്ല.
അതിനിടെ പരീക്ഷക്കുള്ള ചോദ്യപേപ്പറുകള്‍ അടങ്ങുന്ന പെട്ടികള്‍ കനത്ത സുരക്ഷയില്‍ ട്രഷറിയിലും ബാങ്കുകളിലും സൂക്ഷിച്ചിരിക്കുകയാണ്. പരീക്ഷാ ദിവസങ്ങളില്‍ പോലീസ് അകമ്പടിയോടെ പരീക്ഷാ കേന്ദ്രങ്ങളിലെത്തിക്കും. പരീക്ഷ നൂറുശതമാനം കുറ്റമറ്റതാക്കാനുള്ള അവസാനവട്ട ഒരുക്കത്തിലാണ് അധ്യാപകരടങ്ങുന്ന ഉദ്യോഗസ്ഥര്‍. പരീക്ഷക്ക് അരമണിക്കൂര്‍ മുമ്പ് വിദ്യാര്‍ത്ഥികള്‍ പരീക്ഷാ ഹാളില്‍ കയറണം. എഴുത്തു തുടങ്ങുന്നതിന് 15 മിനുട്ട് മുമ്പ് ചോദ്യപേപ്പര്‍ നല്‍കും. ചോദ്യപേപ്പര്‍ പല ആവര്‍ത്തി വായിക്കുന്നതിനും സംശയനിവാരണത്തിനും അവസരമുണ്ട്്. അവസാനവട്ട തയാറെടുപ്പിലാണ് വിദ്യാര്‍ത്ഥികള്‍.

LIVE NEWS - ONLINE

  • 1
    31 mins ago

    അശ്ലീല വാട്‌സാപ്പ് വീഡിയോ; മൂന്നുപേര്‍ കസ്റ്റഡിയില്‍

  • 2
    45 mins ago

    കശ്മീരില്‍ മൂന്ന് പോലീസുദ്യോഗസ്ഥരെ തീവ്രവാദികള്‍ തട്ടിക്കൊണ്ടുപോയി

  • 3
    1 hour ago

    പെട്രോളിന് ഇന്നും വില കൂടി

  • 4
    1 hour ago

    മലയാളികള്‍ ‘ഗ്ലോബല്‍ സാലറി ചലഞ്ചി’ല്‍ പങ്കെടുക്കണം: മുഖ്യമന്ത്രി

  • 5
    2 hours ago

    ക്യാപ്റ്റന്‍ രാജുവിന്റെ സംസ്‌കാരം വൈകീട്ട്

  • 6
    3 hours ago

    തൊടുപുഴയില്‍ സിപിഎം ഏരിയ കമ്മിറ്റി ഓഫീസിന് നേരെ ആക്രമണം

  • 7
    4 hours ago

    മലപ്പുറത്ത് ടാങ്കര്‍ മറിഞ്ഞ് വാതക ചോര്‍ച്ച

  • 8
    15 hours ago

    ബിഷപ്പിന്റെ അറസ്റ്റ് ഇന്നുമില്ല; ചോദ്യം ചെയ്യല്‍ നാളെയും തുടരും

  • 9
    16 hours ago

    ബിഷപ്പിന്റെ അറസ്റ്റിനായി പോലീസ് നിയമോപദേശം തേടി