Tuesday, December 18th, 2018

മൊഴിയെടുക്കാന്‍ പോലീസ് ഭീഷണിപ്പെടുത്തി : ശ്രീശാന്ത്

    കൊച്ചി: പൊലീസ് ഭീഷണിപ്പെടുത്തിയും പീഡിപ്പിച്ചും മൊഴിയെടുത്തെന്ന് മലയാളി ക്രിക്കറ്റ് താരം എസ്. ശ്രീശാന്ത്. ബന്ധുക്കളെ അറസ്റ്റ് ചെയ്യുമെന്നുവരെ പൊലീസ് ഭീഷണിപ്പെടുത്തിയതായും ബിസിസിഐയുടെ അച്ചടക്കസമിതിക്ക അയച്ച കത്തില്‍ ശ്രീശാന്ത് വിശദീകരിച്ചു. ക്രിക്കറ്റിന്റെ മാന്യതക്ക് നിരക്കാത്ത ഒരു കാര്യവും ചെയ്തിട്ടില്ലെന്നും കാലിലെ പരുക്ക് മാറാന്‍ ആറ് ശസ്ത്രക്രിയ നടത്തിയതായും കത്തില്‍ ശ്രീശാന്ത് പറയുന്നു. രാജ്യത്തിനായി ക്രിക്കറ്റ് കളിക്കണമെന്നും വിജയങ്ങള്‍ നേടണമെന്നുമാണ് തന്റെ ആഗ്രഹമെന്നും കോഴവാങ്ങിയെന്നതിനു പൊലീസിനു തെളിവു ലഭിച്ചിട്ടില്ലെന്നും കത്തില്‍ പറയുന്നുണ്ട്. ശബ്ദരേഖയുണ്ടെന്ന വാദം കള്ളമാണെന്നും പൊലീസ് … Continue reading "മൊഴിയെടുക്കാന്‍ പോലീസ് ഭീഷണിപ്പെടുത്തി : ശ്രീശാന്ത്"

Published On:Sep 17, 2013 | 11:24 am

Sreeshanth and Adv Rabeka John

 

 
കൊച്ചി: പൊലീസ് ഭീഷണിപ്പെടുത്തിയും പീഡിപ്പിച്ചും മൊഴിയെടുത്തെന്ന് മലയാളി ക്രിക്കറ്റ് താരം എസ്. ശ്രീശാന്ത്. ബന്ധുക്കളെ അറസ്റ്റ് ചെയ്യുമെന്നുവരെ പൊലീസ് ഭീഷണിപ്പെടുത്തിയതായും ബിസിസിഐയുടെ അച്ചടക്കസമിതിക്ക അയച്ച കത്തില്‍ ശ്രീശാന്ത് വിശദീകരിച്ചു. ക്രിക്കറ്റിന്റെ മാന്യതക്ക് നിരക്കാത്ത ഒരു കാര്യവും ചെയ്തിട്ടില്ലെന്നും കാലിലെ പരുക്ക് മാറാന്‍ ആറ് ശസ്ത്രക്രിയ നടത്തിയതായും കത്തില്‍ ശ്രീശാന്ത് പറയുന്നു.
രാജ്യത്തിനായി ക്രിക്കറ്റ് കളിക്കണമെന്നും വിജയങ്ങള്‍ നേടണമെന്നുമാണ് തന്റെ ആഗ്രഹമെന്നും കോഴവാങ്ങിയെന്നതിനു പൊലീസിനു തെളിവു ലഭിച്ചിട്ടില്ലെന്നും കത്തില്‍ പറയുന്നുണ്ട്. ശബ്ദരേഖയുണ്ടെന്ന വാദം കള്ളമാണെന്നും പൊലീസ് റിപ്പോര്‍ട്ട് ഊഹാപോഹവും കേട്ടുകേള്‍വിയും വച്ചുള്ളതാണെന്നും ശ്രീശാന്ത് കത്തില്‍ ആരോപിച്ചു.
ആജീവനാന്ത വിലക്കേര്‍പ്പെടുത്തിയ ഇന്ത്യന്‍ ക്രിക്കറ്റ് കണ്‍ട്രോള്‍ ബോര്‍ഡിന്റെ നടപടിക്കെതിരെ ശ്രീശാന്ത് കോടതിയെ സമീപിക്കുമെന്നും ബി.സി.സി.ഐ.യുടെ നടപടി സ്വാഭാവികനീതിക്ക് എതിരാണെന്നും ശ്രീശാന്തിന്റെ അഭിഭാഷക റബേക്ക ജോണ്‍ പറഞ്ഞു. പോലീസില്‍ നിന്നുള്ള വിവരത്തിന്റെ അടിസ്ഥാനത്തിലാണ് നടപടിയെടുത്തത്. അങ്ങനെയെങ്കില്‍ കേസില്‍ കോടതിയുടെ തീരുമാനം വരുന്നതുവരെ ബി.സി.സി.ഐ. കാത്തിരിക്കണമായിരുന്നുവെന്നും അവര്‍ കൂട്ടിച്ചേര്‍ത്തു.
ബി.സി.സി.ഐ. അഴിമതിവിരുദ്ധ വിഭാഗം മേധാവി രവി സവാനിയുടെ റിപ്പോര്‍ട്ടിന്റെ അടിസ്ഥാനത്തില്‍ രാജസ്ഥാന്‍ റോയല്‍സ് ടീമംഗങ്ങളായ ശ്രീശാന്തിനും അങ്കിത് ചവാനും ആജീവനാന്തവും അമിത് സിങ്ങിന് അഞ്ചും സിദ്ധാര്‍ഥ് ത്രിവേദിക്ക് ഒരു വര്‍ഷത്തെയും വിലക്കാണ് ബോര്‍ഡ് വിധിച്ചത്. ഡല്‍ഹി പോലീസുമായി നടത്തിയ വ്യക്തിഗത സംഭാഷണത്തിന്റെയും അവര്‍ ഫയല്‍ ചെയ്ത കുറ്റപത്രത്തിന്റെയും കളിക്കാരില്‍ നിന്നുള്ള മൊഴിയുടെയും അടിസ്ഥാനത്തിലാണ് സവാനിയുടെ കണ്ടെത്തലുകള്‍. തെളിവുകളോ അടിസ്ഥാനമോ ഇല്ലാത്തതാണ് സവാനിയുടെ റിപ്പോര്‍ട്ട്.

LIVE NEWS - ONLINE

  • 1
    8 hours ago

    ഗുജറാത്തില്‍ ചരക്ക് തീവണ്ടിയിടിച്ച് മൂന്ന് സിംഹങ്ങള്‍ ചത്തു

  • 2
    10 hours ago

    മായം കലര്‍ന്ന 74 ബ്രാന്‍ഡ് വെളിച്ചെണ്ണകള്‍ ഭക്ഷ്യവകുപ്പ് നിരോധിച്ചു

  • 3
    13 hours ago

    പാര്‍ട്ടിയിലെ വനിതകളെ സംരക്ഷിക്കാനാവാത്തവരാണ് വനിതാമതില് കെട്ടുന്നത്: ചെന്നിത്തല

  • 4
    14 hours ago

    ക്യാമറകളില്ലാതെ റെയില്‍വേ സ്‌റ്റേഷനുകള്‍ സ്ത്രീയാത്രക്കാര്‍ ഭീതിയില്‍

  • 5
    17 hours ago

    പിറവം കൊലപാതകം; രണ്ടു പേര്‍ അറസ്റ്റില്‍

  • 6
    17 hours ago

    കെ എസ് അര്‍ ടി സിയില്‍ വിശ്വാസമില്ല: ഹൈക്കോടതി

  • 7
    17 hours ago

    കെ.എസ്.ആര്‍.ടി.സി ഗുരുതര പ്രതിസന്ധിയില്‍: മന്ത്രി ശശീന്ദ്രന്‍

  • 8
    17 hours ago

    കെ.എസ്.ആര്‍.ടി.സി ഗുരുതര പ്രതിസന്ധിയില്‍: മന്ത്രി ശശീന്ദ്രന്‍

  • 9
    17 hours ago

    ബ്ലാസ്‌റ്റേഴ്‌സിന്റെ തുടര്‍ തോല്‍വി; ജെയിസും വിട വാങ്ങി