Thursday, February 21st, 2019

സൗമ്യയുടെ മൃതദേഹം പയ്യാമ്പലത്ത് സംസ്‌കരിച്ചു

ഇന്ന് കാലത്ത് 11.30ഓടെയാണ് പയ്യാമ്പലത്ത് സംസ്‌കരിച്ചത്.

Published On:Aug 27, 2018 | 1:41 pm

കണ്ണൂര്‍: പിണറായി കൂട്ടക്കൊല കേസിലെ പ്രതി സൗമ്യയുടെ മൃതദേഹം പയ്യാമ്പലത്ത് സംസ്‌കരിച്ചു. കാലത്ത് 11.30ഓടെയാണ് പയ്യാമ്പലത്ത് സംസ്‌കരിച്ചത്. ജയില്‍ ഉദ്യോഗസ്ഥര്‍ മാത്രമെ സംസ്‌കാര ചടങ്ങില്‍ പങ്കെടുത്തുള്ളൂ. കണ്ണൂര്‍ വനിതാ സെന്‍ട്രല്‍ ജയിലില്‍ കഴിഞ്ഞ ദിവസം ആത്മഹത്യ ചെയ്ത സൗമ്യയുടെ മൃതദേഹം പരിയാരം മെഡിക്കല്‍ കോളേജില്‍ പോസ്റ്റുമോര്‍ട്ടം ചെയ്തുവെങ്കിലും മൃതദേഹം ഏറ്റെടുക്കാന്‍ ഇതുവരെ ബന്ധുക്കളാരും എത്തിയിരുന്നില്ല. ഇതോടെയാണ് ജയില്‍ അധികൃതര്‍ അനാഥമായ മൃതദേഹം പയ്യാമ്പലത്ത് സംസ്‌കരിച്ചത്. അജ്ഞാത മൃതദേഹങ്ങള്‍ സംസ്‌ക്കരിക്കുന്ന സ്ഥലത്താണ് സൗമ്യയെ സംസ്‌കരിച്ചത്. മനുഷ്യാവകാശ കമ്മീഷന്റെ കേസ് നിലവിലുള്ളതിനാല്‍ ദഹിപ്പിച്ചാല്‍ പിന്നീട് പുറത്തെടുക്കാന്‍ സാധിക്കില്ലെന്നുള്ളതുകൊണ്ടാണ് മൃതദേഹം സംസ്‌കരിക്കാന്‍ തീരുമാനിച്ചത്. കണ്ണൂര്‍ കോര്‍പറേഷന്‍ അധികൃതരുടെ സമ്മതത്തോടെയാണ് സൗമ്യയെ പയ്യാമ്പലത്ത് സംസ്‌ക്കരിച്ചത്. മാതാപിതാക്കളെയും മകളെയും എലിവിഷം കൊടുത്ത് കൊലപ്പെടുത്തിയ കേസിലെ പ്രതി സൗമ്യ വെള്ളിയാഴ്ച കാലത്താണ് ജയിലില്‍ തൂങ്ങിമരിച്ചത്.സൗമ്യയുടെ ആത്മഹത്യയുമായി ബന്ധപ്പെട്ട് കൂടുതല്‍ അന്വേഷണം നടത്താന്‍ ജയില്‍ ഡിഐജി എസ് സന്തോഷ് അടുത്തദിവസം തന്നെ കണ്ണൂരിലെത്തുന്നുണ്ട്.

LIVE NEWS - ONLINE

  • 1
    1 hour ago

    പെരിയ ഇരട്ടക്കൊല; എംഎല്‍എക്ക് പങ്കെന്ന് ചെന്നിത്തല

  • 2
    4 hours ago

    സര്‍വകലാശാല കലാപശാലയാകരുത്

  • 3
    5 hours ago

    കുഞ്ഞനന്തന്റെ പരോള്‍; രമയുടെ ഹരജി മാറ്റി

  • 4
    6 hours ago

    ശബരിമല; ഇനി ചര്‍ച്ചക്കില്ല: സുകുമാരന്‍ നായര്‍

  • 5
    6 hours ago

    പെരിയ ഇരട്ടക്കൊല

  • 6
    6 hours ago

    സിബിഐ അന്വേഷണത്തിന്റെ ആവശ്യമില്ല: കോടിയേരി

  • 7
    6 hours ago

    സി.ബി.ഐ അന്വേഷണം മുഖ്യമന്ത്രിയുടെ ശ്രദ്ധയില്‍ പെടുത്തും: മന്ത്രി ചന്ദ്രശേഖരന്‍

  • 8
    6 hours ago

    പെരിയ ഇരട്ടക്കൊല; സിബിഐ വേണ്ട: കോടിയേരി

  • 9
    6 hours ago

    പെരിയ ഇരട്ടക്കൊലപാതകം; കൊല്ലപ്പെട്ടവരുടെ കുടുംബം ഹൈക്കോടതിയിലേക്ക്