Wednesday, December 12th, 2018

സൗദിയില്‍ സിംകാര്‍ഡിന് പുതിയ നിയമം ബാധകം

നിലവില്‍ മൊബൈല്‍ ഫോണ്‍ വരിക്കാരായ സ്വദേശികളും വിദേശികളും നാഷണല്‍ അഡ്രസ് സിസ്റ്റത്തില്‍ രജിസ്റ്റര്‍ ചെയ്ത് മൊബൈല്‍ ഫോണുമായി ബന്ധിപ്പിക്കണം.

Published On:Apr 16, 2018 | 9:26 am

റിയാദ്: സൗദിയില്‍ ഇനി സിം കാര്‍ഡ് എടുക്കണമെങ്കില്‍ പുതിയ നിയമം അനുസരിക്കണം. മൊബൈല്‍ ഫോണ്‍ സിം കാര്‍ഡിന് ഇനി മുതല്‍ നാഷണല്‍ അഡ്രസ് സിസ്റ്റത്തില്‍ രജിസ്റ്റര്‍ ചെയ്യണമെന്ന് അധികൃതര്‍ അറിയിച്ചു. ലാന്റ്് ലൈന്‍ കണക്ഷന്‍ ലഭിക്കുന്നതിനും പുതിയ സിം കാര്‍ഡ് നേടുന്നതിനും അഡ്രസ് സിസ്റ്റത്തില്‍ രജിസ്റ്റര്‍ ചെയ്യണം എന്ന വ്യവസ്ഥ ചൊവ്വാഴ്ച്ച മുതല്‍ ബാധകമാണെന്നും അധികൃതര്‍ വ്യക്തമാക്കി.
രജിസ്റ്റര്‍ ഡോട് അഡ്രസ് ഡോട് ജി ഒ വി ഡോട് എസ് എ എന്ന പോര്‍ട്ടല്‍ വഴി നാഷണല്‍ അഡ്രസ് സിസ്റ്റത്തില്‍ രജിസ്‌ട്രേഷന്‍ വളരെ വേഗം പൂര്‍ത്തിയാക്കാന്‍ കഴിയും. താമസിക്കുന്ന കെട്ടിട നമ്പരും തിരിച്ചറിയല്‍ രേഖയിലെ വിവരങ്ങളും ഉള്‍പ്പെടുത്തിയാണ് വ്യക്തികള്‍ അഡ്രസ് രജിസ്‌ട്രേഷന്‍ ചെയ്യേണ്ടത്. സ്വകാര്യ കമ്പനികളും സര്‍ക്കാര്‍ വകുപ്പുകളും കെട്ടിട നമ്പരും അഡ്രസ് സിസ്റ്റത്തിലെ ലൊക്കേഷന്‍ മാപ്പും സെലക്ട് ചെയ്ത് രജിസ്റ്റര്‍ ചെയ്യണം. ഫഌറ്റുകളില്‍ താമസിക്കുന്ന ഒന്നിലധികം പേര്‍ക്ക് ഒരേ കെട്ടിട നമ്പര്‍ ഉപയോഗിച്ച് രജിസ്‌ട്രേഷന്‍ പൂര്‍ത്തിയാക്കാന്‍ കഴിയുമെന്നും അധികൃതര്‍ അറിയിച്ചു.
നിലവില്‍ മൊബൈല്‍ ഫോണ്‍ വരിക്കാരായ സ്വദേശികളും വിദേശികളും നാഷണല്‍ അഡ്രസ് സിസ്റ്റത്തില്‍ രജിസ്റ്റര്‍ ചെയ്ത് മൊബൈല്‍ ഫോണുമായി ബന്ധിപ്പിക്കണം. ബാങ്ക് അക്കൗണ്ട് ഉടമകള്‍ ഈ മാസം 13ന് മുമ്പ് അഡ്രസ് സിസ്റ്റത്തില്‍ രജിസ്റ്റര്‍ ചെയ്യുമ്പോള്‍ ലഭിക്കുന്ന നമ്പര്‍ അക്കൗണ്ടുമായി ബന്ധിപ്പിക്കണം. എന്നാല്‍ അഡ്രസ് സിസ്റ്റത്തില്‍ രജിസ്റ്റര്‍ ചെയ്യാത്തവരുടെ ബാങ്ക് അക്കൗണ്ടുകള്‍ മരവിപ്പിക്കില്ലെന്ന് ബാങ്ക് സൂപ്പര്‍വൈസറി അതോറിറ്റി അറിയിച്ചു.

 

LIVE NEWS - ONLINE

  • 1
    3 hours ago

    വനിതാ മതിലില്‍ സര്‍ക്കാര്‍ ജീവനക്കാരെ നിര്‍ബന്ധിച്ച് പങ്കെടുപ്പിക്കില്ലെന്ന് ധനമന്ത്രി

  • 2
    4 hours ago

    ശബരിമലയിലെ നിരോധനാജ്ഞ നീട്ടി

  • 3
    5 hours ago

    കമല്‍നാഥ് മധ്യപ്രദേശ് മുഖ്യമന്ത്രിയായേക്കും

  • 4
    9 hours ago

    ശബരിമലയിലെ ബാരിക്കേഡുകള്‍ പൊളിച്ചു നീക്കണം: ഹൈക്കോടതി

  • 5
    10 hours ago

    ഗ്രാമീണരെ അവഗണിച്ചത് കേന്ദ്ര സര്‍ക്കാറിന് വിനയായി

  • 6
    12 hours ago

    ആലുവ കൂട്ടക്കൊല; പ്രതി ആന്റണിയുടെ വധശിക്ഷ ജീവ പര്യന്തമാക്കി

  • 7
    13 hours ago

    പ്രതിഷേധത്തിന്റെ അതിര്‍വരമ്പുകള്‍ ലംഘിക്കരുത്: സ്പീക്കര്‍

  • 8
    13 hours ago

    പ്രതിഷേധത്തിന്റെ അതിര്‍വരമ്പുകള്‍ ലംഘിക്കരുത്: സ്പീക്കര്‍

  • 9
    13 hours ago

    മധ്യപ്രദേശില്‍ തന്ത്രങ്ങള്‍ മെനഞ്ഞ് ബിജെപിയും; ഗവര്‍ണറെ കാണും