Wednesday, July 17th, 2019

ഷൗക്കത്തലി വിളിച്ചാല്‍ കാക്കകള്‍ വരാതിരിക്കില്ല !

        കല്‍പ്പറ്റ: ഷൗക്കത്തലി എവിടെയിരുന്ന് വിളിച്ചാലും കാക്കകള്‍ വരും വരാതിരിക്കില്ല… മലപ്പുറം ജില്ലയിലെ പൊന്നാനി പാലപ്പെട്ടി അസ്സനാജിയാരകത്ത് പക്കറിന്റെയും പാത്തുക്കുട്ടിയുടെയും രണ്ടാമത്തെ മകനായ ഷൗക്കത്തലിക്ക് വിവിധ ജീവികളെ വിളിച്ചു വരുത്താനുള്ള കഴിവുണ്ട്. എന്നാല്‍ കാക്കയെ മാത്രമാണ് കൂടുതലായി വിളിച്ചു വരുത്തുന്നത്. അതിന് ഷൗക്കത്തലി മുന്നോട്ടു വെക്കുന്ന സൈക്കോളജി മറ്റൊന്നുമല്ല കാക്കകള്‍ മാത്രമാണ് വര്‍ഘ സ്‌നേഹമുള്ള ജീവികള്‍ എന്നാണ്. വിവേകമുള്ള മനുഷ്യര്‍ അത് കണ്ട് പഠിക്കണമെന്നും ഷൗക്കത്തലി പറയുന്നു. വയനാട് ചേമ്പര്‍ ഓഫ് കോമേഴ്‌സ് … Continue reading "ഷൗക്കത്തലി വിളിച്ചാല്‍ കാക്കകള്‍ വരാതിരിക്കില്ല !"

Published On:Apr 12, 2014 | 3:06 pm

Showkathali Full

 

 

 

 
കല്‍പ്പറ്റ: ഷൗക്കത്തലി എവിടെയിരുന്ന് വിളിച്ചാലും കാക്കകള്‍ വരും വരാതിരിക്കില്ല… മലപ്പുറം ജില്ലയിലെ പൊന്നാനി പാലപ്പെട്ടി അസ്സനാജിയാരകത്ത് പക്കറിന്റെയും പാത്തുക്കുട്ടിയുടെയും രണ്ടാമത്തെ മകനായ ഷൗക്കത്തലിക്ക് വിവിധ ജീവികളെ വിളിച്ചു വരുത്താനുള്ള കഴിവുണ്ട്. എന്നാല്‍ കാക്കയെ മാത്രമാണ് കൂടുതലായി വിളിച്ചു വരുത്തുന്നത്. അതിന് ഷൗക്കത്തലി മുന്നോട്ടു വെക്കുന്ന സൈക്കോളജി മറ്റൊന്നുമല്ല കാക്കകള്‍ മാത്രമാണ് വര്‍ഘ സ്‌നേഹമുള്ള ജീവികള്‍ എന്നാണ്. വിവേകമുള്ള മനുഷ്യര്‍ അത് കണ്ട് പഠിക്കണമെന്നും ഷൗക്കത്തലി പറയുന്നു.
വയനാട് ചേമ്പര്‍ ഓഫ് കോമേഴ്‌സ് സംഘടിപ്പിച്ച അഖിലേന്ത്യ എക്‌സിബിഷനില്‍ഈ മുപ്പത്തിയാറുകാരന്റെ കാക്കവിളി ഒട്ടേറെ പേരെ അകര്‍ഷിച്ചു കഴിഞ്ഞു. കലാഭവനിലൂടെ മിമിക്രിയില്‍ ഹരിശ്രീ കുറിച്ച ഷൗക്കത്തലി ശബ്ദ തരംഗങ്ങളിലൂടെ വിവിധ തരം ജീവികളെ വിളിച്ചുവരുത്താറുണ്ട്. പത്ത് വര്‍ഷത്തിലേറെയായി ശബ്ദ തരംഗം ഉപയോഗിച്ച് കാക്കകളെ വിളിച്ചുവരുത്തുന്ന ഷൗക്കത്തലി സ്‌കൂളുകളിലും ക്യാമ്പസുകളിലും കാക്കയുടെയും മനുഷ്യന്റെയും സ്‌നേഹാന്തരങ്ങളെ കുറിച്ച് ക്ലാസ്സെടുക്കുന്നുണ്ട്. കാക്കകളെക്കുറിച്ച് ഒട്ടേറെ അറിവുകള്‍ ഷൗക്കത്തലിക്കുണ്ട്. ലോകത്തില്‍ 70 തരം കാക്കകളാണ് ഉള്ളത്. കേരളത്തില്‍ രണ്ട് തരം (1) കോര്‍വസ് മാക്രോറിങ്ക് (ബലിക്കാക്ക), കോര്‍വസ് ബ്ലൈന്‍ഡസ് (പേനക്കാക്ക). ജപ്പാനിലെ പൂര്‍വ്വികര്‍ ആരാധിച്ചിരുന്നത് കാക്കകളെയാണ്. ജപ്പാനില്‍ പത്ത് വര്‍ഷങ്ങള്‍ക്ക് മുമ്പ് മുപ്പത്തയ്യായിരത്തോളം കാക്കകളെ നെറ്റ് വെച്ച് പിടിച്ച് വാതകം ഉപയോഗിച്ച് ശ്വാസം മുട്ടിച്ച് കൊന്നു. നഗരത്തിലെ മനോഹര സൗദങ്ങളുടെ ഭംഗിക്ക് മങ്ങലേല്‍പ്പിക്കുന്നതുകൊണ്ടാണ് അങ്ങനെ ചെയ്തത്. സിംഗപ്പൂരില്‍ കാക്കകള്‍ ഇല്ല. കേരളത്തില്‍ എറണാകുളം ജില്ലയിലെ വിവിധ സ്ഥലങ്ങളിലാണ് കൂടുതല്‍ കാക്കകളെ കണ്ടുവരുന്നത്. ഈ പ്രപഞ്ചത്തില്‍ ആദ്യം ഉണരുന്ന പക്ഷിയാണ് കാക്ക. കാക്കകള്‍ കൂടുകളില്‍ നിന്നും അന്നം തേടിപോകുന്ന ശബ്ദം കേട്ടാണ് കോഴികള്‍ ഉണരുന്നത്. വൈലോപ്പിള്ളിയുടെ കാക്ക എന്ന കവിത എല്ലാവരും വായിക്കണമെന്നാണ് ഷൗക്കത്തലിയുടെ അപേക്ഷ. ഹൈസ്‌കൂള്‍ അധ്യാപിക സലീനയാണ് ഭാര്യ.

LIVE NEWS - ONLINE

  • 1
    1 hour ago

    കുല്‍ഭൂഷണ്‍ ജാദവിന്റെ വധശിക്ഷ അന്താരാഷ്ട്ര കോടതി തടഞ്ഞു

  • 2
    4 hours ago

    രാജ് കുമാറിന്റെ ഭാര്യയ്ക്ക് സര്‍ക്കാര്‍ ജോലി നല്‍കും

  • 3
    5 hours ago

    ഏഴുവയസുകാരിയെ പീഡിപ്പിച്ച് കൊന്ന ബന്ധുവിന് മൂന്ന് ജീവപര്യന്തം

  • 4
    5 hours ago

    കുത്തിയത് ശിവരഞ്ജിത്തെന്ന് അഖിലിന്റെ മൊഴി

  • 5
    7 hours ago

    മുംബൈ ഭീകരാക്രമണകേസ്; മുഖ്യ പ്രതി ഹാഫിസ് സയിദ് അറസ്റ്റില്‍

  • 6
    7 hours ago

    കുമാരസ്വാമി രാജിവെക്കണം: യെദിയൂരപ്പ

  • 7
    7 hours ago

    കര്‍ണാടക; ഇടപെടാനാവില്ല: സുപ്രീം കോടതി

  • 8
    8 hours ago

    കുമാരസ്വാമി രാജിവെക്കണം: യെദിയൂരപ്പ

  • 9
    8 hours ago

    കര്‍ണാടക; ഇടപെടാനാവില്ല: സുപ്രീം കോടതി