പത്തനംതിട്ട: ബൈക്കില്‍ സഞ്ചരിക്കുകയായിരുന്ന എസ്എഫ്‌ഐ നേതാവിനെ അജ്ഞാത സംഘം വെട്ടി പരുക്കേല്‍പ്പിച്ചു. എസ്എഫ്‌ഐ പത്തനംതിട്ട ജില്ലാ കമ്മിറ്റിയംഗം ഉണ്ണിരവി(21)യെയാണ് വെട്ടിയത്. കഴിഞ്ഞ ദിവസം രാത്രി 8.30 ഓടെ സിപിഐ എം ജില്ലാ കമ്മിറ്റി ഓഫീസില്‍ നിന്ന് ബൈക്കില്‍ വീട്ടിലേക്ക് പോകുമ്പോഴാണ് സംഭവം. ഉണ്ണി ബൈക്കില്‍ സഞ്ചരിക്കവേ പിന്നിലൂടെ എത്തിയ സംഘം വെട്ടുകയായിരുന്നു. താഴെവെട്ടിപ്രം റിങ്‌റോഡില്‍ ഇടതുഭാഗത്തുകൂടെ ബൈക്കില്‍ മറികടന്ന് പിന്നില്‍ നിന്ന് എത്തിയ സംഘം വടിവാള്‌കൊണ്ട് വെട്ടുകയായിരുന്നു. ഉണ്ണിയുടെ ഇടതുകൈയ്ക്ക് വെട്ടേറ്റു. ബൈക്കില്‍ നിന്ന് തെറിച്ചുവീണ് തലനാരിഴക്കാണ് … Continue reading "എസ്എഫ്‌ഐ നേതാവിനെ അജ്ഞാത സംഘം വെട്ടി പരുക്കേല്‍പ്പിച്ചു"
Tuesday, July 23rd, 2019
എസ്എഫ്‌ഐ നേതാവിനെ അജ്ഞാത സംഘം വെട്ടി പരുക്കേല്‍പ്പിച്ചു
Published On:Jul 12, 2018 | 8:00 am
പത്തനംതിട്ട: ബൈക്കില്‍ സഞ്ചരിക്കുകയായിരുന്ന എസ്എഫ്‌ഐ നേതാവിനെ അജ്ഞാത സംഘം വെട്ടി പരുക്കേല്‍പ്പിച്ചു. എസ്എഫ്‌ഐ പത്തനംതിട്ട ജില്ലാ കമ്മിറ്റിയംഗം ഉണ്ണിരവി(21)യെയാണ് വെട്ടിയത്. കഴിഞ്ഞ ദിവസം രാത്രി 8.30 ഓടെ സിപിഐ എം ജില്ലാ കമ്മിറ്റി ഓഫീസില്‍ നിന്ന് ബൈക്കില്‍ വീട്ടിലേക്ക് പോകുമ്പോഴാണ് സംഭവം. ഉണ്ണി ബൈക്കില്‍ സഞ്ചരിക്കവേ പിന്നിലൂടെ എത്തിയ സംഘം വെട്ടുകയായിരുന്നു.
താഴെവെട്ടിപ്രം റിങ്‌റോഡില്‍ ഇടതുഭാഗത്തുകൂടെ ബൈക്കില്‍ മറികടന്ന് പിന്നില്‍ നിന്ന് എത്തിയ സംഘം വടിവാള്‌കൊണ്ട് വെട്ടുകയായിരുന്നു. ഉണ്ണിയുടെ ഇടതുകൈയ്ക്ക് വെട്ടേറ്റു. ബൈക്കില്‍ നിന്ന് തെറിച്ചുവീണ് തലനാരിഴക്കാണ് രക്ഷപ്പെട്ടത്. ഉണ്ണിയെ പത്തനംതിട്ട ജനറല്‍ ആശുപത്രിയില്‍ പ്രവേശിപ്പിച്ചു. ആക്രമണത്തിന് പിന്നില്‍ എസ്ഡിപിഐ പ്രവര്‍ത്തകരാണെന്ന് എസ്എഫ്‌ഐയുടെ ആരോപണം. നേരത്തെ, അഭിമന്യുവിന്റെ കൊലപാതകത്തില്‍ പ്രതിഷേധിച്ച് എസ്എഫ്‌ഐ നടത്തിയ മാര്‍ച്ചിനെ തുടര്‍ന്ന് എസ്എഫ്‌ഐ-എസ്ഡിപിഐ തര്‍ക്കങ്ങള്‍ ഉണ്ടായിരുന്നെന്നും, ഉണ്ണിക്കെതിരെ വധഭീഷണി ഉയര്‍ത്തിയിരുന്നെന്നും പോലീസ് അറിയിച്ചു. കഴിഞ്ഞ ദിവസം റോഡരികില്‍ നിന്ന ഉണ്ണിയോട് എസ്ഡിപിഐ നേതാവ് ബുഹാരിയുടെ നേതൃത്വത്തിലെത്തിയ സംഘം നീയല്ലേ ഉണ്ണിരവിയെന്നും നിന്നെ കണ്ടോളാമെന്നും പറഞ്ഞതായി ഉണ്ണി പോലീസിന് മൊഴിനല്‍കിയിട്ടുണ്ട്.
