Wednesday, April 24th, 2019

സ്വവര്‍ഗരതി കുറ്റകരമല്ലെന്ന് സുപ്രീംകോടതി

രണ്ട് വ്യക്തികള്‍ തമ്മില്‍ ഉഭയകക്ഷി സമ്മതത്തോടെ നടത്തുന്ന ലൈംഗിക ബന്ധം കുറ്റകരമാണെന്ന് പറയാനാവില്ല.

Published On:Sep 6, 2018 | 12:00 pm

ന്യൂഡല്‍ഹി:  ഇന്ത്യയില്‍ സ്വവര്‍ഗരതി കുറ്റകരമല്ലെന്ന് സുപ്രീംകോടതിയുടെ നിര്‍ണായക വിധി. പരമോന്നത കോടതിയുടെ അഞ്ചംഗ ഭരണഘടന ബെഞ്ചാണ് വിധി പുറപ്പെടുവിച്ചത്. സ്വവര്‍ഗരതി ക്രിമിനല്‍ കുറ്റമാക്കുന്ന ഭരണഘടനയിലെ 377-ാം വകുപ്പ് കോടതി റദ്ദാക്കി. 157 വര്‍ഷത്തിന് ശേഷമാണ് ചരിത്ര വിധിയിലുടെ വകുപ്പ് റദ്ദാക്കുന്നത്.
ഒരാളുടെ വ്യക്തിത്വം സമൂഹം അംഗീകരിക്കണമെന്ന് വിധി പ്രസ്താവിച്ച് ചീഫ് ജസ്റ്റിസ് ദീപക് മിശ്ര വ്യക്തമാക്കി. ഒരാള്‍ക്ക് ആയാളുടെ വ്യക്തിത്വത്തില്‍ നിന്ന് ഒളിച്ചോടാനാവില്ല. സാധാരണ പൗരന്‍മാര്‍ക്ക് ലഭിക്കുന്ന മൗലികാവകാശങ്ങള്‍ എല്‍.ജി.ബി.ടി വിഭാഗത്തിനും ലഭിക്കണമെന്നും സുപ്രീംകോടതി ചൂണ്ടിക്കാട്ടി.
രണ്ട് വ്യക്തികള്‍ തമ്മില്‍ ഉഭയകക്ഷി സമ്മതത്തോടെ നടത്തുന്ന ലൈംഗിക ബന്ധം കുറ്റകരമാണെന്ന് പറയാനാവില്ല. ധാര്‍മികത മറ്റുള്ളവരുടെ അവകാശങ്ങള്‍ ഹനിച്ചുകൊണ്ടാവരുത്. മുന്‍വിധികളോടും പരമ്പരാഗത സങ്കല്‍പ്പങ്ങളോടും വിട പറയേണ്ട സമയമായെന്ന് കോടതി ചൂണ്ടിക്കാട്ടി. അതേ സമയം, മൃഗങ്ങളുമായുള്ള ലൈംഗിക ബന്ധം കുറ്റകരമാണെന്ന് കോടതി വ്യക്തമാക്കി.
ഭരതനാട്യം നര്‍ത്തകന്‍ നവ്‌തേജ് സിംഗ് ജോഹര്‍, മാധ്യമപ്രവര്‍ത്തകന്‍ സുനില്‍ മെഹ്‌റ, ഭക്ഷണശാല നടത്തിപ്പുകാരി റിതു ഡാല്‍മിയ, നീംറാന ഹോട്ടല്‍ സ്ഥാപകന്‍ അമന്‍ നാഥ്, ബിസിനസുകാരി അയേഷ കപൂര്‍ എന്നിവരാണ് ഇതുസംബന്ധിച്ച ഹരജിയുമായി കോടതിയെ സമീപിച്ചത്. സ്വവര്‍ഗാനുരാഗികളായ തങ്ങള്‍ ശിക്ഷിക്കപ്പെടുമോ എന്ന ഭയത്തിലാണ് ജീവിക്കുന്നതെന്ന് ഇവര്‍ കോടതിയില്‍ വാദിച്ചിരുന്നു.

 

LIVE NEWS - ONLINE

  • 1
    8 hours ago

    ടിക് ടോക് നിരോധനം മദ്രാസ് ഹൈക്കോടതി നീക്കി

  • 2
    8 hours ago

    ശ്രീനഗറില്‍ പാക് തീവ്രവാദി പിടിയില്‍

  • 3
    11 hours ago

    കെവിന്‍ വധം; സാക്ഷി എഴു പ്രതികളെ തിരിച്ചറിഞ്ഞു

  • 4
    11 hours ago

    അരിമ്പ്രയില്‍ നടന്നത് ചീമേനി മോഡല്‍ ആക്രമണം: എം വി ജയരാജന്‍

  • 5
    13 hours ago

    ഷുഹൈബ് വധം; നാലു പ്രതികള്‍ക്ക് ജാമ്യം

  • 6
    14 hours ago

    ജയിച്ചാലും തോറ്റാലും കള്ളവോട്ടിനെതിരെ പോരാടും: കെ സുധാകരന്‍

  • 7
    14 hours ago

    ഇനി കണക്കുകൂട്ടലിന്റെ ദിനങ്ങള്‍

  • 8
    16 hours ago

    ഉയര്‍ന്ന പോളിംഗ് കോണ്‍ഗ്രസിന് ഗുണം ചെയ്യും: തരൂര്‍

  • 9
    18 hours ago

    സംസ്ഥാനത്ത് പോളിംഗ് 77.67 ശതമാനം