Monday, January 21st, 2019

സ്‌കൂളുകളില്‍ ഇനി പോലീസ് പറന്നെത്തും

പോലീസ് സ്‌കൂളുകളിലെത്തി വാഹനങ്ങളുടെയും ഡ്രൈവര്‍മാരുടെയും വിവരങ്ങള്‍ ശേഖരിക്കും.

Published On:Jun 13, 2018 | 10:57 am

കണ്ണൂര്‍: സ്‌കൂള്‍ വിദ്യാര്‍ത്ഥികളെ കൊണ്ടുപോകുന്ന വാഹനങ്ങളില്‍ പോലീസും മോട്ടോര്‍ വാഹന വകുപ്പും പരിശോധന കര്‍ശനമാക്കി. മരടില്‍ പ്ലേ സ്‌കൂള്‍ വിദ്യാര്‍ത്ഥികള്‍ സഞ്ചരിച്ച വാഹനം മറിഞ്ഞ് രണ്ട് കുട്ടികളും ആയയും മരിച്ച സംഭവത്തിന്റെ പശ്ചാത്തലത്തിലാണിത്.
പോലീസ് സ്‌കൂളുകളിലെത്തി വാഹനങ്ങളുടെയും ഡ്രൈവര്‍മാരുടെയും വിവരങ്ങള്‍ ശേഖരിക്കും. സ്‌കൂളുകളില്‍ സുരക്ഷാ ചുമതലയ്ക്ക് നിയോഗിച്ച അധ്യാപകരുമായും ആശയവിനിമയം നടത്തും. സ്‌കൂള്‍ വാഹനങ്ങളുടെ വേഗം നിയന്ത്രിക്കണമെന്നും അപകടകരമായ വഴികളിലൂടെ സഞ്ചരിക്കുമ്പോള്‍ ഡ്രൈവര്‍മാര്‍ കൂടുതല്‍ ജാഗ്രത പുലര്‍ത്തണമെന്നും പോലീസ് പറഞ്ഞു. ആഴ്ചതോറും പരിശോധന തുടരും.
ഫിറ്റ്‌നസ് സര്‍ട്ടിഫിക്കറ്റ് നേടാത്ത വാഹനങ്ങള്‍ സര്‍വീസ് നടത്തുന്നത് വിലക്കിക്കഴിഞ്ഞു. സ്റ്റിക്കര്‍ ഇല്ലാത്ത വാഹനങ്ങള്‍ക്കെതിരെ നടപടിയെടുക്കും. ചട്ടങ്ങള്‍ പാലിക്കാത്ത വാഹനങ്ങള്‍ പിടിച്ചെടുത്ത് രജിസ്‌ട്രേഷന്‍ റദ്ദാക്കും. ഡ്രൈവറുടെ ലൈസന്‍സും റദ്ദ് ചെയ്യുന്നതുള്‍പ്പെടെയുള്ള നടപടികള്‍ കൈക്കൊള്ളും. പലയിടത്തും കുട്ടികളെ കുത്തിനിറച്ച് പോകുന്ന സ്വകാര്യ വാഹനങ്ങളുണ്ടത്രെ. കുട്ടികളുടെ വീട്ടുകാര്‍ തന്നെ നേരിട്ട് ഏര്‍പ്പെടുത്തുന്ന ഓട്ടോറിക്ഷകളാണിത്. അപകടം ഒഴിവാക്കാന്‍ രക്ഷിതാക്കളുടെ പിന്തുണ പോലീസും മോട്ടോര്‍ വാഹന വകുപ്പും അഭ്യര്‍ത്ഥിച്ചിട്ടുണ്ട്.
അതിനിടെ പെണ്‍കുട്ടികളെ പൂവാലന്മാര്‍ ശല്യം ചെയ്യുന്നതായി പരാതി തുടങ്ങി. നഗരങ്ങളിലെ തിരക്കേറിയ സ്ഥലങ്ങളില്‍പെണ്‍കുട്ടികളെ ശല്യം ചെയ്യുന്നവരെ കൈകാര്യം ചെയ്യുന്നതിനായി പിങ്ക് പോലീസ് ഉള്ളതിനാലാണ് സംഘം വിവിധ പ്രദേശങ്ങള്‍ കേന്ദ്രീകരിച്ച് പെണ്‍കുട്ടികള്‍ക്ക് നേരെ നിരന്തരം ശല്യം ചെയ്യുന്നത്.
ആഡംബര ബൈക്കുകളിലും രൂപാന്തരപ്പെടുത്തിയ ബൈക്കിലും എത്തുന്ന സംഘം അപകടകരമായ രീതിയില്‍ വാഹനം ഓടിച്ച് ചിലയിടത്ത് ഭീകരാന്തരീക്ഷം സൃഷ്ടിക്കുന്നതായും നാട്ടുകാര്‍ പറയുന്നു.
കൂടുതലും കൗമാരക്കാരാണ് പെണ്‍കുട്ടികളെ ശല്യംചെയ്യാനായി എത്തുന്നത്. എന്നാല്‍ ഇവരില്‍ ചിലരെ മുമ്പ് ഇവിടങ്ങളില്‍ കണ്ടിട്ടില്ലെന്നാണ് സമീപവാസികള്‍ പറയുന്നത്.

LIVE NEWS - ONLINE

  • 1
    13 hours ago

    നേപ്പാളും ഭൂട്ടാനും സന്ദര്‍ശിക്കാനുള്ള യാത്രാരേഖയായി ഇനി ആധാറും ഉപയോഗിക്കാം

  • 2
    15 hours ago

    കോട്ടയത്ത് കെ.എസ്.ആര്‍.ടി.സി. ബസ് മറിഞ്ഞ് അയ്യപ്പഭക്തര്‍ക്ക് പരിക്ക്

  • 3
    18 hours ago

    മധ്യപ്രദേശില്‍ ബിജെപി നേതാവിനെ മരിച്ച നിലയില്‍ കണ്ടെത്തി

  • 4
    21 hours ago

    ശബരിമല വിഷയത്തില്‍ ഏത് ചര്‍ച്ചയ്ക്കും തയ്യാറെന്ന് പന്തളം കൊട്ടാരം

  • 5
    22 hours ago

    സാക്കിര്‍ നായിക്കിന്റെ 16.4 കോടി രൂപയുടെ സ്വത്ത് കണ്ടുകെട്ടി

  • 6
    1 day ago

    ബിജെപി ഇനി അധികാരത്തിലെത്തിയാല്‍ ഹിറ്റ്‌ലര്‍ ഭരണം ആയിരിക്കുമെന്ന് കേജ്രിവാള്‍

  • 7
    1 day ago

    കോട്ടയത്ത് 15കാരിയെ കൊന്നു കുഴിച്ചുമൂടിയ നിലയില്‍

  • 8
    2 days ago

    മോദി ഇന്ത്യയെ തകര്‍ത്തു: മമത

  • 9
    2 days ago

    ഹാക്ക് ചെയ്യപ്പെട്ട ഫേസ്ബുക്ക് അക്കൗണ്ട് തിരിച്ചെടുക്കാം