Saturday, February 23rd, 2019

സ്‌കൂളുകള്‍ മണിയടിക്കും മുമ്പേ സ്മാര്‍ട്ടാവുകയാണ്

        കണ്ണൂര്‍: ഏതാനും ദിവസം കഴിയുമ്പോള്‍ സ്‌കൂളുകള്‍ ശബ്ദമുഖരിതമാകും. രക്ഷിതാക്കളേക്കാള്‍ ആധിയാണ് ഇപ്പോള്‍ സ്‌കൂള്‍ അധികൃതര്‍ക്ക്. മഴ നേരത്തെ എത്തിയതിനാല്‍ ഒരുക്കങ്ങള്‍ പൂര്‍ത്തിയാക്കാന്‍ ഓടിപ്പിടിച്ചാണ് പണികള്‍. പലയിടത്തും പെയിന്റ് ചെയ്ത് മനോഹരമാക്കിക്കൊണ്ടിരിക്കുകയാണ് സ്‌കൂളുകളെല്ലാം. ചോരുന്ന മേല്‍ക്കൂരകള്‍ ഇത്തവണ ഒരുസ്‌കൂളുകളിലും കാണരുതെന്നാണ് സര്‍ക്കാറിന്റേ നിര്‍ദേശം. പഴക്കംെചന്ന മേല്‍ക്കൂരകള്‍ മാറ്റി സുരക്ഷിതമാക്കി കൊണ്ടിരിക്കുകയാണ് സ്‌കൂളുകളില്‍. പഴകിയ ബെഞ്ചും ഡസ്‌ക്കു മൊക്കെ മാറ്റി പുതിയത് ഇടണം. മാത്രമല്ല ഹൈടെക് ആയിരിക്കണം ക്ലാസ്മുറികള്‍.ആദ്യദിനം മുതലെ ഉച്ചഭക്ഷണം നല്‍കണം. പഴകിയ … Continue reading "സ്‌കൂളുകള്‍ മണിയടിക്കും മുമ്പേ സ്മാര്‍ട്ടാവുകയാണ്"

Published On:May 29, 2017 | 3:07 pm

Govt School Painting Full

 

 

 

 
കണ്ണൂര്‍: ഏതാനും ദിവസം കഴിയുമ്പോള്‍ സ്‌കൂളുകള്‍ ശബ്ദമുഖരിതമാകും. രക്ഷിതാക്കളേക്കാള്‍ ആധിയാണ് ഇപ്പോള്‍ സ്‌കൂള്‍ അധികൃതര്‍ക്ക്. മഴ നേരത്തെ എത്തിയതിനാല്‍ ഒരുക്കങ്ങള്‍ പൂര്‍ത്തിയാക്കാന്‍ ഓടിപ്പിടിച്ചാണ് പണികള്‍. പലയിടത്തും പെയിന്റ് ചെയ്ത് മനോഹരമാക്കിക്കൊണ്ടിരിക്കുകയാണ് സ്‌കൂളുകളെല്ലാം. ചോരുന്ന മേല്‍ക്കൂരകള്‍ ഇത്തവണ ഒരുസ്‌കൂളുകളിലും കാണരുതെന്നാണ് സര്‍ക്കാറിന്റേ നിര്‍ദേശം. പഴക്കംെചന്ന മേല്‍ക്കൂരകള്‍ മാറ്റി സുരക്ഷിതമാക്കി കൊണ്ടിരിക്കുകയാണ് സ്‌കൂളുകളില്‍.
പഴകിയ ബെഞ്ചും ഡസ്‌ക്കു മൊക്കെ മാറ്റി പുതിയത് ഇടണം. മാത്രമല്ല ഹൈടെക് ആയിരിക്കണം ക്ലാസ്മുറികള്‍.ആദ്യദിനം മുതലെ ഉച്ചഭക്ഷണം നല്‍കണം. പഴകിയ ധാന്യങ്ങള്‍ പാടില്ല. പച്ചക്കറികള്‍ വിഷരഹിതമായിരിക്കണം. ജൈവവളം ഉപയോഗിച്ച് സ്‌കൂളുകളില്‍ തന്നെ പച്ചക്കറികള്‍ കൃഷിചെയ്യണം. ഇതിനായി പതിനായിരം രൂപ വരെ കൃഷിവകുപ്പ് നല്‍കും. പത്ത്‌സെന്റ് സ്ഥലമെങ്കിലും അടുക്കളത്തോട്ടത്തിനായി നീക്കിവെക്കണം. ആവശ്യമെങ്കില്‍ സന്നദ്ധ സംഘടകളുമായി ചേര്‍ന്ന് കൃഷിനടത്താം.
സ്‌കൂള്‍ പാചകശാലകള്‍ എല്‍പിജി സംവിധാനത്തോടെയായിരിക്കണം. ഹോര്‍ട്ടി കോര്‍പ്പ് വഴി പച്ചക്കറി വാങ്ങണം. അരി നല്‍കുന്നത് സിവില്‍ സപ്ലൈസ് വകുപ്പില്‍ നിന്നാണ്. പുസ്തകങ്ങളുടെ വിതരണം പുരോഗമിക്കുകയാണ്. സര്‍ക്കാര്‍ സ്‌കൂളുകളില്‍ കൈത്തറി വസ്ത്രങ്ങള്‍ ആയിരിക്കണം യൂനിഫോമായി നല്‍കേണ്ടത്. ഇതെല്ലാം സൗജന്യമാണ്. ഒരുതരത്തിലുള്ള ഫീസും ഈടാക്കരുത്. ഇംഗ്ലീഷ് മീഡിയം സ്‌കൂളുകളില്‍ മലയാള ഭാഷാപഠനം ഇത്തവണ നിര്‍ബന്ധമുണ്ട്. ഇതിനെല്ലാമായി പ്രധാന അധ്യാപകരെല്ലാം ഇപ്പോള്‍ നെട്ടോട്ടത്തിലാണ്. യൂനിഫോം വാങ്ങാനും പുസ്തകങ്ങള്‍ ഉറപ്പാക്കാനും സ്‌കൂള്‍ മോടിപിടിപ്പിക്കാനും കുട്ടികളുടെ എണ്ണം വര്‍ധിപ്പിക്കാനും പ്രധാന അധ്യാപകര്‍ ഇടപെട്ടേ മതിയാവൂ. കുട്ടികളെ കൊണ്ടുവരുന്ന വാഹനങ്ങള്‍ ഫിറ്റ്‌നസ് നേടിയതായിരിക്കണം. വിദ്യാര്‍ത്ഥികളും അധ്യാപകരും ഓരോ മഴക്കുഴി നിര്‍മിക്കണം ഓരോ വൃക്ഷതൈ നട്ടുപിടിപ്പിച്ച് വളര്‍ത്തണം. ഇങ്ങിനെ നിരവധി പ്രവര്‍ത്ത നങ്ങളാണ് പൊതുവിദ്യാലയങ്ങളില്‍ നടപ്പാക്കേണ്ടത്.
പുതിയ കുട്ടികളെ വരവേല്‍ക്കാന്‍ വന്‍ തയ്യാറെടുപ്പുകളാണ് അണിയറയില്‍ ഒരുക്കുന്നത്. ജില്ലാതല പ്രവേശനോത്സവം ആലക്കോടിനടുത്ത സ്‌കൂളിലാണ് ഒരുക്കിയിരിക്കുന്നത്. പ്രവേശനോത്സം വര്‍ണാഭമാക്കാനുള്ള ഒരുക്കങ്ങളും നടത്തിക്കഴിഞ്ഞു. പുതുതായി സ്‌കൂളിലെത്തുന്ന കുട്ടികള്‍ക്ക് എന്തെങ്കിലും തരത്തിലുള്ള സമ്മാനങ്ങള്‍ വിതരണം ചെയ്യണമെന്ന തീരുമാനത്തിലാണ് അധികൃതരും. ബാഗ്, കുട, മധുരം തുടങ്ങിയ പലവിധത്തിലുള്ള സമ്മാനങ്ങള്‍ ഏര്‍പ്പെടുത്തിയിട്ടുണ്ട്. എല്ലാ സ്‌കൂളുകള്‍ക്കുമായി പ്രത്യേക ഗാനംതയ്യാറാക്കിയിട്ടുണ്ട്. ഇതിന്റെ സിഡി സ്‌കൂളില്‍ എത്തിച്ചിട്ടുണ്ട്. ഇത്തവണ പൊതു വിദ്യഭ്യാസ സംരക്ഷണ പ്രവര്‍ത്തനങ്ങള്‍ കൂടി യ സാഹചര്യത്തില്‍ കുട്ടികളുടെ എണ്ണത്തില്‍ വലിയ വര്‍ധനവുണ്ടാകും
സംസ്ഥാന സര്‍ക്കാറിന്റെ നേതൃത്വത്തില്‍ പൊതുവിദ്യഭ്യാസ സംരക്ഷണ കാമ്പയിന്റെ ഭാഗമായി പ്രാദേശിക തലത്തിലുള്‍പ്പെടെ വലിയതോതിലുള്ള ഇടപെടലുകളാണ് നടത്തിയിരുന്നത്. ജനപ്രതിനിധികളുടെ നേതൃത്വത്തില്‍ കുട്ടികളെ പൊതുവിദ്യാലയത്തിലെത്തിക്കുന്നതിന് പ്രവര്‍ത്തനങ്ങള്‍ സംഘടിപ്പിച്ചിരുന്നു. സ്‌കൂള്‍ തുറക്കുന്നതിന്റെ മുന്നോടിയായി അധ്യാപക പരിശീലനം പൂര്‍ത്തിയാക്കും.

LIVE NEWS - ONLINE

  • 1
    9 hours ago

    കശ്മീരില്‍ ഏറ്റുമുട്ടല്‍: രണ്ട് ഭീകരരെ സുരക്ഷാസേന വധിച്ചു

  • 2
    10 hours ago

    ശബരിമല വിഷയം ഉയര്‍ത്തിക്കാട്ടി സംസ്ഥാന സര്‍ക്കാരിനെ വിമര്‍ശിച്ച് അമിത്ഷാ

  • 3
    11 hours ago

    വിവാഹാഭ്യര്‍ഥന നിരസിച്ചു, തമിഴ്നാട്ടില്‍ അധ്യാപികയെ ക്ലാസ്സ് മുറിയിലിട്ട് വെട്ടിക്കൊന്നു

  • 4
    13 hours ago

    കൊല്ലപ്പെട്ടവരുടെ വീട് മുഖ്യമന്ത്രി സന്ദര്‍ശിക്കാതിരുന്നത് സുരക്ഷാ കാരണങ്ങളാല്‍: കാനം

  • 5
    14 hours ago

    പെരിയ ഇരട്ടക്കൊല; ക്രൈംബ്രാഞ്ച് അന്വേഷണം കേസ് അട്ടിമറിക്കാന്‍: ചെന്നിത്തല

  • 6
    15 hours ago

    ലാവ്‌ലിന്‍; അന്തിമവാദം ഏപ്രിലിലെന്ന് സുപ്രീം കോടതി

  • 7
    16 hours ago

    സര്‍ക്കാരിന്റെ ആയിരം ദിനാഘോഷസമ്മാനം

  • 8
    18 hours ago

    പെരിയ ഇരട്ടക്കൊല ഹീനമെന്ന് മുഖ്യമന്ത്രി

  • 9
    18 hours ago

    പെരിന്തല്‍മണ്ണ മൗലാന ആശുപത്രിയില്‍ തീപിടുത്തം