Tuesday, July 16th, 2019

സ്‌കൂള്‍ ഉച്ചഭക്ഷണ വിതരണം; തുക കിട്ടാതെ 129 സ്‌കൂള്‍

ഇടുക്കി: സ്‌കൂള്‍ ഉച്ചഭക്ഷണ വിതരണത്തിനായി ചെലവഴിച്ച ലക്ഷക്കണക്കിനു രൂപ ലഭിക്കാത്തതിനാല്‍ രണ്ട് ഉപജില്ലകളിലെ 129 സ്‌കൂളുകളില്‍ പ്രധാനാധ്യാപകര്‍ സാമ്പത്തിക പ്രതിസന്ധിയില്‍. പീരുമേട് ഉപജില്ലയിലെ 75 ഉം നെടുങ്കണ്ടം ഉപജില്ലയിലെ 54 ഉം സ്‌കൂളുകള്‍ക്കാണ് ഈ വര്‍ഷം ഒരു രൂപ പോലും അനുവദിക്കാത്തത്. പണം ലഭിക്കാത്തതിനാല്‍ ഈ സര്‍ക്കാര്‍ എയ്ഡഡ് സ്‌കൂളുകളില്‍ ഓണത്തിനുശേഷം ഉച്ചഭക്ഷണ വിതരണ പരിപാടി നിര്‍ത്തിവെക്കേണ്ട സ്ഥിതിയാണെന്നു പ്രൈവറ്റ് സെക്കന്ററി സ്‌കൂള്‍ ഹെഡ്മാസ്‌റ്റേഴ്‌സ് അസോസിയേഷന്‍ ഭാരവാഹികള്‍ വ്യക്തമാക്കി. 24 സ്‌കൂളുകളുടെ കണക്കെടുത്തപ്പോള്‍ 30,01,737 രൂപയാണ് ലഭിക്കാനുള്ളത്. … Continue reading "സ്‌കൂള്‍ ഉച്ചഭക്ഷണ വിതരണം; തുക കിട്ടാതെ 129 സ്‌കൂള്‍"

Published On:Sep 11, 2013 | 5:01 pm

ഇടുക്കി: സ്‌കൂള്‍ ഉച്ചഭക്ഷണ വിതരണത്തിനായി ചെലവഴിച്ച ലക്ഷക്കണക്കിനു രൂപ ലഭിക്കാത്തതിനാല്‍ രണ്ട് ഉപജില്ലകളിലെ 129 സ്‌കൂളുകളില്‍ പ്രധാനാധ്യാപകര്‍ സാമ്പത്തിക പ്രതിസന്ധിയില്‍. പീരുമേട് ഉപജില്ലയിലെ 75 ഉം നെടുങ്കണ്ടം ഉപജില്ലയിലെ 54 ഉം സ്‌കൂളുകള്‍ക്കാണ് ഈ വര്‍ഷം ഒരു രൂപ പോലും അനുവദിക്കാത്തത്. പണം ലഭിക്കാത്തതിനാല്‍ ഈ സര്‍ക്കാര്‍ എയ്ഡഡ് സ്‌കൂളുകളില്‍ ഓണത്തിനുശേഷം ഉച്ചഭക്ഷണ വിതരണ പരിപാടി നിര്‍ത്തിവെക്കേണ്ട സ്ഥിതിയാണെന്നു പ്രൈവറ്റ് സെക്കന്ററി സ്‌കൂള്‍ ഹെഡ്മാസ്‌റ്റേഴ്‌സ് അസോസിയേഷന്‍ ഭാരവാഹികള്‍ വ്യക്തമാക്കി. 24 സ്‌കൂളുകളുടെ കണക്കെടുത്തപ്പോള്‍ 30,01,737 രൂപയാണ് ലഭിക്കാനുള്ളത്. തോട്ടം മേഖലയില്‍ നിന്നുള്ളവരും നിര്‍ധനവുമായ കുട്ടികള്‍ പഠിക്കുന്ന വിദ്യാലയങ്ങളിലെ ഉച്ചഭക്ഷണ വിതരണത്തിനു സര്‍ക്കാര്‍ അനുവദിച്ച തുകയാണ് മാസങ്ങളായി ലഭിക്കാത്തത്.
ഹെഡ്മാസ്റ്റര്‍മാര്‍ പണം കടം വാങ്ങിയും മറ്റും ഇതുവരെ മുടക്കം കൂടാതെ ഉച്ചഭക്ഷണം നല്‍കിവരികയായിരുന്നു. എന്നാല്‍ സര്‍ക്കാരില്‍ നിന്നു ലഭിക്കാനുള്ള ഫണ്ട് ഇനിയും കിട്ടാത്ത സാഹചര്യത്തില്‍ ഒരു വിധത്തിലും ഈ പദ്ധതി മുന്നോട്ടുകൊണ്ടുപോകാന്‍ കഴിയാത്ത സ്ഥിതിയാണ്. ഇപ്പോള്‍ സര്‍ക്കാര്‍ അരി മാത്രമാണ് നല്‍കുന്നത്. ആഴ്ചയില്‍ രണ്ടു ദിവസം പാലും ഒരു ദിവസം മുട്ടയും കൂടാതെ ഉച്ചഭക്ഷണത്തിനു രണ്ടുകൂട്ടം കറികളും നല്‍കണം. ഇതിനായി സര്‍ക്കാര്‍ വകയിരുത്തിയിരിക്കുന്ന തുക 500 കുട്ടികള്‍ക്കു ദിവസേന ആറു രൂപയും 500 നു മുകളിലുള്ള കുട്ടികള്‍ക്ക് അഞ്ച് രൂപയുമാണ്.
പാചകക്കൂലി, വിറക്, പാല്‍, മുട്ട, പലവ്യഞ്ജനങ്ങള്‍ എന്നിവക്കുണ്ടായ വില വര്‍ധന വിദ്യാഭ്യാസ വകുപ്പ് കണക്കിലെടുത്തിട്ടില്ല.
ഈ തുക മുടക്കം കൂടാതെ കിട്ടിയാല്‍ പോലും ഓരോ മാസവും നല്ലൊരു തുക കണ്ടെത്തേണ്ടി വരുന്നതിനിടെയാണ് മാര്‍ച്ചിലെ കുടിശികയും ജൂണ്‍ മുതലുള്ള ഭീമമായ തുകയും ഇനിയും നല്‍കാത്തത്. അടിയന്തരമായി തുക വര്‍ധിപ്പിക്കുകയും മുന്‍കൂറായി ഓരോ മാസവും ലഭ്യമാക്കുകയും ചെയ്യണമെന്നാണ് പ്രഥാനാധ്യാപകരുടെ ആവശ്യം.

LIVE NEWS - ONLINE

  • 1
    3 hours ago

    മുംബൈയില്‍ കെട്ടിടം തകര്‍ന്നുവീണ് മരിച്ചവരുടെ എണ്ണം ഏഴായി

  • 2
    5 hours ago

    ബലാല്‍സംഗക്കേസിലെ പ്രതി ബെംഗളൂരുവില്‍ പിടിയിലായി

  • 3
    7 hours ago

    സംസ്ഥാനത്ത് മഴ ശക്തമാകും; വിവിധ ജില്ലകളില്‍ റെഡ് അലര്‍ട്ട്

  • 4
    8 hours ago

    ശബരിമല പോലീസ് ആര്‍ എസ്എസിന് വിവരങ്ങള്‍ ചോര്‍ത്തി; മുഖ്യമന്ത്രി

  • 5
    10 hours ago

    മരടിലെ ഫ്‌ളാറ്റുകള്‍ പൊളിച്ച് നീക്കേണ്ടത്് നഗരസഭ: മന്ത്രി മൊയ്തീന്‍

  • 6
    12 hours ago

    കോര്‍പറേഷന്‍ യോഗത്തില്‍ പ്രതിപക്ഷ ബഹളം

  • 7
    12 hours ago

    കര്‍ണാടക; രാജിക്കാര്യം സ്പീക്കര്‍ക്ക് തീരുമാനിക്കാം: സുപ്രീം കോടതി

  • 8
    12 hours ago

    കര്‍ണാടക; രാജിക്കാര്യം സ്പീക്കര്‍ക്ക് തീരുമാനിക്കാം: സുപ്രീം കോടതി

  • 9
    13 hours ago

    ലക്ഷം രൂപയുടെ ബ്രൗണ്‍ഷുഗറുമായി തയ്യില്‍ സ്വദേശി അറസ്റ്റില്‍