ഇടുക്കി: ജില്ലയിലെ സ്‌കൂള്‍ ബസുകളില്‍ 2018 ഒക്ടോബര്‍ ഒന്നു മുതല്‍ വാഹന ട്രാക്കിങ് സംവിധാനമായ ജിപിഎസ് ഘടിപ്പിക്കാന്‍ മോട്ടോര്‍ വാഹന വകുപ്പിന്റെ നിര്‍ദേശം. സ്‌കൂള്‍ ബസുകളില്‍ സഞ്ചരിക്കുന്ന വിദ്യാര്‍ഥികളുടെ സുരക്ഷ ഉറപ്പു വരുത്താനും അപകടങ്ങള്‍ ഒഴിവാക്കാനുമാണ് മോട്ടോര്‍ വാഹന വകുപ്പിന്റെ പുതിയ തീരുമാനം. കാലാവര്‍ഷക്കെടുതിയില്‍ റോഡുകളടക്കം തകര്‍ന്ന സാഹചര്യത്തില്‍ മോട്ടോര്‍ വാഹന വകുപ്പ് ഉടുമ്പന്‍ചോല താലൂക്കില്‍ വിദ്യാര്‍ഥികള്‍ യാത്ര ചെയ്യുന്ന വാഹനങ്ങള്‍ക്ക് മാര്‍ഗനിര്‍ദേശം പുറപ്പെടുവിച്ചു. സ്‌കൂള്‍ ബസുകളില്‍ കുട്ടികളെ കുത്തിനിറച്ച് കൊണ്ടുപോയാല്‍ കര്‍ശന നടപടിയെടുക്കുമെന്നാണു മോട്ടോര്‍ വാഹന … Continue reading "ഒക്ടോബര്‍ ഒന്നു മുതല്‍ സ്‌കൂള്‍ ബസുകളില്‍ ജിപിഎസ്"
Saturday, February 23rd, 2019
ഒക്ടോബര്‍ ഒന്നു മുതല്‍ സ്‌കൂള്‍ ബസുകളില്‍ ജിപിഎസ്
Published On:Sep 5, 2018 | 8:01 am
ഇടുക്കി: ജില്ലയിലെ സ്‌കൂള്‍ ബസുകളില്‍ 2018 ഒക്ടോബര്‍ ഒന്നു മുതല്‍ വാഹന ട്രാക്കിങ് സംവിധാനമായ ജിപിഎസ് ഘടിപ്പിക്കാന്‍ മോട്ടോര്‍ വാഹന വകുപ്പിന്റെ നിര്‍ദേശം. സ്‌കൂള്‍ ബസുകളില്‍ സഞ്ചരിക്കുന്ന വിദ്യാര്‍ഥികളുടെ സുരക്ഷ ഉറപ്പു വരുത്താനും അപകടങ്ങള്‍ ഒഴിവാക്കാനുമാണ് മോട്ടോര്‍ വാഹന വകുപ്പിന്റെ പുതിയ തീരുമാനം. കാലാവര്‍ഷക്കെടുതിയില്‍ റോഡുകളടക്കം തകര്‍ന്ന സാഹചര്യത്തില്‍ മോട്ടോര്‍ വാഹന വകുപ്പ് ഉടുമ്പന്‍ചോല താലൂക്കില്‍ വിദ്യാര്‍ഥികള്‍ യാത്ര ചെയ്യുന്ന വാഹനങ്ങള്‍ക്ക് മാര്‍ഗനിര്‍ദേശം പുറപ്പെടുവിച്ചു. സ്‌കൂള്‍ ബസുകളില്‍ കുട്ടികളെ കുത്തിനിറച്ച് കൊണ്ടുപോയാല്‍ കര്‍ശന നടപടിയെടുക്കുമെന്നാണു മോട്ടോര്‍ വാഹന വകുപ്പ് സ്‌കൂള്‍ അധികൃതര്‍ക്കും, ഡ്രൈവര്‍മാര്‍ക്കും നല്‍കുന്ന മുന്നറിയിപ്പ്. സ്‌കൂള്‍ ബസുകളില്‍ മൂന്ന് വയസ്സ് മുതല്‍ 12 വയസ്സ് വരെ പ്രായമുള്ള കുട്ടികള്‍ക്ക് അര സീറ്റും, 12 വയസ്സിനു മുകളില്‍ പ്രായമുള്ള കുട്ടികള്‍ക്ക് ഒരു സീറ്റുമാണ് നിയമപരമായി അംഗീകരിച്ചിരിക്കുന്നത്. 12 വയസ്സിനു താഴെയുള്ള വിദ്യാര്‍ഥികളെ ബസില്‍ 79 പേരെ വരെ കയറ്റാവുന്നതാണ്. വാഹനമോടിക്കുമ്പോള്‍ ഡ്രൈവര്‍മാര്‍ മൊബൈല്‍ ഫോണ്‍ ഉപയോഗിക്കരുതെന്ന കര്‍ശന നിര്‍ദേശവും മോട്ടോര്‍ വാഹനവകുപ്പ് നല്‍കുന്നുണ്ട്. ഇതിനായി പ്രത്യേക പരിശോധനകള്‍ വകുപ്പ് നടത്തും. ഉടുമ്പന്‍ചോല താലൂക്കില്‍ ഒക്ടോബര്‍ ഒന്നിന് മുന്‍പ് ട്രാക്കിങ് സംവിധാനം സ്‌കൂള്‍ ബസുകളില്‍ ഘടിപ്പിക്കണമെന്ന് ഉടുമ്പന്‍ചോല ജോയിന്റ് ആര്‍ടിഒ എംകെ ജയേഷ്‌കുമാര്‍ അറിയിച്ചു. ഈ പറയുന്ന നിയമം ലഘിക്കുന്ന പക്ഷം ബസുകളുടെ പെര്‍മിറ്റ് റദ്ദാക്കുമെന്നും അദ്ദേഹം അറിയിച്ചു.
