Thursday, September 20th, 2018

അഴിമതിക്കേസില്‍ നവാസ് ശരീഫിന് 10 വര്‍ഷം കഠിന തടവ്

ശരീഫിന്റെ അസാന്നിധ്യത്തിലാണ് അടച്ചിട്ട കോടതിമുറിയില്‍ 100 പേജ് വിധി ജഡ്ജി വായിച്ചത്.

Published On:Jul 7, 2018 | 9:10 am

ഇസ്‌ലാമാബാദ്:  അഴിമതിക്കേസില്‍ പാക്കിസ്ഥാന്‍ മുന്‍ പ്രധാനമന്ത്രി നവാസ് ശരീഫിന് 10 വര്‍ഷം കഠിന തടവ്. കേസിലെ മറ്റു പ്രതികളായ ശരീഫിന്റെ മകള്‍ മറിയത്തിന്(44) ഏഴു വര്‍ഷവും മരുമകന്‍ റിട്ട. ക്യാപ്റ്റന്‍ സഫ്ദറിന് ഒരു വര്‍ഷവും തടവും വിധിച്ചിട്ടുണ്ട്.
തടവു കൂടാതെ നവാസ് ശരീഫ് 80 ലക്ഷം പൗണ്ടും(73 കോടിയോളം രൂപ) മറിയം 20 ലക്ഷം പൗണ്ടും(18.2 കോടി രൂപ) പിഴയടക്കണം. കേസില്‍ സഹകരിക്കാത്തതിനാണ് സഫ്ദറിന് ശിക്ഷ വിധിച്ചത്. ലണ്ടനിലെ സമ്പന്നപ്രദേശമായ അവെന്‍ഫീല്‍ഡില്‍ നാല് ആഡംബര ഫ്‌ളാറ്റുകള്‍ സ്വന്തമാക്കിയ കേസിലാണ് അക്കൗണ്ടബിലിറ്റി കോടതി ജഡ്ജി മുഹമ്മദ് ബഷീര്‍ ശിക്ഷ വിധിച്ചത്.
ഉന്നതരുടെ അനധികൃത സമ്പാദ്യവിവരങ്ങള്‍ പാനമ രേഖകള്‍ വഴി പുറത്തുവന്നതിനെത്തുടര്‍ന്ന് നാഷനല്‍ അക്കൗണ്ടബിലിറ്റി ബ്യൂറോ(എന്‍.എ.ബി) എടുത്ത മൂന്ന് കേസുകളിലൊന്നിലാണ് കോടതി തടവ് വിധിച്ചത്. അഞ്ചുതവണ മാറ്റിവെച്ചശേഷമാണ് വിധി പ്രഖ്യാപിക്കുന്നത്.അര്‍ബുദ ബാധിതയായ ഭാര്യ കുല്‍സൂം നവാസിന്റെ ചികിത്സക്കായി ലണ്ടനിലാണിപ്പോള്‍ 68കാരനായ ശരീഫും കുടുംബവും.
ശരീഫിന്റെ അസാന്നിധ്യത്തിലാണ് അടച്ചിട്ട കോടതിമുറിയില്‍ 100 പേജ് വിധി ജഡ്ജി വായിച്ചത്. ജൂലൈ 25ന് പാക്കിസ്ഥാനില്‍ പൊതുതെരഞ്ഞെടുപ്പ് നടക്കാനിരിക്കെ വന്ന വിധി, ശരീഫിന്റെ പാര്‍ട്ടിയായ പാക്കിസ്ഥാന്‍ മുസ്‌ലിം ലീഗ്‌നവാസ് വിഭാഗത്തെ പ്രതികൂലമായി ബാധിക്കുമെന്നാണ് വിലയിരുത്തല്‍.

 

LIVE NEWS - ONLINE

  • 1
    2 hours ago

    ബിഷപ്പിന്റെ അറസ്റ്റ് ഇന്നുമില്ല; ചോദ്യം ചെയ്യല്‍ നാളെയും തുടരും

  • 2
    2 hours ago

    ബിഷപ്പിന്റെ അറസ്റ്റിനായി പോലീസ് നിയമോപദേശം തേടി

  • 3
    5 hours ago

    ജനാധിപത്യ മതേതര മൂല്യങ്ങളില്‍ വിട്ടുവീഴ്ച ഉണ്ടാകില്ല: മുല്ലപ്പള്ളി

  • 4
    5 hours ago

    ഉള്‍പ്പാര്‍ട്ടി ജനാധിപത്യവും അച്ചടക്കവും ഉറപ്പാക്കും: മുല്ലപ്പള്ളി

  • 5
    7 hours ago

    ട്രെയിനില്‍ നിന്ന് തെറിച്ചുവീണ യുവാവിന്റെ നില ഗുരുതരം

  • 6
    8 hours ago

    മുത്തലാഖ് തടയിടാന്‍ കേന്ദ്രം

  • 7
    9 hours ago

    പാര്‍ട്ടി കൂടുതല്‍ ശക്തിപ്പെടും: ചെന്നിത്തല

  • 8
    9 hours ago

    ഫെയ്‌സ് ബുക്ക് പ്രണയം യുവാവിനെ തേടി ഭര്‍തൃമതി കതിരൂരില്‍

  • 9
    9 hours ago

    ആര്‍ എസ് എസ് പ്രവര്‍ത്തകനെ വെട്ടിക്കൊന്ന കേസ്; 20 വര്‍ഷം കഴിഞ്ഞിട്ടും വിചാരണക്കെത്തിയില്ല