Saturday, February 23rd, 2019

സഞ്ജയ് ഗാന്ധിയും ഇടനിലക്കാരന്‍ ആയിരുന്നു : വിക്കിലീക്‌സ്

ന്യൂഡല്‍ഹി : സഞ്ജയ് ഗാന്ധിയും വിമാനക്കരാറില്‍ ഇടനിലക്കാരനായിരുന്നെന്ന് വിക്കിലീക്‌സ് കേബിള്‍ രേഖകള്‍. കഴിഞ്ഞ ദിവസം മുന്‍ പ്രധാനമന്ത്രി രാജീവ് ഗാന്ധിക്കെതിരെ ഇതേ ആരോപണവുമായി വിക്കിലീക്‌സ് രംഗത്തെത്തിയത് വന്‍ വിവാദങ്ങള്‍ക്ക് വഴിവെച്ചിരുന്നു. ഇതിന് പിന്നാലെയാണ് സഞ്ജയ് ഗാന്ധിയെയും പ്രതിക്കൂട്ടിലാക്കി പുതിയ വെളിപ്പെടുത്തല്‍ വന്നത്. 1976 ല്‍ ബ്രിട്ടീഷ് എയര്‍ക്രാഫ്റ്റ് കോര്‍പ്പറേഷന്‍ തങ്ങളുടെ വിമാനങ്ങള്‍ ഇന്ത്യക്ക് വില്‍ക്കാന്‍ സഞ്ജയ് ഗാന്ധിക്ക് മുഖ്യ ഓഹരിപങ്കാളിത്തമുണ്ടായിരുന്ന മാരുതി കമ്പനി മുഖേന ശ്രമം നടത്തിയെന്നായിരുന്നു ഇന്ന് പുറത്തുവിട്ട കിസ്സിഞ്ചര്‍ കേബിളിലെ വെളിപ്പെടുത്തല്‍. അമേരിക്കയിലെയം ഹോളണ്ടിലെയും … Continue reading "സഞ്ജയ് ഗാന്ധിയും ഇടനിലക്കാരന്‍ ആയിരുന്നു : വിക്കിലീക്‌സ്"

Published On:Apr 9, 2013 | 11:04 am

ന്യൂഡല്‍ഹി : സഞ്ജയ് ഗാന്ധിയും വിമാനക്കരാറില്‍ ഇടനിലക്കാരനായിരുന്നെന്ന് വിക്കിലീക്‌സ് കേബിള്‍ രേഖകള്‍. കഴിഞ്ഞ ദിവസം മുന്‍ പ്രധാനമന്ത്രി രാജീവ് ഗാന്ധിക്കെതിരെ ഇതേ ആരോപണവുമായി വിക്കിലീക്‌സ് രംഗത്തെത്തിയത് വന്‍ വിവാദങ്ങള്‍ക്ക് വഴിവെച്ചിരുന്നു. ഇതിന് പിന്നാലെയാണ് സഞ്ജയ് ഗാന്ധിയെയും പ്രതിക്കൂട്ടിലാക്കി പുതിയ വെളിപ്പെടുത്തല്‍ വന്നത്.
1976 ല്‍ ബ്രിട്ടീഷ് എയര്‍ക്രാഫ്റ്റ് കോര്‍പ്പറേഷന്‍ തങ്ങളുടെ വിമാനങ്ങള്‍ ഇന്ത്യക്ക് വില്‍ക്കാന്‍ സഞ്ജയ് ഗാന്ധിക്ക് മുഖ്യ ഓഹരിപങ്കാളിത്തമുണ്ടായിരുന്ന മാരുതി കമ്പനി മുഖേന ശ്രമം നടത്തിയെന്നായിരുന്നു ഇന്ന് പുറത്തുവിട്ട കിസ്സിഞ്ചര്‍ കേബിളിലെ വെളിപ്പെടുത്തല്‍. അമേരിക്കയിലെയം ഹോളണ്ടിലെയും കമ്പനികളെ ഒഴിവാക്കി കരാര്‍ ഇന്ത്യക്ക് നല്‍കാന്‍ സഞ്ജയ് ഗാന്ധി വഴി ബ്രിട്ടീഷ് എയര്‍ക്രാഫ്റ്റ് കോര്‍പറേഷന്‍ ശ്രമിച്ചുവെന്നാണ് രേഖകള്‍.
സ്വീഡിഷ് യുദ്ധവിമാന നിര്‍മാണ കമ്പനിയായ സബ്‌സ്‌കാനിയ 1970ല്‍ രാജീവ് ഗാന്ധി മുഖേന യുദ്ധവിമാനങ്ങള്‍ ഇന്ത്യക്ക് വില്‍ക്കാന്‍ ശ്രമം നടത്തിയെന്ന് കഴിഞ്ഞ ദിവസം വിക്കിലീക്‌സ് വെളിപ്പെടുത്തിയിരുന്നു. സംഭവത്തില്‍ അന്വേഷണം വേണമെന്ന് ബി ജെ പി ആവശ്യപ്പെട്ടപ്പോള്‍ ഗാന്ധികുടുബത്തെ താറടിച്ചു കാണിക്കാനുള്ള ശ്രമമാണെന്നായിരുന്നു കോണ്‍ഗ്രസ്സിന്റെ പ്രതികരണം.
അടിയന്തരാവസ്ഥക്കാലത്ത് സര്‍ക്കാറിനെ അട്ടിമറിക്കാന്‍ സോഷ്യലിസ്റ്റ് നേതാവ് ജോര്‍ജ് ഫെര്‍ണാണ്ടസ് അമേരിക്കന്‍ സഹായം തേടിയെന്നും വിക്കിലീക്‌സ് കഴിഞ്ഞ ദിവസം വെളിപ്പെടുത്തിയിരുന്നു.
1973 മുതല്‍ 76 വരെ അമേരിക്കന്‍ വിദേശകാര്യ സെക്രട്ടറിയായിരുന്ന ഹെന്റി കിസ്സിഞ്ചറിന് യു എസ് നയതന്ത്ര കാര്യാലയങ്ങളില്‍ നിന്നയച്ച രഹസ്യ റിപ്പോര്‍ട്ടുകളാണ് കിസ്സിഞ്ചര്‍ കേബിള്‍ എന്ന പേരില്‍ വിക്കിലീക്‌സ് പ്രസിദ്ധപ്പെടുത്തുന്നത്.

LIVE NEWS - ONLINE

  • 1
    10 hours ago

    കശ്മീരില്‍ ഏറ്റുമുട്ടല്‍: രണ്ട് ഭീകരരെ സുരക്ഷാസേന വധിച്ചു

  • 2
    12 hours ago

    ശബരിമല വിഷയം ഉയര്‍ത്തിക്കാട്ടി സംസ്ഥാന സര്‍ക്കാരിനെ വിമര്‍ശിച്ച് അമിത്ഷാ

  • 3
    13 hours ago

    വിവാഹാഭ്യര്‍ഥന നിരസിച്ചു, തമിഴ്നാട്ടില്‍ അധ്യാപികയെ ക്ലാസ്സ് മുറിയിലിട്ട് വെട്ടിക്കൊന്നു

  • 4
    15 hours ago

    കൊല്ലപ്പെട്ടവരുടെ വീട് മുഖ്യമന്ത്രി സന്ദര്‍ശിക്കാതിരുന്നത് സുരക്ഷാ കാരണങ്ങളാല്‍: കാനം

  • 5
    16 hours ago

    പെരിയ ഇരട്ടക്കൊല; ക്രൈംബ്രാഞ്ച് അന്വേഷണം കേസ് അട്ടിമറിക്കാന്‍: ചെന്നിത്തല

  • 6
    17 hours ago

    ലാവ്‌ലിന്‍; അന്തിമവാദം ഏപ്രിലിലെന്ന് സുപ്രീം കോടതി

  • 7
    18 hours ago

    സര്‍ക്കാരിന്റെ ആയിരം ദിനാഘോഷസമ്മാനം

  • 8
    20 hours ago

    പെരിയ ഇരട്ടക്കൊല ഹീനമെന്ന് മുഖ്യമന്ത്രി

  • 9
    20 hours ago

    പെരിന്തല്‍മണ്ണ മൗലാന ആശുപത്രിയില്‍ തീപിടുത്തം