Wednesday, April 24th, 2019

ശബരിമല വിഷയം തെരഞ്ഞെടുപ്പില്‍ സജീവമാക്കാനൊരുങ്ങി ബി.ജെ.പി

പത്തനംതിട്ട, തിരുവനന്തപുരം മണ്ഡലങ്ങളില്‍ ശബരിമല വിഷയം സജീവമായി ഉന്നയിക്കാനും തീരുമാനമായി.

Published On:Apr 13, 2019 | 11:48 am

തിരു: ശബരിമല യുവതി പ്രവേശന വിഷയം തെരഞ്ഞെടുപ്പില്‍ സജീവമാക്കാനൊരുങ്ങി ബി.ജെ.പി.ശബരിമല വിഷയത്തിന് തെരഞ്ഞെടുപ്പ് പ്രചരണത്തില്‍ ഊന്നല്‍ നല്‍കാന്‍ ബന്ധപ്പെട്ട കമ്മിറ്റികള്‍ക്ക് നിര്‍ദേശം നല്‍കി. തെരഞ്ഞെടുപ്പ് കമീഷന്റെ നിലപാടിനെ ഭയക്കേണ്ടെന്നും നിര്‍ദേശമുണ്ട്.
പത്തനംതിട്ട, തിരുവനന്തപുരം മണ്ഡലങ്ങളില്‍ ശബരിമല വിഷയം സജീവമായി ഉന്നയിക്കാനും തീരുമാനമായി. തെരഞ്ഞെടുപ്പുമായി ബന്ധപ്പെട്ട് നടത്തിയ അവലോകനത്തില്‍ തൃശൂര്‍, പത്തനംതിട്ട, തിരുവനന്തപുരം മണ്ഡലങ്ങളിലെ സ്ഥാനാര്‍ഥികള്‍ക്ക് വലിയ സ്വീകാര്യത ലഭിക്കുന്നുണ്ടെന്ന് വിലയിരുത്തലുണ്ടായിരുന്നു. ഇതിന്റെ പ്രധാന കാരണം ഈ സ്ഥാനാര്‍ഥികള്‍ ശബരിമല വിഷയത്തിലെടുത്ത നിലപാടുകള്‍ക്ക് ലഭിച്ച അംഗീകാരമാണെന്നാണ് പാര്‍ട്ടിയുടെ കണ്ടെത്തല്‍.
അതിനാല്‍ തന്നെ തെരഞ്ഞെടുപ്പ് കമീഷനെ മറികടന്ന് ശബരിമല വിഷയം തെരഞ്ഞെടുപ്പ് പ്രചരണത്തില്‍ സജീവമാക്കിയാല്‍ നേട്ടമുണ്ടാക്കാന്‍ സാധിക്കുമെന്നാണ് ബി.ജെ.പി കരുതുന്നത്. ശരണം വിളിച്ച് തന്നെ പ്രചരണ പ്രവര്‍ത്തനങ്ങളുമായി മുന്നോട്ട് പോകാമെന്ന നിര്‍ദേശവും പ്രചരണ കമ്മിറ്റികള്‍ക്ക് നല്‍കിയിട്ടുണ്ട്. ശബരിമല വിഷയം ഉയര്‍ത്തിക്കാട്ടിക്കൊണ്ടുതന്നെ പരമാവധി വോട്ടുകള്‍ സമാഹരിക്കുക എന്ന ലക്ഷ്യത്തിലേക്കാണ് ബി.ജെ.പി നീങ്ങുന്നത്.

 

LIVE NEWS - ONLINE

  • 1
    59 mins ago

    ടിക് ടോക് നിരോധനം മദ്രാസ് ഹൈക്കോടതി നീക്കി

  • 2
    2 hours ago

    ശ്രീനഗറില്‍ പാക് തീവ്രവാദി പിടിയില്‍

  • 3
    4 hours ago

    കെവിന്‍ വധം; സാക്ഷി എഴു പ്രതികളെ തിരിച്ചറിഞ്ഞു

  • 4
    5 hours ago

    അരിമ്പ്രയില്‍ നടന്നത് ചീമേനി മോഡല്‍ ആക്രമണം: എം വി ജയരാജന്‍

  • 5
    7 hours ago

    ഷുഹൈബ് വധം; നാലു പ്രതികള്‍ക്ക് ജാമ്യം

  • 6
    7 hours ago

    ജയിച്ചാലും തോറ്റാലും കള്ളവോട്ടിനെതിരെ പോരാടും: കെ സുധാകരന്‍

  • 7
    7 hours ago

    ഇനി കണക്കുകൂട്ടലിന്റെ ദിനങ്ങള്‍

  • 8
    10 hours ago

    ഉയര്‍ന്ന പോളിംഗ് കോണ്‍ഗ്രസിന് ഗുണം ചെയ്യും: തരൂര്‍

  • 9
    11 hours ago

    സംസ്ഥാനത്ത് പോളിംഗ് 77.67 ശതമാനം