Wednesday, February 20th, 2019

റഷ്യന്‍ വസന്തത്തില്‍ ഈജിപ്തിന് കാലിടറി

ആദ്യ മല്‍സരത്തില്‍ റഷ്യ സൗദിയെ 5-0ന് മുക്കിയപ്പോള്‍, ഈജിപ്ത് 1-0ന് ഉറുഗ്വെയോട് തോറ്റിരുന്നു.

Published On:Jun 20, 2018 | 9:25 am

മോസ്‌കോ: കരുത്തരായ ഈജിപ്തിനെ തകര്‍ത്ത് ആതിഥേയരായ റഷ്യ ഈ ലോകകപ്പിലെ രണ്ടാം ജയം സ്വന്തമാക്കി. ഒന്നിനെതിരെ മൂന്ന് ഗോളുകള്‍ക്കാണ് റഷ്യ ഈജിപ്തിനുമേല്‍ വിജയം കണ്ടത്. ഗോള്‍രഹിതമായ ഒന്നാം പകുതിക്ക് ശേഷം റഷ്യന്‍ ചെമ്പട ഈജിപ്ഷ്യന്‍ ഗോള്‍ മുഖത്തേക്ക് ഇരമ്പിയാര്‍ക്കുകയായിരുന്നു. മത്സരത്തിന്റെ 47-ാം മിനിറ്റിലാണ് റഷ്യ ഗോള്‍ പട്ടിക തുറന്നത്. അതും ഈജിപ്ഷ്യന്‍ നായകന്‍ ഫാത്തിയുടെ സെല്‍ഫ് ഗോളിലൂടെ. സോബ്‌നിന്റെ നിരുപദ്രവകരമായ ഷോട്ട് തടയാനുള്ള ശ്രമത്തിനിടെ ഫാത്തിയുടെ മുട്ടില്‍ തട്ടിത്തിരിഞ്ഞ പന്ത് സ്വന്തം ഗോള്‍മുഖത്തേക്ക് പാഞ്ഞുകയറുമ്പോള്‍ ഈജിപ്ഷ്യന്‍ ഗോളിക്ക് കാഴ്ചക്കാരനാകാനെ സാധിച്ചുള്ളു.
ആദ്യ ഗോളിന്റെ ഞെട്ടലില്‍ തരിച്ചു നിന്ന ഈജിപ്തിന്റെ ഗോള്‍മുഖത്ത് റഷ്യന്‍ ചെമ്പട നിരന്തരം ആക്രമണമഴിച്ചുവിട്ടു. നിമിഷങ്ങള്‍ക്കകം ആ നീക്കം ലക്ഷ്യം കാണുകയും ചെയ്തു. ബോക്‌സി വലത് മൂലയില്‍ നിന്ന് ഫെര്‍ണാണ്ടസ് നല്‍കിയ പാസ് പിഴവേതും കൂടാതെ ഡെനിസ് ചെറിഷേവ് ഗോളാക്കി മാറ്റി. 59-ാം മിനിറ്റിലായിരുന്നു റഷ്യന്‍ ഗാലറിയെ ഇളക്കി മറിച്ച ഈ ഗോള്‍ പിറന്നത്. കഴിഞ്ഞ മത്സരത്തില്‍ രണ്ട് ഗോളുകള്‍ നേടിയ ചെറിഷേവിന്റെ ഗോള്‍നേട്ടം ഇതോടെ മൂന്നായി ഉയരുകയും ചെയ്തു.
മൂന്ന് മിനിറ്റുകളുടെ മാത്രം ഇടവേളയില്‍ ഈജിപ്തിന്റെ ഗോള്‍മുഖം വീണ്ടും ഞെട്ടിവിറച്ചു. അര്‍തേം സ്യൂബയാണ് 62-ാം മിനിറ്റില്‍ റഷ്യയുടെ മൂന്നാം ഗോള്‍ നേടിയത്. ഗോളുകള്‍ നേടാനാകാതെ നാണം കെട്ട് മടങ്ങേണ്ടി വരുമെന്ന് ഉറപ്പിച്ച ഈജിപ്തിന് ആശ്വാസമെന്നോണം 73-ാം മിനിറ്റില്‍ പെനാല്‍റ്റി ലഭിച്ചു. കിക്കെടുത്ത ഈജിപ്തിന്റെ സൂപ്പര്‍ താരം മുഹമ്മദ് സലാ പിഴവ് കൂടാതെ അത് ലക്ഷ്യത്തിലെത്തിക്കുകയും ചെയ്തു.
കളിച്ച രണ്ടു മത്സരങ്ങളും ജയിച്ച റഷ്യക്ക് ഇതോടെ ആറു പോയിന്റായി. രണ്ട് മത്സരങ്ങളും പരാജയത്തിന്റെ കയ്പുനീര്‍ കുടിച്ച ഈജിപ്തിന്റെ നില പരുങ്ങലിലാവുകയും ചെയ്തു. ആദ്യ മല്‍സരത്തില്‍ റഷ്യ സൗദിയെ 5-0ന് മുക്കിയപ്പോള്‍, ഈജിപ്ത് 1-0ന് ഉറുഗ്വെയോട് തോറ്റിരുന്നു.

 

LIVE NEWS - ONLINE

  • 1
    1 hour ago

    പിതാംബരന്‍ മറ്റാര്‍ക്കോ വേണ്ടി കുറ്റം ഏറ്റെടുത്തു: ഭാര്യ മഞ്ജു

  • 2
    1 hour ago

    ഷംസീര്‍ എംഎല്‍എക്കെതിരെ ആഞ്ഞടിച്ച് ഡീന്‍ കുര്യാക്കോസ്

  • 3
    2 hours ago

    അംബാനി കുറ്റക്കാരന്‍; നാലാഴ്ചക്കകം 453 കോടി അല്ലെങ്കില്‍ ജയില്‍

  • 4
    2 hours ago

    പെരിയ ഇരട്ടക്കൊല പൈശാചികം: വിഎസ്

  • 5
    3 hours ago

    പെരിയ ഇരട്ടക്കൊല; പിതാംബരന്റ സഹായിയായ കണ്ണൂര്‍ സ്വദേശി പിടിയില്‍

  • 6
    3 hours ago

    അമ്മയും കുഞ്ഞും പൊള്ളലേറ്റു മരിച്ചു

  • 7
    3 hours ago

    ചാമ്പ്യന്‍സ് ലീഗ്; ബയറണ്‍-ലിവര്‍പൂള്‍ മത്സരം സമനിലയില്‍

  • 8
    3 hours ago

    പെരിയ ഇരട്ടക്കൊല; വെട്ടിയത് അപമാനത്താലുണ്ടായ നിരാശയില്‍: പീതാംബരന്‍

  • 9
    4 hours ago

    പെരിയ ഇരട്ടക്കൊല; വെട്ടിയത് അപമാനത്താലുണ്ടായ നിരാശയില്‍: പീതാംബരന്‍