Tuesday, September 25th, 2018

കാനറി പക്ഷികള്‍ക്ക് പ്രതിരോധ കൂട്

ഗ്രൂപ്പ് ഇയില്‍ സെര്‍ബിയ മൂന്നു പോയിന്റുമായി ഒന്നാമതാണ്. ബ്രസീലും സ്വിറ്റ്‌സര്‍ലന്‍ഡും ഒരോ പോയിന്റും വീതം നേടി തൊട്ടടുത്ത സ്ഥാനങ്ങളിലുണ്ട്.

Published On:Jun 18, 2018 | 9:45 am

റോസ്റ്റോവ്: റഷ്യന്‍ ലോക കപ്പില്‍ വിജയത്തോടെ തുടങ്ങാമെന്ന കാനറിപ്പക്ഷികളുടെ മോഹത്തിന് കനത്ത തിരിച്ചടി. ഗ്രൂപ്പ് ഇയില്‍ ആദ്യ മത്സരത്തിനിറങ്ങിയ നെയ്മറെയും സംഘത്തെയും സ്വിറ്റ്‌സര്‍ലന്റ് പ്രതിരോധക്കോട്ട കെട്ടി സമനിലയില്‍ തളച്ചു. ഇരു ടീമുകളും ഓരോ ഗോള്‍ വീതം നേടി.
കനത്ത ആക്രമണങ്ങള്‍ക്കൊടുവില്‍ ഇരുപതാം മിനിറ്റില്‍ ഫിലിപ്പെ കുടിഞ്ഞോയിലൂടെ ബ്രസീലാണ് ആദ്യം മുന്നിലെത്തിയത്. ബോക്‌സിന് മുന്നില്‍ ലഭിച്ച പന്ത് കുടീഞ്ഞോ വലയിലാക്കുകയായിരുന്നു. അമ്പതാം മിനിറ്റില്‍ സ്റ്റീവന്‍ സൂബര്‍ സ്വിസ് ടീമിന് സമനില നേടിക്കൊടുത്തു. ജെര്‍ദന്‍ ഷകീരി എടുത്ത കോര്‍ണര്‍ കിക്കില്‍നിന്ന് ഉജ്വല ഹെഡറിലൂടെ പന്ത് വലയിലെത്തിച്ചാണ് സൂബര്‍ സമനില സമ്മാനിച്ചത്.
സൂപ്പര്‍ താരം നെയ്മറെ ഇടംവലം പൂട്ടിയാണ് സ്വിസ് പട പ്രതിരോധ തന്ത്രങ്ങള്‍ മെനഞ്ഞത്. നെയ്മര്‍ക്കൊപ്പം കുടിഞ്ഞോയും ഗബ്രിയേല്‍ ജീസസുമെല്ലാം സ്വിസിന്റെ കൈക്കരുത്തിന്റെ ഇരകളായി. അവസാന നിമിഷങ്ങളില്‍ പ്രതിരോധത്തിലെ അവസാന പഴുതും അടച്ച് കളിച്ച സ്വിറ്റ്‌സര്‍ലന്റ് ബ്രസീലിനെ സമനിലയില്‍ തളച്ചു.
ഗ്രൂപ്പ് ഇയില്‍ സെര്‍ബിയ മൂന്നു പോയിന്റുമായി ഒന്നാമതാണ്. ബ്രസീലും സ്വിറ്റ്‌സര്‍ലന്‍ഡും ഒരോ പോയിന്റും വീതം നേടി തൊട്ടടുത്ത സ്ഥാനങ്ങളിലുണ്ട്.

 

LIVE NEWS - ONLINE

  • 1
    21 mins ago

    വാഹനാപകടത്തില്‍ വയലിനിസ്റ്റ് ബാലഭാസ്‌കറിനും ഭാര്യക്കും ഗുരുതരം; മകള്‍ മരിച്ചു

  • 2
    1 hour ago

    സര്‍ക്കാര്‍ സഹായമില്ലാതെ അന്താരാഷ്ട്ര ചലച്ചിത്രമേള നടത്തും

  • 3
    1 hour ago

    ലൂക്ക മോഡ്രിച് ഫിഫ സൂപ്പര്‍ താരം

  • 4
    3 hours ago

    വീട്ടമ്മയുടെ തൂങ്ങി മരണം കൊലപാതകം; മകന്റെ സുഹൃത്ത് പിടിയില്‍

  • 5
    3 hours ago

    ശശി എംഎല്‍എക്കെതിരെ അന്വേഷണം പൂര്‍ത്തിയായി; നടപടി ഉണ്ടായേക്കും

  • 6
    13 hours ago

    സിസ്റ്റര്‍ ലൂസിക്കെതിരായ നടപടി പിന്‍വലിച്ചു

  • 7
    15 hours ago

    സ്പെഷ്യല്‍ പ്രോട്ടക്ഷന്‍ ഗ്രൂപ്പുമായി ബന്ധപ്പെട്ട് രാഹുല്‍ഗാന്ധി ഉന്നയിച്ച ആരോപണം തള്ളി കേന്ദ്രസര്‍ക്കാര്‍

  • 8
    16 hours ago

    കെ.എസ്.ആര്‍.ടി.സി ബസ്സില്‍ ബൈക്ക് ഇടിച്ച് ഒരാള്‍ മരിച്ചു

  • 9
    20 hours ago

    മിനിലോറി ടിപ്പറിലിടിച്ച് ഡ്രൈവര്‍ മരിച്ചു; ഒരാള്‍ക്ക് പരിക്ക്