Friday, April 19th, 2019

ദൈവത്തില്‍ പ്രതീക്ഷയര്‍പ്പിച്ച് അര്‍ജന്റീന; നീലാകാശത്ത് മൂസപ്പരുന്ത് വട്ടമിട്ട് പറക്കും

ആഫ്രിക്കന്‍ കരുത്ത് പ്രവചനാതീതമാണ്. അപ്രതീക്ഷിത മുന്നേറ്റം നടത്തി അമ്പരപ്പിക്കുന്ന ഗോളുകള്‍ നേടാന്‍ നൈജീരിയക്ക് കഴിവുണ്ട്.

Published On:Jun 26, 2018 | 8:02 am

മോസ്‌കോ: ലോകകപ്പിന്റെ ഇരുപത്തൊന്നാം എഡിഷനില്‍ ഫുട്ബാള്‍ പ്രേമികളുടെ പ്രിയ ടീമായ അര്‍ജന്റീനയുടെ സാന്നിധ്യം തുടര്‍ന്നുമുണ്ടാകുമോയെന്ന് ഇന്നറിയാം. ഗ്രൂപ്പ് ഡിയിലെ അവസാന പോരാട്ടങ്ങളില്‍ ഇന്ന് അര്‍ജന്റീന നൈജീരിയയെയും ക്രൊയേഷ്യ ഐസ്‌ലന്റിനെയും നേരിടുും. രണ്ട് മത്സരങ്ങളും രാത്രി 11.30 മുതലാണ്. നേരത്തേ തന്നെ ക്രൊയേഷ്യ പ്രീക്വാര്‍ട്ടര്‍ ഉറപ്പിച്ചതിനാല്‍ ശേഷിക്കുന്ന ഒരു സ്ഥാനത്തിലേക്ക് സാധ്യതകള്‍ അവസാനിച്ചിട്ടില്ലാത്ത ബാക്കി മൂന്ന് ടീമുകളും പ്രതീക്ഷയോടെ ഉറ്റുനോക്കുകയാണ്.
ഇന്നത്തെ മത്സരത്തിലെ ഫലം അനുസരിച്ചായിരിക്കും ആരാകും ക്രൊയേഷ്യക്കൊപ്പം അടുത്ത റൗണ്ടില്‍ എത്തുകയെന്ന് തീരുമാനിക്കപ്പെടുക. ക്രൊയേഷ്യക്ക് പിന്നിലായി മൂന്ന് പോയിന്റുമായി നൈജീരിയയാണ് രണ്ടാം സ്ഥാനത്ത്. ഐസ്‌ലന്റ് മൂന്നാമതും അര്‍ജന്റീന അവസാന സ്ഥാനത്തുമാണിപ്പോള്‍. എന്നാല്‍ ഫുട്‌ബോള്‍ ദൈവം മെസിയുടെ മാസ്മരിക പ്രകടനത്തില്‍ അര്‍ജന്റീന രണ്ടാം റൗണ്ടില്‍ പ്രവേശിക്കുമെന്നാണ് ആരാധകരുടെ പ്രതീക്ഷ.
നൈജീരിയ്‌ക്കെതിരായ നിര്‍ണായക മത്സരത്തില്‍ ക്രൊയേഷ്യക്കെതിരെ കളിച്ച ഫോര്‍മേഷനിലും ആദ്യ ഇലവനിലും മാറ്റംവരുത്തിയാകും സാംപോളി അര്‍ജന്റീനയെ കളത്തിലിറക്കുക. കഴിഞ്ഞ മത്സരത്തില്‍ കളിക്കാതിരുന്ന എയ്ഞ്ചല്‍ ഡി മരിയയും എവര്‍ ബനേഗയും തിരിച്ചെത്തിയേക്കും. ഗോണ്‍സ്വാലോ ഹിഗ്വയിനും ആദ്യ ഇലവനില്‍ ഇടം നേടാന്‍ സാധ്യതയുണ്ട്.
ഗോള്‍ കീപ്പര്‍ വില്ലികാബല്ലെറോക്ക് പകരം ബാറിന് കീഴില്‍ അര്‍മാനി വന്നേക്കും. ലോകകപ്പില്‍ അവസാനം മുഖാമുഖം വന്ന നാല് മത്സരങ്ങളിലും അര്‍ജന്റീന നൈജീരിയയെ കീഴടക്കിയിട്ടുണ്ട്.
ആഫ്രിക്കന്‍ കരുത്ത് പ്രവചനാതീതമാണ്. അപ്രതീക്ഷിത മുന്നേറ്റം നടത്തി അമ്പരപ്പിക്കുന്ന ഗോളുകള്‍ നേടാന്‍ നൈജീരിയക്ക് കഴിവുണ്ട്. മാത്രമല്ല അവരുടെ സ്റ്റാര്‍ സ്്‌ട്രൈക്കര്‍ അഹമ്മദ് മൂസ ഐസ്‌ലന്റിനെതിരെയുള്ള മത്സരത്തില്‍ നത്തിയ മാസ്മരിക പ്രകടനം അര്‍ജന്റിനയെ ഭയപ്പെടുത്തുകയാണ്. നഷ്ടപ്പെടാനൊന്നുമില്ലാത്ത നൈജീരിയന്‍ സ്‌ട്രൈക്കര്‍മാര്‍ ആര്‍ജന്റീനിയന്‍ നീലാകാശത്ത് ഗോളിനായി വട്ടമിട്ടുപറക്കുമെന്നാണ് കരുതപ്പെടുന്നത്.

 

LIVE NEWS - ONLINE

  • 1
    3 hours ago

    ഒളി ക്യാമറാ വിവാദം: എംകെ രാഘവനെതിരേ കേസെടുക്കുന്ന കാര്യത്തില്‍ തീരുമാനം നാളെ

  • 2
    5 hours ago

    രാഹുല്‍ ഗാന്ധിക്ക് തിരഞ്ഞെടുപ്പ് കമ്മീഷന്റെ നോട്ടീസ്

  • 3
    7 hours ago

    ശബരിമല കര്‍മസമിതി ആട്ടിന്‍ തോലിട്ട ചെന്നായ: ചെന്നിത്തല

  • 4
    8 hours ago

    തനിക്കെതിരെ കള്ളക്കേസ് ചുമത്തുന്നു: പിഎസ് ശ്രീധരന്‍ പിള്ള

  • 5
    8 hours ago

    തനിക്കെതിരെ കള്ളക്കേസ് ചുമത്തുന്നു: പിഎസ് ശ്രീധരന്‍ പിള്ള

  • 6
    9 hours ago

    ബാലപീഡനത്തിനെതിരെ നടപടി

  • 7
    10 hours ago

    പ്രിയങ്കയും സ്മൃതി ഇറാനിയും നാളെ വയനാട്ടില്‍

  • 8
    11 hours ago

    കോണ്‍ഗ്രസ് വക്താവ് പ്രിയങ്ക ചതുര്‍വേദി പാര്‍ട്ടി വിട്ടു

  • 9
    11 hours ago

    എല്ലാം ആലോചിച്ചെടുത്ത തീരുമാനം