Thursday, October 18th, 2018

റഷ്യയില്‍ യാത്രാവിമാനം തകര്‍ന്നു വീണ് 71 പേര്‍ മരിച്ചു

മോസ്‌കോ: റഷ്യയില്‍ യാത്രാവിമാനം തകര്‍ന്നുവീണ് 71 പേര്‍ മരിച്ചു. 65 യാത്രക്കാരും പൈലറ്റ് അടക്കം ആറു ജീവനക്കാരുമാണു മരിച്ചത്. കസാക്കിസ്ഥാനുമായി അതിര്‍ത്തി പങ്കിടുന്ന ഉരല്‍സിലെ ഓര്‍സ്‌ക് സിറ്റിയിലേക്കു പുറപ്പെട്ട സരതോവ് എയര്‍ലൈന്‍സിന്റെ ആന്റോനോവ് എഎന്‍ 148 വിമാനമാണ് അപകടത്തില്‍പെട്ടത്. പ്രാദേശിക സമയം രാവിലെ 11.22ന് പറന്നുയര്‍ന്ന വിമാനമാണു തകര്‍ന്നു വീണത്. മോസ്‌കോയിലെ ദോമോദെദോവോ വിമാനത്താവളത്തില്‍നിന്നും പറന്നുയര്‍ന്ന വിമാനം രണ്ടു മിനിറ്റിനുശേഷം റഡാര്‍ പരിധിയില്‍നിന്ന് അപ്രത്യക്ഷമാകുകയായിരുന്നു. തീപിടിച്ചു വിമാനം താഴേക്കു പതിക്കുന്നതു കണ്ടതായി അര്‍ഗുനോവ് ഗ്രാമവാസികള്‍ പറഞ്ഞു. ആറു … Continue reading "റഷ്യയില്‍ യാത്രാവിമാനം തകര്‍ന്നു വീണ് 71 പേര്‍ മരിച്ചു"

Published On:Feb 12, 2018 | 9:59 am

മോസ്‌കോ: റഷ്യയില്‍ യാത്രാവിമാനം തകര്‍ന്നുവീണ് 71 പേര്‍ മരിച്ചു. 65 യാത്രക്കാരും പൈലറ്റ് അടക്കം ആറു ജീവനക്കാരുമാണു മരിച്ചത്. കസാക്കിസ്ഥാനുമായി അതിര്‍ത്തി പങ്കിടുന്ന ഉരല്‍സിലെ ഓര്‍സ്‌ക് സിറ്റിയിലേക്കു പുറപ്പെട്ട സരതോവ് എയര്‍ലൈന്‍സിന്റെ ആന്റോനോവ് എഎന്‍ 148 വിമാനമാണ് അപകടത്തില്‍പെട്ടത്. പ്രാദേശിക സമയം രാവിലെ 11.22ന് പറന്നുയര്‍ന്ന വിമാനമാണു തകര്‍ന്നു വീണത്. മോസ്‌കോയിലെ ദോമോദെദോവോ വിമാനത്താവളത്തില്‍നിന്നും പറന്നുയര്‍ന്ന വിമാനം രണ്ടു മിനിറ്റിനുശേഷം റഡാര്‍ പരിധിയില്‍നിന്ന് അപ്രത്യക്ഷമാകുകയായിരുന്നു. തീപിടിച്ചു വിമാനം താഴേക്കു പതിക്കുന്നതു കണ്ടതായി അര്‍ഗുനോവ് ഗ്രാമവാസികള്‍ പറഞ്ഞു. ആറു കൊല്ലം പഴക്കമുള്ളതാണു വിമാനം. എന്നാല്‍ വിമാനത്തിന് സാങ്കേതിക തകരാറുകളൊന്നും ഉണ്ടായിരുന്നില്ലെന്ന് അധികൃതര്‍ വ്യക്തമാക്കി. മഞ്ഞുമൂടിയ വനത്തിനു നടുവിലാണ് വിമാനം തകര്‍ന്നുവീണത്. അവശിഷ്ടങ്ങളെല്ലാം മഞ്ഞുമൂടിയ നിലയിലാണ്. നൂറ്റി അന്‍പതിലേറെ രക്ഷാപ്രവര്‍ത്തകരെ അപകടസ്ഥലത്തേക്കു നിയോഗിച്ചിട്ടുണ്ട്. എന്നാല്‍ കനത്ത മഞ്ഞ് കാരണം റോഡുമാര്‍ഗം ഇവിടേക്ക് എത്താന്‍ സാധിച്ചിട്ടില്ല. ഏതാനും നാളുകളായി റഷ്യയില്‍ കനത്ത മഞ്ഞുവീഴ്ച തുടരുകയാണ്. മഞ്ഞുമൂടിയ പ്രദേശത്ത് വിമാനാവശിഷ്ടങ്ങള്‍ ചിതറിക്കിടക്കുന്ന ദൃശ്യങ്ങള്‍ വാര്‍ത്താഏജന്‍സികള്‍ പിന്നീടു പുറത്തുവിട്ടു. കാലാവസ്ഥാവ്യതിയാനമാകാം ദുരന്തകാരണമെന്നു റഷ്യന്‍ ഗതാഗതമന്ത്രാലയം അറിയിച്ചു. ദുരന്തത്തില്‍ മരിച്ചവരുടെ കുടുംബാംഗങ്ങളുടെ ദുഃഖത്തില്‍ പങ്കുചേരുന്നതായി പ്രസിഡന്റ് വഌദിമിര്‍ പുടിന്‍ പറഞ്ഞു.

LIVE NEWS - ONLINE

  • 1
    10 hours ago

    ഹര്‍ത്താലിനോടനുബന്ധിച്ച് അക്രമമുണ്ടായാല്‍ കര്‍ശന നടപടികള്‍ സ്വീകരിക്കുമെന്ന് ലോക്നാഥ് ബെഹ്റ

  • 2
    12 hours ago

    ശബരിമല കര്‍മസമിതിയും നാളെ ഹര്‍ത്താലിന് ആഹ്വാനം ചെയ്തു

  • 3
    13 hours ago

    ശബരിമലയില്‍ നാളെ നിരോധനാജ്ഞ

  • 4
    16 hours ago

    നിലക്കലില്‍ സംഘര്‍ഷം; കല്ലേറ്, പോലീസ് ലാത്തിവീശി

  • 5
    18 hours ago

    പ്രതിഷേധക്കാരെ അറസ്റ്റ്ചെയ്ത് നീക്കി; മാധ്യമങ്ങള്‍ക്ക് നേരെ ആക്രമണം

  • 6
    18 hours ago

    നാഥനില്ലാ സമരത്തിന് ആളെകൂട്ടേണ്ട ബാധ്യത യോഗത്തിനില്ല: വെള്ളാപ്പള്ളി

  • 7
    20 hours ago

    ശബരിമല: സുഗമമായ ദര്‍ശനത്തിന് സൗകര്യമൊരുക്കണം

  • 8
    21 hours ago

    പമ്പയില്‍ സംഘര്‍ഷം

  • 9
    23 hours ago

    സന്നിധാനത്തെത്തിയ ആരോഗ്യവകുപ്പ് വനിതാ ഉദ്യോഗസ്ഥരെ പരിശോധിച്ചു