Thursday, February 21st, 2019

കന്യാകുമാരിയിലെ കമലഹാസന്റെ നായിക റീത്ത ഭാദുരി അന്തരിച്ചു

മുംബൈയില്‍ ചൊവ്വാഴ്ച രാവിലെയായിരുന്നു അന്ത്യം.

Published On:Jul 17, 2018 | 10:53 am

മുംബൈ: ബോളിവുഡ് നടിയും കന്യാകുമാരി എന്ന ചിത്രത്തില്‍ കമലഹാസന്റെ നായികയുമായിരുന്ന റീത്ത ഭാദുരി (62) അന്തരിച്ചു. മുംബൈയില്‍ ചൊവ്വാഴ്ച രാവിലെയായിരുന്നു അന്ത്യം.
ഫെയ്‌സ്ബുക്കിലൂടെ നടന്‍ ശിശിര്‍ ശര്‍മ്മയാണ് റീത്തയുടെ മരണവിവരം പുറത്തുവിട്ടത്. വൃക്കസംബന്ധമായ അസുഖത്തെ തുടര്‍ന്ന് 10 ദിവസം മുമ്പാണ് മുംബൈയിലെ സുജയ് ആശുപത്രിയില്‍ പ്രവേശിപ്പിച്ചത്.
മൂന്നു പതിറ്റാണ്ട് നീണ്ടു നിന്ന കരിയറില്‍ എഴുപതിലധികം ചിത്രത്തില്‍ അഭിനയിച്ചിട്ടുണ്ട്. രാജ, ജൂലി, ദില്‍ വില്‍ പ്യാര്‍ വ്യാര്‍, ബേട്ടാ എന്നിവയെല്ലാം പ്രശസ്തമായ ചിത്രങ്ങളാണ്. സാരാഭായ് ആന്റ് സാരാഭായ്, ഛോട്ടി ബഹു, കിച്ച്ഡി തുടങ്ങി നിരവധി ടെലിവിഷന്‍ ഷോകളിലൂടെ പ്രേക്ഷകര്‍ക്ക് സുപരിചിതയാണ് റീത്ത ഭാദുരി.
ഭാരത് ടിവിയുടെ ഷോ ആയ നിംക്കി മുഖിയക്ക് വേണ്ടിയാണ് റീത്ത അവസാനമായി ക്യാമറക്ക് മുന്നില്‍ നിന്നത്. മലയാളത്തില്‍ കമലഹാസന്റെ അരങ്ങേറ്റ ചിത്രമായ കന്യാകുമാരിയിലെ നായികയും റീത്തയായിരുന്നു. കെ.എസ് സേതുമാധവന്‍ സംവിധാനം ചെയ്ത ചിത്രത്തില്‍ കമല്‍ഹാസന്റെ കാമുകിയായ പാര്‍വതി എന്ന കഥാപാത്രമായാണ് റീത്ത വെള്ളിത്തിരയിലെത്തിയത്.

LIVE NEWS - ONLINE

  • 1
    20 mins ago

    പെരിയ ഇരട്ടക്കൊല; എംഎല്‍എക്ക് പങ്കെന്ന് ചെന്നിത്തല

  • 2
    3 hours ago

    സര്‍വകലാശാല കലാപശാലയാകരുത്

  • 3
    5 hours ago

    കുഞ്ഞനന്തന്റെ പരോള്‍; രമയുടെ ഹരജി മാറ്റി

  • 4
    5 hours ago

    ശബരിമല; ഇനി ചര്‍ച്ചക്കില്ല: സുകുമാരന്‍ നായര്‍

  • 5
    5 hours ago

    പെരിയ ഇരട്ടക്കൊല

  • 6
    5 hours ago

    സിബിഐ അന്വേഷണത്തിന്റെ ആവശ്യമില്ല: കോടിയേരി

  • 7
    5 hours ago

    സി.ബി.ഐ അന്വേഷണം മുഖ്യമന്ത്രിയുടെ ശ്രദ്ധയില്‍ പെടുത്തും: മന്ത്രി ചന്ദ്രശേഖരന്‍

  • 8
    5 hours ago

    പെരിയ ഇരട്ടക്കൊല; സിബിഐ വേണ്ട: കോടിയേരി

  • 9
    5 hours ago

    പെരിയ ഇരട്ടക്കൊലപാതകം; കൊല്ലപ്പെട്ടവരുടെ കുടുംബം ഹൈക്കോടതിയിലേക്ക്