Tuesday, November 20th, 2018

രണ്‍വീര്‍- ദീപിക വിവാഹം നവംബറില്‍

വിവാഹം ഇറ്റലിയില്‍

Published On:Aug 24, 2018 | 8:20 am

ബോളിവുഡിലെ പ്രണയ ജോടികളായ രണ്‍വീര്‍ സിംഗിന്റെയും ദീപിക പദുകോണിന്റെയും വിവാഹം നവംബര്‍ 20നെന്ന് സൂചന. നടന്‍ കബീര്‍ ബേഡിയാണ് വിവാഹ വാര്‍ത്ത സ്ഥിരീകരിച്ചത്. ഇരുവര്‍ക്കും ആശംസ അറിയിച്ച് ട്വിറ്ററില്‍ പോസ്റ്റിടുകയും ചെയ്തു. ഇറ്റലിയില്‍ വച്ചാകും വിവാഹമെന്നാണ് പുറത്തുവരുന്ന വിവരം. വിരാട് കോഹ്ലിയുടെയും അനുഷ്‌ക ശര്‍മയുടെയും വിവാഹം നടന്ന അതേ വേദി തന്നെയാണ് രണ്‍വീറും ദീപികയും തങ്ങളുടെ വിവാഹത്തിനായി തെരഞ്ഞെടുത്തിരിക്കുന്നത്. വിവാഹത്തില്‍ പങ്കെടുക്കേണ്ടവരുടെ പട്ടിക തയ്യാറാക്കി കഴിഞ്ഞുവത്രേ. അടുത്ത ബന്ധുക്കളും സുഹൃത്തുക്കളും അടക്കം മുപ്പതോളം പേര്‍ക്കാണ് ഇറ്റലിയിലെ വിവാഹ ചടങ്ങുകള്‍ക്കായി ക്ഷണമുള്ളത്. വിവാഹശേഷം സഹപ്രവര്‍ത്തകര്‍ക്കും സുഹൃത്തുക്കള്‍ക്കുമായി ഇന്ത്യയില്‍വച്ച് ഗംഭീര റിസപ്ഷനും താരങ്ങള്‍ ഒരുക്കുന്നുണ്ട്.
വിവാഹത്തിന് മുന്നോടിയായി രണ്‍വീറിന്റെയും കുടുംബത്തിന്റെയും ഒപ്പം ദീപിക ആഭരണങ്ങള്‍ വാങ്ങാന്‍ ലണ്ടനിലെത്തിയതിന്റെ വാര്‍ത്ത പുറത്തു വന്നിരുന്നു. പദ്മാവതിക്കു ശേഷം സിനിമയില്‍ നിന്ന് ദീപിക ഇടവേള എടുത്തത് വിവാഹ ഒരുക്കങ്ങള്‍ക്കായാണെന്ന് വാര്‍ത്ത വന്നിരുന്നു. എന്നാല്‍, നിരന്തരമായ ചിത്രീകരണം കാരണം ഉണ്ടായ ശാരീരിക അവശതകള്‍ക്ക് ചികിത്സ നേടാനാണ് ഇടവേളയെന്നാണ് ദീപിക നല്‍കിയ മറുപടി. വിവാഹശേഷം താമസിക്കാനുള്ള വീടിന്റെ അന്തിമഘട്ട പണികള്‍ പൂര്‍ത്തീകരിക്കുന്ന തിരക്കിലാണ് ഇരുകൂട്ടരും.

 

LIVE NEWS - ONLINE

  • 1
    2 hours ago

    ഭീകരരെന്ന് സംശയിക്കുന്ന രണ്ടുപേര്‍ ഡല്‍ഹിയിലെത്തിയെന്ന് സൂചന

  • 2
    3 hours ago

    അമിത്ഷായ്ക്ക് മുഖ്യമന്ത്രിയുടെ മറുപടി

  • 3
    5 hours ago

    ശബരിമല പ്രതിഷേധം; ആര്‍എസ്എസ് നേതാവിനെ ആരോഗ്യവകുപ്പ് സസ്പെന്‍ഡ് ചെയ്തു

  • 4
    7 hours ago

    മന്ത്രി കടകംപള്ളിയുമായി വാക് തര്‍ക്കം; ബി.ജെ.പി നേതാക്കള്‍ അറസ്റ്റില്‍

  • 5
    9 hours ago

    സുഷമ സ്വരാജ് ഇനി തെരഞ്ഞെടുപ്പില്‍ മത്സരിക്കില്ല

  • 6
    10 hours ago

    നടി അഞ്ജു മരിച്ചതായി വ്യാജപ്രചരണം

  • 7
    11 hours ago

    ഖാദി തൊഴിലാളികളെ സംരക്ഷിക്കണം

  • 8
    11 hours ago

    വാഹനാപകടം: വനിതാ പഞ്ചായത്ത് അംഗം മരിച്ചു

  • 9
    12 hours ago

    നിരോധനാജ്ഞ പിന്‍വലിക്കണം: ചെന്നിത്തല