Monday, June 17th, 2019

രഞ്ജി ട്രോഫി; കേരളം പതറി,ഹിമാചലിന് ലീഡ്

    മലപ്പുറം: രഞ്ജി ട്രോഫി ഗ്രൂപ് ‘സി’യിലെ അവസാന ലീഗ് മത്സരത്തില്‍ കേരളത്തിന് തിരിച്ചടി. ഹിമാചല്‍ പ്രദേശിനെതിരെ ടോസ് നേടി ബാറ്റിങ് തെരഞ്ഞെടുത്ത കേരളം 47.4 ഓവറില്‍ 103 റണ്‍സിന് പുറത്തായപ്പോള്‍ സന്ദര്‍ശകര്‍ ലീഡെടുത്ത് മേധാവിത്വം നേടി. ഹിമാചല്‍ 163 റണ്‍സിന് പുറത്തായി കേരളത്തിന് മേല്‍ 60 റണ്‍സിന്റെ ലീഡ് കരസ്ഥമാക്കി. ആദ്യ ദിനം 20 വിക്കറ്റും നഷ്ടമായി. രാവിലെ ഇന്നിങ്‌സ് ആരംഭിച്ച കേരളത്തെ മീഡിയം പേസ് ബൗളര്‍ റിഷി ധവാന്‍ ആദ്യ മൂന്ന് വിക്കറ്റുകളും … Continue reading "രഞ്ജി ട്രോഫി; കേരളം പതറി,ഹിമാചലിന് ലീഡ്"

Published On:Dec 2, 2015 | 9:33 am

Cricket Image 00100 Full

 

 

മലപ്പുറം: രഞ്ജി ട്രോഫി ഗ്രൂപ് ‘സി’യിലെ അവസാന ലീഗ് മത്സരത്തില്‍ കേരളത്തിന് തിരിച്ചടി. ഹിമാചല്‍ പ്രദേശിനെതിരെ ടോസ് നേടി ബാറ്റിങ് തെരഞ്ഞെടുത്ത കേരളം 47.4 ഓവറില്‍ 103 റണ്‍സിന് പുറത്തായപ്പോള്‍ സന്ദര്‍ശകര്‍ ലീഡെടുത്ത് മേധാവിത്വം നേടി. ഹിമാചല്‍ 163 റണ്‍സിന് പുറത്തായി കേരളത്തിന് മേല്‍ 60 റണ്‍സിന്റെ ലീഡ് കരസ്ഥമാക്കി. ആദ്യ ദിനം 20 വിക്കറ്റും നഷ്ടമായി.
രാവിലെ ഇന്നിങ്‌സ് ആരംഭിച്ച കേരളത്തെ മീഡിയം പേസ് ബൗളര്‍ റിഷി ധവാന്‍ ആദ്യ മൂന്ന് വിക്കറ്റുകളും പിഴുത് സമ്മര്‍ദത്തിലാക്കി. രണ്ട് എന്‍ഡിലും ഇടംകൈയന്‍ സ്പിന്നര്‍മാര്‍ വന്നതോടെ കേരള ബാറ്റ്‌സ്മാന്മാന്‍ വട്ടം കറങ്ങി. 19.4 ഓവറില്‍ വെറും 19 റണ്‍സ് മാത്രം വിട്ടുകൊടുത്ത് ആറ് വിക്കറ്റ് വീഴ്ത്തിയ രാഹുല്‍ സിംഗാണ് കേരള ബാറ്റ്‌സ്മാന്മാരുടെ അന്തകനായത്. ക്യാപ്റ്റന്‍ സഞ്ജു സാംസണ്‍ (25), എസ്.കെ. മോനിഷ് (പുറത്താകാതെ 16), മുഹമ്മദ് അസറുദ്ദീന്‍ (16) എന്നിവരൊഴികെ കേരള ബാറ്റ്‌സ്മാന്മാര്‍ക്കൊന്നും രണ്ടക്കം കാണാനായില്ല. ഉച്ചഭക്ഷണത്തിന് പിരിയുമ്പോള്‍ 37 ഓവറില്‍ എട്ട് വിക്കറ്റ് നഷ്ടത്തില്‍ 73 റണ്‍സായിരുന്നു കേരളത്തിന്റെ സ്‌കോര്‍. ശേഷം 30 കൂട്ടിച്ചേര്‍ത്ത്103 റണ്‍സിന് അവസാനിച്ചു.
ഹിമാചല്‍ പ്രദേശിന്റെ ഇന്നിങ്‌സ് ആരംഭിച്ചത് പ്രശാന്ത് ചോപ്രയും അങ്കുഷ് ബെയിന്‍സും ചേര്‍ന്നാണ്. ഓപണിങ് വിക്കറ്റ് കൂട്ടുകെട്ട് 55 റണ്‍സ് നേടിയതിന് ശേഷമാണ് വേര്‍പിരിഞ്ഞത്. 23 റണ്‍സ് നേടിയ അങ്കുഷ് ബെയിന്‍സിനെ മോനിഷ് എല്‍.ബി.ഡബ്‌ള്യുവില്‍ കുടുക്കി. 37.5 ഓവറില്‍ 163 റണ്‍സിന് ഹിമാചലിന്റെ ഇന്നിങ്‌സ് അവസാനിച്ചപ്പോള്‍ ടോപ് സ്‌കോററായത് 40 റണ്‍സെടുത്ത ഓപണര്‍ പ്രശാന്ത് ചോപ്രയാണ്. ഹിമാചലിന്റെ ഇന്നിങ്‌സില്‍ ആറ് പേര്‍ക്ക് രണ്ടക്കം കടക്കാനായില്ല. കേരളത്തിന് വേണ്ടി മോനിഷും ഫാബിദ് അഹ്മദും മൂന്ന് വിക്കറ്റ് വീതം വീഴ്ത്തി

LIVE NEWS - ONLINE

  • 1
    4 hours ago

    ജെ.പി. നഡ്ഡ ബി.ജെ.പി. ദേശീയ വര്‍ക്കിങ് പ്രസിഡന്റ്; അമിത് ഷാ അധ്യക്ഷനായി തുടരും

  • 2
    6 hours ago

    സൈനിക വാഹനം സ്ഫോടനത്തില്‍ തകര്‍ന്നു

  • 3
    7 hours ago

    മമതയുമായി ഡോക്ടര്‍മാരുടെ സംഘടനകള്‍ നടത്തിയ ചര്‍ച്ച വിജയം: ഡോക്ടര്‍മാരുടെ സമരം പിന്‍വലിച്ചു

  • 4
    10 hours ago

    തലശ്ശരേിയിലെ ബി.ജെ.പി നേതാവ് എം.പി.സുമേഷ് വധശ്രമക്കേസില്‍ ആറ് സി.പി.എം പ്രവര്‍ത്തകര്‍ കുറ്റക്കാര്‍

  • 5
    11 hours ago

    പശ്ചിമ ബംഗാളിലെ സമരം ചെയ്യുന്ന ഡോക്ടര്‍മാരുമായി മമത ഇന്ന് ചര്‍ച്ച നടത്തും

  • 6
    13 hours ago

    കശ്മീരില്‍ ഏറ്റുമുട്ടല്‍: രണ്ട് ഭീകരരെ സുരക്ഷാസേന വധിച്ചു

  • 7
    14 hours ago

    സര്‍ക്കാറിന് തിരിച്ചടി; ഖാദര്‍ കമ്മറ്റി റിപ്പോര്‍ട്ട് ഹൈക്കോടതി സ്‌റ്റേ ചെയ്തു

  • 8
    14 hours ago

    ഡോക്ടര്‍മാരുടെ പണിമുടക്ക് പൂര്‍ണം; രോഗികള്‍ വലഞ്ഞു

  • 9
    15 hours ago

    അംഗസംഖ്യയുടെ കാര്യത്തില്‍ പ്രതിപക്ഷം ആശങ്കപ്പെടേണ്ട: മോദി