Wednesday, July 24th, 2019

രാജ്യസഭാ സീറ്റ്; വിമര്‍ശിക്കുന്നവര്‍ തിരുത്തേണ്ടി വരുമെന്ന് ലീഗ് മുഖപത്രം

രാജ്യസഭാ സീറ്റ് പലപ്പോഴായി ത്യാഗം ചെയ്തത് വിമര്‍ശകര്‍ മറന്നു പോകുന്നു

Published On:Jun 11, 2018 | 10:59 am

കോഴിക്കോട്: രാജ്യസഭാ സീറ്റ് മാണിക്ക് നല്‍കിയ കോണ്‍ഗ്രസ് നേതാക്കളുടെ തീരുമാനത്തെ വിമര്‍ശിക്കുന്നവര്‍ക്കെതിരെ മുസ് ലിം ലീഗ്. രാജ്യസഭാ സീറ്റിന്റെ പേരില്‍ നേതൃത്വത്തെ വിമര്‍ശിക്കുന്നവര്‍ വരും കാലത്ത് തിരുത്തേണ്ടി വരുമെന്ന് ‘അടിത്തറ വികസിപ്പിച്ച് ഐക്യമുന്നണി’ എന്ന തലക്കെട്ടില്‍ ലീഗ് മുഖപത്രം ചന്ദ്രികയില്‍ എഴുതിയ മുഖപ്രസംഗത്തില്‍ ചൂണ്ടിക്കാട്ടുന്നു.
ഇരുപാര്‍ട്ടികളുടെയും സമുന്നത നേതൃത്വം വരാനിരിക്കുന്ന രാഷ്ട്രീയ ധ്രുവീകരണങ്ങളെ മുന്നില്‍ കണ്ടുകൊണ്ട് സ്വീകരിച്ച സമീപനം മുന്നണിക്ക് ദീര്‍ഘകാലാടിസ്ഥാനത്തില്‍ ഗുണം ചെയ്യുമെന്ന കാര്യത്തില്‍ സംശയമില്ല. കെ.എം. മാണി മുന്നണിയുടെ ഭാഗമായതോടെ മതേതര വോട്ടുകളുടെ ഭിന്നിപ്പ് ഒരു പരിധിവരെ തടയാനാവും. എന്നാല്‍, ഇക്കാര്യത്തില്‍ ചില കോണുകളില്‍ നിന്നുയരുന്ന വിമര്‍ശനങ്ങള്‍ അസ്ഥാനത്താണെന്ന് മാത്രമല്ല ജനാധിപത്യ വിശ്വാസികളില്‍ ആശങ്ക ഉളവാക്കുന്നതുമാണ്.
ഒഴിവു വന്ന രാജ്യസഭാ സീറ്റ് വിട്ടുനല്‍കിയതിന്റെ പേരില്‍ നേതൃത്വത്തെ ക്രൂശിക്കുന്നവര്‍ വരും കാലത്ത് തിരുത്തേണ്ടി വരുമെന്ന കാര്യത്തില്‍ സംശയമില്ല. മുന്നണിയുെട കെട്ടുറപ്പിനായി ഘടകകക്ഷികളുടെ രാജ്യസഭാ സീറ്റ് പലപ്പോഴായി ത്യാഗം ചെയ്തത് വിമര്‍ശകര്‍ സൗകര്യപൂര്‍വം വിസ്മരിക്കുകയാണെന്നും മുഖപ്രസംഗം ചൂണ്ടിക്കാട്ടുന്നു.
കൊല്ലം ലോക്‌സഭാ സീറ്റ് ആര്‍.എസ്.പിക്ക് നല്‍കിയതും ലോക്‌സഭാ തെരഞ്ഞെടുപ്പിലെ പരാജയത്തിന് പ്രായശ്ചിത്തമെന്നോണം എം.പി. വീരേന്ദ്രകുമാറിന് രാജ്യസഭാ സീറ്റ് നല്‍കിയതും വിമര്‍ശകര്‍ ഓര്‍ത്തെടുക്കേണ്ടതാണ്. അന്നൊന്നും ഇല്ലാത്ത രീതിയില്‍ ഉയര്‍ന്നുവരുന്ന വിമര്‍ശനങ്ങള്‍ ജനാധിപത്യ കേരളത്തെ ഏറെ വേദനിപ്പിക്കുന്നതാണെന്ന കാര്യത്തില്‍ സംശയമില്ലെന്നും മുഖപ്രസംഗം പറയുന്നു.

 

LIVE NEWS - ONLINE

  • 1
    1 hour ago

    തെരുവുനായ 6 വയസുകാരന്റെ തല കടിച്ചുപറിച്ചു

  • 2
    1 hour ago

    എലിയെ പേടിച്ച് ഇല്ലം ചുടരുത്: മുഖ്യമന്ത്രി

  • 3
    2 hours ago

    പോലീസ് നേരായ വഴിക്കല്ല: എല്‍ദോ എബ്രഹാം എം.എല്‍.എ

  • 4
    2 hours ago

    സ്‌കൂള്‍ ബസ് നിയന്ത്രണംവിട്ടു മറിഞ്ഞു കുട്ടികള്‍ക്കു പരിക്ക്

  • 5
    2 hours ago

    എല്ലാം വിലക്ക് വാങ്ങാന്‍ സാധിക്കില്ലെന്ന് ബി.ജെ.പി തിരിച്ചറിയും: പ്രിയങ്ക

  • 6
    3 hours ago

    സ്‌കൂളുകള്‍ക്ക് അവധിയെന്ന് വ്യാജ സന്ദേശം; കേസെടുക്കാന്‍ കലക്ടറുടെ നിര്‍ദേശം

  • 7
    4 hours ago

    ചെറുതല്ല എന്നാല്‍ വലുതും

  • 8
    4 hours ago

    കായിക ലോകം ഇനി ടോക്യോയിലേക്ക്

  • 9
    4 hours ago

    ആട്ടും തുപ്പും സഹിച്ച് സി.പി.ഐ എത്രകാലം മുന്നോട്ടു പോകും: ചെന്നിത്തല