Tuesday, May 21st, 2019

രാജ്യസഭാസീറ്റ്; ഹിമാലയന്‍ മണ്ടത്തരം: സുധീരന്‍

മാണി നാളെ ബി.ജെ.പി പാളയത്തില്‍ പോകില്ലെന്ന് എന്താണുറപ്പ്

Published On:Jun 13, 2018 | 2:30 pm

തിരു: കേരളാ കോണ്‍ഗ്രസ് എമ്മിന് രാജ്യസഭാ സീറ്റ് നല്‍കിയത് ഹിമാലയന്‍ മണ്ടത്തരമാണെന്ന് കെ.പി.സി.സി മുന്‍ അധ്യക്ഷന്‍ വി.എം. സുധീരന്‍. മോദി സര്‍ക്കാറിനെ പുറത്താനുള്ള രാഹുല്‍ ഗാന്ധിയുടെ കഠിന പ്രയത്‌നങ്ങളെ പരാജയപ്പെടുത്തുന്ന സമീപനമാണ് കേരളത്തിലെ കോണ്‍ഗ്രസ് നേതൃത്വത്തിന്റേതെന്നും സുധീരന്‍ കുറ്റപ്പെടുത്തി. തിരുവനന്തപുരത്ത് വാര്‍ത്താ സമ്മേളനത്തില്‍ സംസാരിക്കുകയായിരുന്നു അദ്ദേഹം.
കേരളാ കോണ്‍ഗ്രസ് എമ്മിന് രാജ്യസഭാ സീറ്റ് അധാര്‍മികമായി നല്‍കിയത് വഴി ലോക്‌സഭയില്‍ ഒരു സീറ്റ് യു.പി.എക്ക് കുറയുകയാണ് ചെയ്യുന്നത്. ലോക്‌സഭാ തെരഞ്ഞെടുപ്പിന് 11 മാസം കൂടി ഉള്ളപ്പോള്‍ നിലവിലുള്ള ഒരു സീറ്റ് മര്‍മ്മ പ്രധാനമാണ്. ലോക്‌സഭയിലുള്ള അംഗബലം കുറക്കാനുള്ള തീരുമാനം ഹിമാലയന്‍ മണ്ടത്തരമാണ്. വിഷയം പക്വതയോടെ കൈകാര്യം ചെയ്തിരുന്നെങ്കില്‍ ഇത്തരം മണ്ടത്തരം സംഭവിക്കില്ല. അതിന്റെ പ്രത്യാഘാതം വളരെ ഗുരുതരമാണ്. യു.പി.എയുടെ നഷ്ടം ബി.ജെ.പിയുടെ നേട്ടമായി മാറിയെന്നും സുധീരന്‍ കുറ്റപ്പെടുത്തി.
സമീപകാലത്ത് മൂന്നു പാര്‍ട്ടികളുമായി വിലപേശിയ കെ.എം. മാണി നാളെ ബി.ജെ.പി പാളയത്തില്‍ പോകില്ലെന്ന് എന്താണുറപ്പ്. ഏതെങ്കിലും തരത്തിലുള്ള ഉറപ്പ് കോണ്‍ഗ്രസ് നേതൃത്വം വാങ്ങിക്കേണ്ടതായിരുന്നു. ആര്‍.എസ്.പി യു.ഡി.എഫിലേക്ക് വന്നപ്പോള്‍ ലോക്‌സഭാ സീറ്റ് നല്‍കി. അഞ്ചു മിനിറ്റ് കൊണ്ട് ആര്‍.എസ്.പിക്ക് സീറ്റ് നല്‍കാന്‍ തീരുമാനിച്ചെന്ന മുതിര്‍ന്ന നേതാക്കളുടെ പ്രസ്താവന തെറ്റാണെന്നും സുധീരന്‍ പറഞ്ഞു.
ആര്‍.എസ്.പിക്ക് സീറ്റ് നല്‍കാന്‍ നിരവധി തവണ ചര്‍ച്ച നടത്തുകയും ചില നിബന്ധനകള്‍ വെക്കുകയും ചെയ്തിരുന്നു. സോണിയ ഗാന്ധിയുടെ നേതൃത്വം അംഗീകരിക്കണം, യു.പി.എക്ക് പിന്തുണ നല്‍കണം, യു.ഡി.എഫുമായി യോജിച്ച് പ്രവര്‍ത്തിക്കണം എന്നീ നിബന്ധനകളാണ് മുന്നോട്ടു വെച്ചതെന്നും സുധീരന്‍ കൂട്ടിച്ചേര്‍ത്തു.

LIVE NEWS - ONLINE

  • 1
    5 mins ago

    കമല്‍ ഹാസനെതിരെ ഭീഷണി; മന്ത്രിക്കെതിരെ കേസ്

  • 2
    2 hours ago

    സര്‍ക്കാരിനെ തെരഞ്ഞെടുക്കാന്‍ ജനങ്ങളെ അനുവദിക്കണം; സുപ്രീം കോടതി

  • 3
    3 hours ago

    വോട്ടിംഗ് യന്ത്രങ്ങള്‍ മാറ്റാന്‍ ശ്രമമെന്ന് ആരോപണം

  • 4
    3 hours ago

    രാജീവ് ഗാന്ധി രക്തസാക്ഷിത്വം; നിങ്ങള്‍ എല്ലായിപ്പോഴും എന്റെ ഹീറോ: പ്രിയങ്ക

  • 5
    4 hours ago

    രാജീവ് ഗാന്ധിയുടെ രക്തസാക്ഷിത്വ ദിനത്തില്‍ പ്രധാനമന്ത്രിയുടെ അനുസ്മരണം

  • 6
    4 hours ago

    തിരുവനന്തപുരത്ത് വ്യാപാര സ്ഥാപനത്തിന് തീ പിടുത്തം

  • 7
    5 hours ago

    മോദിക്ക് ക്ലീന്‍ ചിറ്റ്; വിയോജിപ്പ് രേഖപ്പെടുത്തണമെന്ന് ലവാസ

  • 8
    5 hours ago

    മണിരത്‌നം ചിത്രത്തില്‍ വീണ്ടും ഐശ്വര്യ

  • 9
    5 hours ago

    ഹോക്കി ഇന്ത്യന്‍ വനിതകള്‍ക്ക് ജയം