Wednesday, February 20th, 2019

തലശ്ശേരിയില്‍ റാഗിംഗ്: മൂന്ന് വിദ്യാര്‍ത്ഥികള്‍ക്ക് സസ്‌പെന്‍ഷന്‍

ഷൂ ചവിട്ടി വന്ന വിദ്യാര്‍ത്ഥിക്ക് ക്രൂര മര്‍ദ്ദനം ,തടയാനെത്തിയ അധ്യാപകരെ വിരട്ടി

Published On:Jul 4, 2018 | 12:27 pm

തലശ്ശേരി: നഗരമധ്യത്തിലെ ഹയര്‍ സെക്കന്ററി സ്‌കൂളില്‍ റാഗിംഗ്. മുന്നറിയിപ്പ് നല്‍കിയിട്ടും ക്ലാസ് മുറിയില്‍ ഷു ചവിട്ടി വന്നുവെന്നതിന്റെ പേരില്‍ ഒരു കൂട്ടം പ്ലസ് ടു വിദ്യാര്‍ത്ഥികള്‍ ഗുണ്ടാ സ്റ്റൈലില്‍ നടത്തിയ അക്രമത്തില്‍ ബി ഇ എം പി സ്‌കൂളിലെ പ്ലസ് വണ്‍ വിദ്യാര്‍ത്ഥിക്ക് സാരമായി പരിക്കേറ്റു. പുന്നോല്‍ സ്വദേശി അസ്മാസില്‍ മുഹമ്മദ് കൈഫിനാണ് പരിക്ക്. പുറത്തും മുഖത്തും കൈക്കും പരിക്കേറ്റ കൈഫ് തലശ്ശേരി ജനറല്‍ ആശുപത്രി സര്‍ജിക്കല്‍ വാര്‍ഡില്‍ ചികിത്സയിലാണുള്ളത്. സംഭവവുമായി ബന്ധപ്പെട്ട് മൂന്ന് സീനിയര്‍ വിദ്യാര്‍ത്ഥികളെ സ്‌കൂള്‍ അധികൃതര്‍ അന്വേഷണ വിധേയമായി സസ്‌പെന്റ് ചെയ്തിട്ടുണ്ട്.
ക്ലാസില്‍ ചെരുപ്പിട്ട് വരണമെന്നും ഷൂ ഉപയോഗിക്കരുതെന്നും സീനിയര്‍ മാര്‍ കഴിഞ്ഞ ദിവസം പറഞ്ഞിരുന്നുവത്രെ. എന്നാല്‍ പുതിയ ചെരിപ്പ് വാങ്ങിയിട്ടില്ലാത്തതിനാല്‍ ഇന്ന് കൂടി ഷൂ ധരിക്കാന്‍ വീട്ടില്‍ നിന്നും പറഞ്ഞതിനാലാണ് കൈഫ് ഷൂ ചവിട്ടി ക്ലാസില്‍ എത്തിയത്. ഇന്നലെ ഇന്റര്‍വെല്‍ സമയത്ത് സംഘടിച്ചെത്തിയ 15 ഓളം മുതിര്‍ന്ന വിദ്യാര്‍ത്ഥികള്‍ കൈഫിനെ ക്ലാസ്സില്‍ കയറി വളഞ്ഞിട്ട് തല്ലുകയായിരുന്നു. കൈ കൊണ്ട് അടിച്ചതിന് പുറമെ ചുമരോട് ചേര്‍ത്തും ബഞ്ച് കൊണ്ടും ക്രൂരമായി മര്‍ദ്ദിച്ചുവെന്ന് ജനറലാശുപത്രിയില്‍ ചികിത്സയില്‍ കഴിയുന്ന കൈഫ് പറഞ്ഞു. അടിയേറ്റ വേദനയാല്‍ അലറി വിളിച്ചെങ്കിലും ആരും അടുത്തില്ല. നിലവിളി ശബ്ദം കേട്ട് മൂന്നോളം അധ്യാപകര്‍ ഓടിയെത്തിയപ്പോള്‍ അധ്യാപകര്‍ക്ക് നേരെയും കയ്യേറ്റ ശ്രമം നടന്നു. കേട്ടാലറക്കുന്ന ഭാഷയില്‍ തെറി വിളിച്ചാണ് വിദ്യാര്‍ത്ഥികള്‍ അധ്യാപകര്‍ക്ക് നേരെ തിരിഞ്ഞതത്രെ. കൈഫിന്റെ പരാതി കിട്ടിയാല്‍ കേസെടുക്കുമെന്ന് പോലിസ് അറിയിച്ചു. അടിയന്തര സ്റ്റാഫ് മീറ്റിംഗും പി ടി എ യോഗവും ചേര്‍ന്ന് നടപടികള്‍ സ്വീകരിക്കണമെന്ന് റാഗിംഗിന് നേര്‍സാക്ഷികളായ അധ്യാപകര്‍ പ്രതികരിച്ചു.

 

LIVE NEWS - ONLINE

  • 1
    3 hours ago

    വിഷം കഴിച്ച് വീടിന് തീ വെച്ച് മധ്യവയസ്‌കന്‍ മരിച്ചു

  • 2
    4 hours ago

    വീരമൃത്യുവരിച്ച ജവാന്മാരുടെ വീടുകള്‍ രാഹുലും പ്രിയങ്കയും സന്ദര്‍ശിച്ചു

  • 3
    6 hours ago

    പീതാംബരനെ ഏഴുദിവസത്തെ പോലീസ് കസ്റ്റഡിയില്‍വിട്ടു

  • 4
    8 hours ago

    കൊലപാതകത്തിന് പാര്‍ട്ടി നിര്‍ദേശിച്ചിട്ടില്ല: കോടിയേരി

  • 5
    9 hours ago

    അയോധ്യ ഭൂമി തര്‍ക്കകേസ്; സുപ്രീംകോടതി 26ന് വാദം കേള്‍ക്കും

  • 6
    11 hours ago

    റോഡപകടങ്ങളിലെ മരണ നിരക്ക് കുറക്കാന്‍ ബോധവല്‍കരണം

  • 7
    13 hours ago

    കരിപ്പൂര്‍ വിമാനത്താവളത്തില്‍ 719 ഗ്രാം സ്വര്‍ണം പിടികൂടി

  • 8
    13 hours ago

    വസന്തകുമാറിന്റെ കുടുംബത്തിന് 25 ലക്ഷം രൂപയും വീടും ഭാര്യക്ക് ജോലിയും

  • 9
    13 hours ago

    പിതാംബരന്‍ മറ്റാര്‍ക്കോ വേണ്ടി കുറ്റം ഏറ്റെടുത്തു: ഭാര്യ മഞ്ജു