Sunday, July 21st, 2019

പ്രസവത്തെ തുടര്‍ന്ന് യുവതി മരിച്ചു

ആലപ്പുഴ: ഹരിപ്പാട് ഡാണാപ്പടി ഹുദാട്രസ്റ്റ് ആശുപത്രിയില്‍ പ്രസവത്തിനിടെ രക്തം വാര്‍ന്ന് അവശനിലയിലായ യുവതി വണ്ടാനം മെഡിക്കല്‍ കോളേജില്‍ മരിച്ചു. തോട്ടപ്പള്ളി എസ്എസ് ഭവനം സുധീഷിന്റെ ഭാര്യ നീതു(27) ആണ് മരിച്ചത്. ചികിത്സാ പിഴവ് ആരോപിച്ച് ബന്ധുക്കളും നാട്ടുകാരും ചേര്‍ന്ന് മൃതദേഹവുമായി ആശുപത്രി ഉപരോധിച്ചു. പോസ്റ്റുമോര്‍ട്ടം റിപ്പോര്‍ട്ട് ലഭിച്ച ശേഷം നടപടിയെടുക്കാമെന്ന പോലീസിന്റെ ഉറപ്പിലാണ് പ്രതിഷേധം അവസാനിച്ചത്. തിങ്കളാഴ്ചയാണ് നീതുവിനെ ഹുദാട്രസ്റ്റ് ആശുപത്രിയില്‍ പ്രവേശിപ്പിച്ചത്. ഉച്ചക്ക് ഒരുമണിയോടെ സിസേറിയന്‍ നടത്തി. രക്തസ്രാവം നിലക്കാത്തതിനെ തുടര്‍ന്ന് നാല് യൂണിറ്റ് രക്തം … Continue reading "പ്രസവത്തെ തുടര്‍ന്ന് യുവതി മരിച്ചു"

Published On:May 30, 2018 | 8:02 am

ആലപ്പുഴ: ഹരിപ്പാട് ഡാണാപ്പടി ഹുദാട്രസ്റ്റ് ആശുപത്രിയില്‍ പ്രസവത്തിനിടെ രക്തം വാര്‍ന്ന് അവശനിലയിലായ യുവതി വണ്ടാനം മെഡിക്കല്‍ കോളേജില്‍ മരിച്ചു. തോട്ടപ്പള്ളി എസ്എസ് ഭവനം സുധീഷിന്റെ ഭാര്യ നീതു(27) ആണ് മരിച്ചത്. ചികിത്സാ പിഴവ് ആരോപിച്ച് ബന്ധുക്കളും നാട്ടുകാരും ചേര്‍ന്ന് മൃതദേഹവുമായി ആശുപത്രി ഉപരോധിച്ചു. പോസ്റ്റുമോര്‍ട്ടം റിപ്പോര്‍ട്ട് ലഭിച്ച ശേഷം നടപടിയെടുക്കാമെന്ന പോലീസിന്റെ ഉറപ്പിലാണ് പ്രതിഷേധം അവസാനിച്ചത്. തിങ്കളാഴ്ചയാണ് നീതുവിനെ ഹുദാട്രസ്റ്റ് ആശുപത്രിയില്‍ പ്രവേശിപ്പിച്ചത്. ഉച്ചക്ക് ഒരുമണിയോടെ സിസേറിയന്‍ നടത്തി. രക്തസ്രാവം നിലക്കാത്തതിനെ തുടര്‍ന്ന് നാല് യൂണിറ്റ് രക്തം നല്‍കേണ്ടിവന്നു. വിദഗ്ധ ചികിത്സക്കായി മറ്റേതെങ്കിലും ആശുപത്രിയിലേക്ക് മാറ്റണമെന്ന് ആവശ്യപ്പെട്ടിട്ടും ഡോക്ടര്‍മാര്‍ അനുവദിച്ചില്ലെന്ന് ബന്ധുക്കള്‍ പറയുന്നു. അതീവഗുരുതരാവസ്ഥയിലായതിനാല്‍ രാത്രി ഒന്നരയോടാണ് വണ്ടാനം മെഡിക്കല്‍ കോളേജിലേക്ക് റഫര്‍ ചെയ്തത്. പുലര്‍ച്ചേ ആറു മണിയോടെ നീതു മരിക്കുകയായിരുന്നു. പോലീസ് സര്‍ജന്റെ നേതൃത്വത്തില്‍ വിദഗ്ധ ഡോക്ടര്‍മാരുടെ സംഘം മൃതദേഹം പോസ്റ്റ്‌മോര്‍ട്ടം ചെയ്തു. അതിനുശേഷമാണ് ബന്ധുക്കള്‍ മൃതദേഹവുമായി ഹുദാട്രസ്റ്റ് ആശുപത്രിയില്‍ എത്തിയത്. മുക്കാല്‍ മണിക്കൂറോളം ഉപരോധിച്ചു. കായംകുളം ഡിവൈ.എസ്.പി. അനീഷ് വി.കോര, സി.ഐ. ടി.മനോജ് എന്നിവര്‍ പ്രതിഷേധക്കാരുമായി സംസാരിച്ചു. അതിനു ശേഷമാണ് പ്രതിഷേധം അവസാനിച്ചത്.

LIVE NEWS - ONLINE

  • 1
    13 mins ago

    കണ്ണൂര്‍ ജില്ലയിലെ വിദ്യാഭ്യാസ സ്ഥാപനങ്ങള്‍ക്ക് നാളെ അവധി

  • 2
    1 hour ago

    ഷീലാ ദീക്ഷിതിന്റെ മൃതദേഹം ഔദ്യോഗിക ബഹുമതികളോടെ സംസ്‌കരിച്ചു

  • 3
    4 hours ago

    മത്സ്യത്തൊഴിലാളികള്‍ കടലില്‍ പോകരുതെന്ന് മുന്നറിയിപ്പ്

  • 4
    9 hours ago

    ഷീല ദീക്ഷിതിന്റെ സംസ്‌കാരം ഇന്ന്

  • 5
    10 hours ago

    എയര്‍ ഇന്ത്യയിലെ നിയമനങ്ങളും സ്ഥാനക്കയറ്റവും നിര്‍ത്തിവെക്കാന്‍ സര്‍ക്കാര്‍ നിര്‍ദേശം

  • 6
    12 hours ago

    കനത്ത മഴ: ഒരു മരണംകൂടി

  • 7
    13 hours ago

    കലാലയങ്ങളില്‍ പെരുമാറ്റച്ചട്ടം കൊണ്ടുവരണമെന്ന് ഗവര്‍ണര്‍

  • 8
    1 day ago

    ഷീല ദീക്ഷിത് കോണ്‍ഗ്രസ് പാര്‍ട്ടിയുടെ മാനസപുത്രി; രാഹുല്‍ ഗാന്ധി

  • 9
    1 day ago

    ഇന്‍ഡൊനീഷ്യന്‍ ഓപ്പണ്‍; പി.വി.സിന്ധു ഫൈനലില്‍