Sunday, September 23rd, 2018

മുല്ലപ്പള്ളിക്കും നേതാക്കള്‍ക്കുമെതിരെ തിരുവനന്തപുരത്തും പാലക്കാട്ടും പോസ്റ്റര്‍

മുങ്ങുന്ന കപ്പലിന് ഓട്ടയിടരുത്

Published On:Jun 11, 2018 | 10:21 am

പാലക്കാട്: രാജ്യസഭാ സീറ്റ് വിവാദം സംസ്ഥാനത്തെ കോണ്‍ഗ്രസില്‍ സൃഷ്ടിച്ച പ്രതിസന്ധി തുടരുന്നു. നേതൃത്വത്തിനെതിരെ സംസ്ഥാനത്തിന്റെ വിവിധ ഭാഗങ്ങളില്‍ നിന്നുള്ള പ്രവര്‍ത്തകരുടെ പ്രതിഷേധത്തിന് ഇന്നും അയവില്ല. തിരുവനന്തപുരത്ത് പാര്‍ട്ടി ആസ്ഥാനമായ ഇന്ദിരാഭവനു മുന്നില്‍ നേതാക്കള്‍ക്കെതിരെ പോസ്റ്റര്‍ പതിച്ചതിനു മണിക്കൂറുകള്‍ക്ക് പിന്നാലെ പാലക്കാട്ടും പോസ്റ്ററുകള്‍ പ്രത്യക്ഷപ്പെട്ടു.
പാലക്കാട് നഗരത്തിന്റെ വിവിധ ഭാഗങ്ങളിലാണ് പോസ്റ്ററുകള്‍ പതിച്ചിട്ടുള്ളത്. ജീര്‍ണിച്ച നേതൃത്വത്തിന് വിശ്രമം നല്‍കണമെന്നും ജനസ്വാധീനമില്ലാത്ത നേതാക്കളെ മാറ്റണമെന്നുമാവശ്യപ്പെട്ടാണ് പോസ്റ്ററുകള്‍. കെ.സുധാകരനെ കെപിസിസി പ്രസിഡന്റക്കണമെന്നും എന്നും പോസ്റ്ററില്‍ ആവശ്യമുണ്ട്. കൊല്ലത്ത് കെ സുധാകരനെ അനുകൂലിച്ച് കോണ്‍ഗ്രസ് പ്രവര്‍ത്തകര്‍ പ്രകടനവും നടത്തി
നേരത്തെ, മുല്ലപ്പള്ളി രാമചന്ദ്രനെ കെപിസിസി പ്രസിഡന്റാക്കരുത് എന്ന ആവശ്യമുന്നയിച്ചായിരുന്നു തിരുവനന്തപുരം ഇന്ദിരാഭവനുമുന്നില്‍ ഇന്ന് പോസ്റ്ററുകള്‍ പതിച്ചത്. മുല്ലപ്പള്ളി കെപിസിസി പ്രസിഡന്റായാല്‍ മുങ്ങുന്ന കപ്പലിന് ഓട്ടയിടുന്നതിനു തുല്യമാണെന്നാണ് പോസ്റ്ററിലെ വാചകം. അണികളുടെ വികാരം കണ്ടില്ലെന്ന് നടിക്കരുതെന്നും പോസ്റ്ററില്‍ പറയുന്നുണ്ട്. ഒറ്റുകാരും കള്ളന്മാരും കോണ്‍ഗ്രസിനെ നയിക്കണ്ട, മുല്ലപ്പള്ളി വേണ്ട എന്നിങ്ങനെയുള്ള പോസ്റ്ററുകളും കോണ്‍ഗ്രസ് ആസ്ഥാനത്തിന് മുന്നില്‍ പതിച്ചിട്ടുണ്ട്. സംസ്ഥാന കോണ്‍ഗ്രസിലെ നയപരമായ തീരുമാനങ്ങളെടുക്കാന്‍ രൂപീകരിച്ച ഉന്നതാധികാര സമിതിയായ കെപിസിസി രാഷ്ട്രീയകാര്യ സമിതി ഇന്നുച്ചകഴിഞ്ഞു മൂന്നിനു യോഗം ചേരാനിരിക്കെയാണ് പോസ്റ്റര്‍ പ്രതിഷേധമുള്‍പ്പടെയുള്ളവ ശക്തമാകുന്നത്

 

 

LIVE NEWS - ONLINE

  • 1
    1 hour ago

    ഹരിയാന കൂട്ടബലാല്‍സംഗം: പ്രധാനപ്രതികള്‍ പിടിയില്‍

  • 2
    3 hours ago

    കന്യാസ്ത്രീക്ക് നീതി ആവശ്യപ്പെട്ട് പ്രകടനം നടത്തിയ ജോയ് മാത്യുവിനെതിരെ പോലീസ് കേസെടുത്തു

  • 3
    5 hours ago

    സിസ്റ്റര്‍ ലൂസിക്കെതിരെ സഭാ നടപടി

  • 4
    7 hours ago

    മദ്രാസ് ഐ.ഐ.ടിയിലെ മലയാളിവിദ്യാര്‍ഥിയെ മരിച്ചനിലയില്‍ കണ്ടെത്തി

  • 5
    7 hours ago

    മുഖ്യമന്ത്രി പിണറായി വിജയന്‍ അമേരിക്കയില്‍ നിന്ന് തിരിച്ചെത്തി

  • 6
    19 hours ago

    ബിഷപ്പിനെ ഞായറാഴ്ച്ച രാവിലെ തെളിവെടുപ്പിനായി കുറവിലങ്ങാട് മഠത്തില്‍ എത്തിക്കും

  • 7
    20 hours ago

    ഗള്‍ഫിലേക്ക് കടത്താന്‍ ശ്രമിച്ച ഹാഷിഷ് പിടികൂടി

  • 8
    23 hours ago

    ലോക്‌സഭാ തെരഞ്ഞെടുപ്പില്‍ മികച്ച വിജയം ലക്ഷ്യം: മുല്ലപ്പള്ളി

  • 9
    1 day ago

    ബിഷപ്പിനെ കോടതിയില്‍ ഹാജരാക്കി