Monday, June 24th, 2019

സാധാരണക്കാരന് മേല്‍ പോലീസ് കുതിര കയറരുത്: മുഖ്യമന്ത്രി

വിയോജിപ്പുകള്‍ ദേശവിരുദ്ധ പ്രവര്‍ത്തനമായി കാണരുത്

Published On:Jul 25, 2018 | 11:33 am

തിരു: പോലീസ് മനുഷ്യാവകാശ ലംഘകരാകരുതെന്ന് മുഖ്യമന്ത്രി പിണറായി വിജയന്‍. മനുഷ്യവകാശ സംരക്ഷകരായി വേണം പ്രവര്‍ത്തിക്കേണ്ടതെന്നും മുഖ്യമന്ത്രി പറഞ്ഞു. ആധുനിക പോലീസിംഗ് സംബന്ധിച്ച ദേശീയ സെമിനാര്‍ തിരുവനന്തപുരത്ത് ഉദ്ഘാടനം ചെയ്യുകയായിരുന്നു അദ്ദേഹം.
സാധാരണ പൗരനുമേല്‍ കുതിര കയറുന്നതാകരുത് പോലീസിന്റെ നയം. മനുഷ്യാവകാശ ലംഘനങ്ങളെ കുറിച്ച് നിരവധി വാര്‍ത്തകള്‍ വരുന്നുണ്ട്. എന്നാല്‍, പോലീസ് ശരിയായ രീതിയിലേ പ്രവര്‍ത്തിക്കാവൂ. അധികാരം പോലീസിനെ ദുഷിപ്പിക്കുന്ന തലത്തിലേക്ക് എത്തരുത്. അഴിമതി, മൂന്നാംമുറ, അന്യായമായി തടങ്കലില്‍ വെക്കല്‍, അമിതാധികാര പ്രയോഗം എന്നിവയെല്ലാം പോലീസിന് ഭൂഷണമല്ല. ഇത്തരം ദുഷ്പ്രവണതകള്‍ വച്ചു പൊറുപ്പിക്കില്ലെന്നും മുഖ്യമന്ത്രി പറഞ്ഞു. പൊതുസുരക്ഷയെ കരുതി പോലീസിന് പലപ്പോഴും നിയന്ത്രണങ്ങള്‍ ഏര്‍പ്പെടുത്തേണ്ടി വരുന്നത് സ്വാഭാവികമാണെന്നും പിണറായി കൂട്ടിച്ചേര്‍ത്തു.
എഴുത്തുകാര്‍ക്ക് നേരെയുണ്ടാകുന്ന എതിര്‍പ്പുകളെ പൊതുസമൂഹം ഒന്നിച്ച് നിന്ന് പ്രതിരോധിക്കണം. എഴുത്തുകാര്‍ ഇവിടം വിട്ട് പോകണമെന്നും എഴുത്ത് നിര്‍ത്തണമെന്നും ആവശ്യപ്പെടുന്ന സംഭവങ്ങള്‍ കേരളത്തിലും ഉണ്ടായിത്തുടങ്ങിയിരിക്കുന്നത് ആശങ്കാജനകമാണ്. വിയോജിപ്പുകള്‍ ദേശവിരുദ്ധ പ്രവര്‍ത്തനമായി കാണുന്ന സ്ഥിതിവിശേഷം വര്‍ധിച്ചു വരികയാണ്. ഇത് സാംസ്‌കാരിക കേരളത്തിന് അപമാനാണെന്നും മുഖ്യമന്ത്രി പറഞ്ഞു.

 

LIVE NEWS - ONLINE

  • 1
    2 hours ago

    കേസ് ഒത്തുതീര്‍പ്പാക്കാന്‍ ശ്രമിച്ചിട്ടില്ലെന്ന് കോടിയേരി ബാലകൃഷ്ണന്‍

  • 2
    3 hours ago

    ചര്‍ച്ച പരാജയം: അന്തര്‍ സംസ്ഥാന ബസുകളുടെ സമരം തുടരും

  • 3
    5 hours ago

    ദമ്പതികള്‍ കഴുത്തറുത്ത് കൊല്ലപ്പെട്ട നിലയില്‍ കണ്ടെത്തി

  • 4
    6 hours ago

    കാസര്‍കോട്ട് പശുക്കടത്ത് ആരോപിച്ച് മര്‍ദനം

  • 5
    8 hours ago

    അബ്ഹ വിമാനത്താവള ആക്രമണത്തില്‍ മലയാളിക്ക് പരിക്ക്

  • 6
    8 hours ago

    സി.ഒ.ടി. നസീര്‍ വധശ്രമക്കേസ്: രണ്ടുപ്രതികള്‍ കീഴടങ്ങി

  • 7
    10 hours ago

    അബ്ദുള്ളക്കുട്ടി മോദിയുമായി കൂടിക്കാഴ്ച നടത്തി

  • 8
    10 hours ago

    മഞ്ചേശ്വരം തെരഞ്ഞെടുപ്പ്; എതിര്‍പ്പുണ്ടെങ്കില്‍ അറിയിക്കണം: ഹൈക്കോടതി

  • 9
    10 hours ago

    കോടിയേരി സ്ഥാനം ഒഴിയണമെന്ന് ചെന്നിത്തല