Monday, February 19th, 2018

കുരുമുളക് കര്‍ഷകരുടെ ആശങ്കയകറ്റണം

വില തകര്‍ച്ചയില്‍ അന്ധാളിച്ച് നില്‍ക്കുകയാണ് സംസ്ഥാനത്തെ കുരുമുളക് കര്‍ഷകര്‍. ഏതാനും മാസങ്ങളായി കിലോക്ക് 400 നും 430 നുമിടയിലാണ് വില നിലവാരം. 2015ല്‍ കിലോക്ക് 740 രൂപ വരെ വില കിട്ടിയിരുന്നു. അതൊരു സുവര്‍ണകാലം തന്നെയായിരുന്നു. തുടര്‍ന്നനുഭവപ്പെട്ട വില തകര്‍ച്ച ഇപ്പോഴും തുടരുന്നു. വര്‍ഷത്തിലൊരുതവണ മാത്രം വിളവ് തരുന്ന കുരുമുളകിന് താരതമ്യേന ഉല്‍പാദന ചെലവ് കുറവാണ്. വിളവെടുക്കാനുള്ള ചെലവ് ചിലപ്പോള്‍ താങ്ങാനാവില്ല. ഉയരത്തിലുള്ള താങ്ങുമരത്തില്‍ കയറി മണിക്കൂറുകളോളം ക്ഷമയോടെ നിന്ന് ചെയ്യേണ്ട പണിക്ക് ആയിരത്തിലധികം രൂപ പ്രതിദിനം … Continue reading "കുരുമുളക് കര്‍ഷകരുടെ ആശങ്കയകറ്റണം"

Published On:Sep 11, 2017 | 1:22 pm

വില തകര്‍ച്ചയില്‍ അന്ധാളിച്ച് നില്‍ക്കുകയാണ് സംസ്ഥാനത്തെ കുരുമുളക് കര്‍ഷകര്‍. ഏതാനും മാസങ്ങളായി കിലോക്ക് 400 നും 430 നുമിടയിലാണ് വില നിലവാരം. 2015ല്‍ കിലോക്ക് 740 രൂപ വരെ വില കിട്ടിയിരുന്നു. അതൊരു സുവര്‍ണകാലം തന്നെയായിരുന്നു. തുടര്‍ന്നനുഭവപ്പെട്ട വില തകര്‍ച്ച ഇപ്പോഴും തുടരുന്നു.
വര്‍ഷത്തിലൊരുതവണ മാത്രം വിളവ് തരുന്ന കുരുമുളകിന് താരതമ്യേന ഉല്‍പാദന ചെലവ് കുറവാണ്. വിളവെടുക്കാനുള്ള ചെലവ് ചിലപ്പോള്‍ താങ്ങാനാവില്ല. ഉയരത്തിലുള്ള താങ്ങുമരത്തില്‍ കയറി മണിക്കൂറുകളോളം ക്ഷമയോടെ നിന്ന് ചെയ്യേണ്ട പണിക്ക് ആയിരത്തിലധികം രൂപ പ്രതിദിനം കൂലിയായി നല്‍കിയാണ് കര്‍ഷകര്‍ വിളവെടുക്കുന്നത്. കാലാവസ്ഥയില്‍ വരുന്ന വ്യതിയാനം കുരുമുളക് കൃഷിയെയും ബാധിക്കാറുണ്ട്്. എന്നാലും കൂടുതല്‍ കുരുമുളക് ലഭ്യതക്ക് തെങ്ങ് കൃഷിക്കൊപ്പം കുരുമുളകിനും അല്‍പാല്‍പം വളം നല്‍കി കര്‍ഷകര്‍ ഉല്‍പാദന വര്‍ധന ഉറപ്പാക്കാറുണ്ട്്. കഴിഞ്ഞ വര്‍ഷം പലര്‍ക്കും നല്ല വിളവ് തന്നെ ലഭിച്ചു. പക്ഷെ വിപണിയിലെത്തിക്കാന്‍ വില തകര്‍ച്ചകാരണം കര്‍ഷകര്‍ മടിക്കുകയാണ്. സാമ്പത്തിക പ്രയാസമുള്ള കര്‍ഷകര്‍ നിലവിലുള്ള വിലക്ക് തന്നെ കുരുമുളക് വില്‍പന നടത്തി. പലരും വില വര്‍ധനവ് പ്രതീക്ഷിച്ച് കഴിയുന്നു.
കഴിഞ്ഞ രണ്ട് മാസത്തിനകം ക്വിന്റലിന് 10,000 രൂപ വിലകുറഞ്ഞിട്ടുണ്ട്്. ഇപ്പോള്‍ കിലോവിന് 420 രൂപക്ക് ലഭിക്കുന്നത് കുരുമുളക് കൃഷിയെ മാത്രം ആശ്രയിച്ച് കഴിയുന്ന കര്‍ഷകര്‍ക്ക് നിരാശയാണ് നല്‍കുന്നത്. കഴിഞ്ഞ വര്‍ഷം ഇതേ സമയം 650 ഓളം രൂപയാണ് കിലോക്ക് കര്‍ഷകന് ലഭിച്ചിരുന്നത്. ഈ വര്‍ഷം ഓണമായപ്പോഴേക്കും കര്‍ഷകന്റെ പ്രതീക്ഷക്ക് മങ്ങലേല്‍പിച്ച് വില താഴോട്ടേക്ക് തന്നെ പോയ്‌ക്കൊണ്ടിരിക്കുന്നു. ഇന്തോനേഷ്യ, ശ്രീലങ്ക, വിയറ്റ്‌നാം തുടങ്ങിയ സ്ഥലങ്ങളില്‍ നിന്ന് കുരുമുളക് ചുരുങ്ങിയ വിലക്ക് ഇറക്കുമതി ചെയ്യുന്നതാണ് ഇവിടുത്തെ കുരുമുളകിന് വിലത്തകര്‍ച്ച അനുഭവപ്പെടാന്‍ കാരണമെന്ന് വ്യാപാരികള്‍ പറയുന്നു. ഗുണം കൂടിയ കേരളത്തിലെ കുരുമുളകിന് ഇന്ത്യ മുഴുവന്‍ നല്ല വിപണിയുണ്ടായിരുന്നു. അത് തുടര്‍ന്നും നിലനിര്‍ത്താന്‍ സര്‍ക്കാറിന്റെ ഇടപെടല്‍ കൂടിയേതീരൂ. തരിശുഭൂമികള്‍ കൃഷിയോഗ്യമാക്കാന്‍ തീരുമാനമെടുക്കുന്ന സര്‍ക്കാര്‍ നടപടി ശ്ലാഘനീയമാണ്. ഇതോടൊപ്പം കുരുമുളക് കൃഷി വ്യാപിപ്പിക്കാനും അതിന് മെച്ചപ്പെട്ട വിപണി ഉറപ്പുവരുത്താനുള്ള പ്രവര്‍ത്തനങ്ങളും ഉണ്ടായാല്‍ നൂറുകണക്കിന് കര്‍ഷകര്‍ക്കതൊരനുഗ്രഹമാവും. പ്രകൃതിക്ഷോഭം, ഉല്‍പന്നങ്ങള്‍ക്കുള്ള വിലയിടിവ് എന്നിവ കാരണം കര്‍ഷകര്‍ക്ക് സാമ്പത്തിക നഷ്ടം സംഭവിക്കുമ്പോള്‍ കര്‍ഷകര്‍ക്ക് താങ്ങായി നില്‍ക്കാനും സംരക്ഷണം നല്‍കാനും സര്‍ക്കാറുണ്ടാകണമെന്ന് അവരാഗ്രഹിക്കുന്നു.

LIVE NEWS - ONLINE

  • 1
    12 hours ago

    ചര്‍ച്ച പരാജയം: സമരം തുടരുമെന്ന് ബസ് ഉടമകള്‍

  • 2
    13 hours ago

    പി ജയരാജന്റെ ഫെയ്‌സ്ബുക്ക് പേജ് കൈകാര്യം ചെയ്യുന്നത് ഷുഹൈബ് വധക്കേസിലെ പ്രതിയെന്ന് കൃഷ്ണദാസ്

  • 3
    19 hours ago

    ഷുഹൈബ് വധം: രണ്ട് പ്രതികള്‍ കീഴടങ്ങി

  • 4
    22 hours ago

    നടി സനുഷയെ കയ്യേറ്റം ചെയ്യാന്‍ ശ്രമിച്ച കേസിലെ പ്രതി ആന്റോ ബോസിന്റെ ജാമ്യപേക്ഷ കോടതി തള്ളി

  • 5
    22 hours ago

    സ്വകാര്യ ബസുടമകള്‍ ഇന്ന് മന്ത്രിയെ കാണും

  • 6
    23 hours ago

    മെക്‌സിക്കോയില്‍ ഹെലികോപ്ടര്‍ തകര്‍ന്നു വീണു: 14 മരണം

  • 7
    1 day ago

    തൃശ്ശൂരില്‍ പാടത്ത് കത്തിക്കരിഞ്ഞ മൃതദേഹം കണ്ടെത്തി

  • 8
    1 day ago

    വ്യാജ വാര്‍ത്തകളുടെ പേരില്‍ മാധ്യമങ്ങള്‍ അടയാളപ്പെടുത്തപ്പെടുന്നത് ജനാധിപത്യ സമൂഹത്തിനു തീരാക്കളങ്കമെന്ന് മുഖ്യമന്ത്രി

  • 9
    2 days ago

    ഷുഹൈബ് വധം: ആറു പേര്‍ കസ്റ്റഡിയില്‍