Thursday, August 22nd, 2019

അസംഘടിത മേഖലയിലെ തൊഴിലാളികള്‍ക്ക് മിനിമം വേതനം; ബില്ല് ഉടന്‍ പാര്‍ല്ലമെന്റില്‍

പാര്‍ലമെന്റിന്റെ അടുത്ത സെഷനില്‍ തന്നെ ബില്ല് അവതരിപ്പിച്ചേക്കും.

Published On:Jun 12, 2019 | 10:20 am

ന്യൂഡല്‍ഹി: അസംഘടിത മേഖലയിലെ തൊഴിലാളികളെ മിനിമം വേതന നിയമത്തിന്റെ പരിധിയില്‍ കൊണ്ടുവരാന്‍ നീക്കവുമായി കേന്ദ്ര സര്‍ക്കാര്‍. ഇതിനായി ഉടന്‍ പാര്‍ലമെന്റില്‍ ബില്ല് കൊണ്ടുവരും. നിലവില്‍ ചില തൊഴില്‍ മേഖലകള്‍ മാത്രമാണ് മിനിമം വേതനത്തിന്റെ പരിധിയില്‍ വരുന്നത്.
കഴിഞ്ഞ ദിവസം ആഭ്യന്തര മന്ത്രി അമിത് ഷായുടെ അധ്യക്ഷതയില്‍ ചേര്‍ന്ന മന്ത്രിതല സമിതിയുടെ യോഗത്തില്‍ ഇതുസംബന്ധിച്ചു തീരുമാനം കൈക്കൊണ്ടതായാണു റിപ്പോര്‍ട്ട്. ധനമന്ത്രി നിര്‍മല സീതാരാമന്‍, തൊഴില്‍ മന്ത്രി, വ്യാപാര, റെയില്‍ മന്ത്രി എന്നിവരും യോഗത്തില്‍ പങ്കെടുത്തിരുന്നു. പ്രസവ ആനുകൂല്യങ്ങള്‍, പെന്‍ഷന്‍, മിനിമം വേജ്, ഹെല്‍ത്ത് ഇന്‍ഷുറന്‍സ്, നൈപുണ്യ വികസന പരിശീലനം എന്നിവ ഉള്‍പ്പെടുത്തിയാണ് കേന്ദ്രം ബില്ല് വിഭാവനം ചെയ്യുന്നത്. വീട്ടുജോലി, നിര്‍മാണ തൊഴില്‍, കര്‍ഷകര്‍, കലാകാരന്‍മാര്‍, കച്ചവടക്കാര്‍ എന്നിവ ഉള്‍പ്പെടുന്ന അനൗദ്യോഗിക വിഭാഗങ്ങളെ ബില്ലിന്റെ പരിധിയില്‍ കൊണ്ടുവരാന്‍ കഴിയുമെന്ന് കേന്ദ്രം കണക്കുകൂട്ടുന്നു.
പാര്‍ലമെന്റിന്റെ അടുത്ത സെഷനില്‍ തന്നെ ബില്ല് അവതരിപ്പിച്ചേക്കും. പുതിയ തൊഴില്‍ നിയമം സംബന്ധിച്ച് പ്രധാനപ്പെട്ട എല്ലാ തൊഴിലാളി യൂണിയന്‍ നേതൃതങ്ങളുമായും ചര്‍ച്ച നടത്തിയതായി തൊഴില്‍ മന്ത്രി സന്തോഷ് ഗാംഗ്വര്‍ അറിയിച്ചു.

 

LIVE NEWS - ONLINE

  • 1
    17 mins ago

    തുഷാര്‍ വെള്ളാപ്പള്ളിക്ക് ജാമ്യം

  • 2
    2 hours ago

    ചെക്ക് കേസ്; തുഷാറിനായി മുഖ്യമന്ത്രിയുടെ ഇടപെടല്‍

  • 3
    3 hours ago

    ഫാഷന്‍ ഷോയില്‍ അതീവ ഗ്ലാമറാസായി മാളവിക

  • 4
    4 hours ago

    കെവിന്‍ വധം…

  • 5
    4 hours ago

    നീനുവിന്റെ സഹോദരനടക്കം 10 പേര്‍ കുറ്റക്കാര്‍, പിതാവിനെ വെറുതെ വിട്ടു.

  • 6
    4 hours ago

    ദുരഭിമാന കൊലയെന്ന് കോടതി, ശിക്ഷ ശനിയാഴ്ച.

  • 7
    4 hours ago

    കെവിന്‍ വധം: നീനുവിന്റെ സഹോദരനടക്കം 10 പേര്‍ കുറ്റക്കാര്‍, പിതാവിനെ വെറുതെ വിട്ടു

  • 8
    5 hours ago

    ഇടുക്കി, തൃശൂര്‍ ജില്ലകളില്‍ ഓറഞ്ച് അലര്‍ട്ട്

  • 9
    5 hours ago

    ബിക്കിനി എയര്‍ലൈന്‍സ് ഇന്ത്യയിലേക്ക്