Tuesday, June 18th, 2019

വായ്പക്ക് വിദ്യാര്‍ഥികള്‍ക്കും പാന്‍ നമ്പര്‍ നിര്‍ബന്ധം

പാന്‍നമ്പര്‍ എടുക്കാന്‍ പുതുതായി വന്ന നിബന്ധന കുട്ടികളെ കഷ്ടത്തിലാക്കുന്നു.

Published On:Oct 21, 2017 | 8:45 am

വിദ്യാഭ്യാസ വായ്പക്ക് അപേക്ഷിക്കാന്‍ രക്ഷിതാവിനൊപ്പം വിദ്യാര്‍ഥികള്‍ക്കും ബാങ്കുകള്‍ പാന്‍ നമ്പര്‍ നിര്‍ബന്ധമാക്കി. ഇതോടെ പ്രൊഫഷണല്‍ കോഴ്‌സുകളിലേതടക്കം നൂറുകണക്കിന് വിദ്യാര്‍ഥികള്‍ക്ക് വായ്പക്ക് അപേക്ഷിക്കാനാകുന്നില്ല.
പാന്‍നമ്പര്‍ എടുക്കാന്‍ പുതുതായി വന്ന നിബന്ധനയാണ് കുട്ടികളെ കഷ്ടത്തിലാക്കുന്നത്. നേരത്തേ ആധാര്‍ ഉപയോഗിച്ച് പാന്‍ നമ്പര്‍ എടുക്കാമായിരുന്നു. എന്നാല്‍, പാനുമായി ആധാര്‍ ലിങ്കിങ് വന്നതോടെ രണ്ടുതരം തിരിച്ചറിയല്‍ രേഖ ഉണ്ടെങ്കിലേ പാന്‍ നമ്പരിന് അപേക്ഷിക്കാന്‍ പറ്റൂവെന്ന സ്ഥിതിയാണ്.
ആധാര്‍ കാര്‍ഡിനൊപ്പം ഡ്രൈവിങ് ലൈസന്‍സോ തിരഞ്ഞെടുപ്പുകമ്മിഷന്റെ തിരിച്ചറിയല്‍ കാര്‍ഡോ മാത്രമേ സ്വീകരിക്കൂ. നേരത്തേ ബാങ്ക് പാസ്ബുക്ക് അടക്കമുള്ളവ തിരിച്ചറിയല്‍ രേഖയായി നല്‍കാമായിരുന്നു. തെരഞ്ഞെടുപ്പ് കമ്മിഷന്റെ തിരിച്ചറിയല്‍ കാര്‍ഡോ ഡ്രൈവിങ് ലൈസന്‍സോ ലഭിക്കണമെങ്കില്‍ 18 വയസ്സ് പൂര്‍ത്തിയാകണം. വിദ്യാര്‍ഥികളിലേറെയും 18 വയസ്സ് പൂര്‍ത്തിയാകാത്തവരാണെന്നതാണ് തിരിച്ചടിയാകുന്നത്.
ചില സ്വകാര്യ പാന്‍ സേവനകേന്ദ്രങ്ങള്‍ ആധാര്‍ മാത്രം ഉപയോഗിച്ച് രജിസ്‌ട്രേഷന്‍ നടത്തുന്നുണ്ടെങ്കിലും കിട്ടുമെന്ന് ഉറപ്പില്ല. ചിലയിടത്ത് രക്ഷിതാവിന്റെ സത്യവാങ്മൂലം മുതല്‍ പത്താംക്ലാസ് സര്‍ട്ടിഫിക്കറ്റ് വരെ പാന്‍ അപേക്ഷയക്കായി സമര്‍പ്പിക്കുന്നുണ്ടെങ്കിലും പലപ്പോഴും അപേക്ഷ പൂര്‍ത്തീകരിക്കാന്‍ കഴിയുന്നില്ല. പാന്‍ നമ്പറിന് അപേക്ഷിച്ചശേഷം ലഭിക്കാന്‍ 25 ദിവസം മുതല്‍ രണ്ടുമാസം വരെ സമയമെടുക്കുന്നുമുണ്ട്.

 

 

 

 

LIVE NEWS - ONLINE

  • 1
    6 hours ago

    ജപ്പാനില്‍ ഭൂകമ്പം

  • 2
    8 hours ago

    പുല്‍വാമയില്‍ പോലീസ് സ്റ്റേഷനുനേരെ ഗ്രനേഡ് ആക്രമണം

  • 3
    9 hours ago

    പ്രധാനമന്ത്രി വിളിച്ച യോഗത്തില്‍ പങ്കെടുക്കില്ലെന്ന് മമത ബാനര്‍ജി

  • 4
    11 hours ago

    ബിനോയി കോടിയേരിക്കെതിരായ പരാതി; പാര്‍ട്ടിക്ക് ഒന്നും ചെയ്യാനില്ല: ബൃന്ദാകാരാട്ട്

  • 5
    15 hours ago

    ബിനോയിക്കെതിരായ പരാതിയെ കുറിച്ച് അറിയില്ലെന്ന് യെച്ചൂരി

  • 6
    15 hours ago

    ബിനോയിക്കെതിരെ പരാതി നല്‍കിയ യുവതിക്കെതിരെ കേസെടുത്തേക്കും

  • 7
    16 hours ago

    പോലീസ് കമ്മീഷണറേറ്റുകള്‍ ധൃതിപിടിച്ച് നടപ്പാക്കില്ല: മുഖ്യമന്ത്രി

  • 8
    16 hours ago

    അശ്ലീല ഫോണ്‍ സംഭാഷണം: നടന്‍ വിനായകനെ അറസ്റ്റ് ചെയ്‌തേക്കും

  • 9
    16 hours ago

    ക്വാറിയില്‍ മണ്ണിടിഞ്ഞ് രണ്ടുപേര്‍ മരിച്ചു