പാലക്കാട്: പാലക്കാട് രൂപത റൂബി ജൂബിലി ആഘോഷങ്ങള്‍ക്ക് തുടക്കം. ചക്കാന്തറ സെന്റ് റാഫേല്‍സ് കത്തീഡ്രല്‍ പള്ളിയില്‍ ബിഷപ് മാര്‍ ജേക്കബ് മനത്തോടത്ത് ജൂബിലി ആഘോഷം ഉദ്ഘാടനം ചെയ്തു. ദിവ്യബലിയും അര്‍പ്പിച്ചു. രൂപത നാല്‍പതാം വയസ്സിലേക്കു പ്രവേശിക്കുന്ന കാലയളവാണു റൂബി ജൂബിലി. ജൂബിലി അവസരത്തില്‍ കുടുംബങ്ങള്‍ നവീകരിക്കപ്പെടണമെന്നും ദൈവവിശ്വാസവും പരസ്പരധാരണയും വര്‍ധമാനകമാകണമെന്നും സന്ദേശത്തില്‍ പറഞ്ഞു. ജൂബിലിയുടെ ഭാഗമായി എല്ലാ ഇടവകകളും പാവപ്പെട്ടവര്‍ക്കായി ഒരു വര്‍ഷം ഒരു വീടെങ്കിലും നിര്‍മിച്ചു നല്‍കണം. വിവാഹസഹായനിധി ഇല്ലാത്ത ഇടവകകള്‍ അത് ആരംഭിക്കണം. മദ്യവര്‍ജന … Continue reading "റൂബി ജൂബിലി ആഘോഷങ്ങള്‍ക്ക് തുടക്കം"
Sunday, July 21st, 2019
റൂബി ജൂബിലി ആഘോഷങ്ങള്‍ക്ക് തുടക്കം
Published On:Sep 9, 2013 | 3:29 pm
പാലക്കാട്: പാലക്കാട് രൂപത റൂബി ജൂബിലി ആഘോഷങ്ങള്‍ക്ക് തുടക്കം. ചക്കാന്തറ സെന്റ് റാഫേല്‍സ് കത്തീഡ്രല്‍ പള്ളിയില്‍ ബിഷപ് മാര്‍ ജേക്കബ് മനത്തോടത്ത് ജൂബിലി ആഘോഷം ഉദ്ഘാടനം ചെയ്തു. ദിവ്യബലിയും അര്‍പ്പിച്ചു. രൂപത നാല്‍പതാം വയസ്സിലേക്കു പ്രവേശിക്കുന്ന കാലയളവാണു റൂബി ജൂബിലി. ജൂബിലി അവസരത്തില്‍ കുടുംബങ്ങള്‍ നവീകരിക്കപ്പെടണമെന്നും ദൈവവിശ്വാസവും പരസ്പരധാരണയും വര്‍ധമാനകമാകണമെന്നും സന്ദേശത്തില്‍ പറഞ്ഞു. ജൂബിലിയുടെ ഭാഗമായി എല്ലാ ഇടവകകളും പാവപ്പെട്ടവര്‍ക്കായി ഒരു വര്‍ഷം ഒരു വീടെങ്കിലും നിര്‍മിച്ചു നല്‍കണം. വിവാഹസഹായനിധി ഇല്ലാത്ത ഇടവകകള്‍ അത് ആരംഭിക്കണം. മദ്യവര്‍ജന പ്രസ്ഥാനം ഫലപ്രദമാക്കണം. തൊഴിലധിഷ്ഠിത വിദ്യാഭ്യാസത്തിലേക്കു യുവജനതയെ എത്തിക്കണം. വേനല്‍ക്കെടുതി അനുഭവിക്കുന്ന പാലക്കാട് ജില്ലയില്‍ ഓരോ പ്രദേശത്തിനും ഇണങ്ങുന്ന പ്രകൃതിസംരക്ഷണ പരിപാടികള്‍ ആസൂത്രണം ചെയ്യണം. മരങ്ങള്‍ വച്ചുപിടിപ്പിക്കുന്നതും വീടുകളില്‍ അടുക്കളത്തോട്ടമുണ്ടാക്കുന്നതും ജലസംരക്ഷണം നടത്തുന്നതുമെല്ലാം ഇതില്‍ ഉള്‍പ്പെടുമെന്നും സന്ദേശത്തില്‍ പറഞ്ഞു.
