Friday, November 24th, 2017

വൃദ്ധദമ്പതികളുടെ കൊലപാതകം; ഒരാള്‍ പിടിയില്‍

എറണാകുളം പറവൂര്‍ സ്വദേശി സുദര്‍ശന്‍ ആണ് പിടിയിലായത്. കൊല്ലപ്പെട്ട ദമ്പതികളുടെ മരുമകള്‍ ഷീജയുടെ സുഹൃത്താണ് ഇയാള്‍

Published On:Sep 13, 2017 | 4:48 pm

പാലക്കാട്: വൃദ്ധദമ്പതികള്‍ വീടിനുള്ളില്‍ കൊല്ലപ്പെട്ട സംഭവത്തില്‍ പ്രതി പിടിയില്‍. എറണാകുളം പറവൂര്‍ സ്വദേശി സുദര്‍ശന്‍ ആണ് പിടിയിലായത്. പാലക്കാട് കെഎസ്ആര്‍ടിസി ബസ്സ്റ്റാന്റിനു സമീപത്തു നിന്നാണു ഇയാള്‍ പിടിയിലായത്. കൊല്ലപ്പെട്ട ദമ്പതികളുടെ മരുമകള്‍ ഷീജയുടെ സുഹൃത്താണ് ഇയാള്‍. ഇവര്‍ തമ്മിലുള്ള ബന്ധം എതിര്‍ത്തതാണ് കൊലപാതകത്തിനിടയാക്കിയതെന്ന് കരുതുന്നു.
ഇന്ന് രാവിലെയാണ് പാലക്കാട് പുളക്കാപ്പറമ്പ് സ്വാമിനാഥന്‍(72) ഭാര്യ പ്രേമകുമാരി(65) എന്നിവരെ വീടിനുള്ളില്‍ മരിച്ച നിലയില്‍ കാണപ്പെട്ടത്. സ്വാമിനാഥനെ ആയുധം ഉപയോഗിച്ച് കഴുത്തറുത്ത നിലയിലും പ്രേമകുമാരിയെ കഴുത്ത് ഞെരിച്ച് കൊലപ്പെടുത്തിയ നിലയിലുമാണ് കണ്ടെത്തിയത്. ഇവരുടെ രണ്ട് ആണ്‍മക്കളും മകളും സ്ഥലത്തുണ്ടായിരുന്നില്ല. ഇരുവരെയും കൊലപ്പെടുത്താന്‍ ശ്രമം നടക്കുന്നതായി നേരത്തെ പോലീസില്‍ പരാതി നല്‍കിയിരുന്നു. നേരത്തെ വീടിനുള്ളില്‍ ഷോക്കടിപ്പിച്ച് സ്വാമിനാഥനെ കൊലപ്പെടുത്താന്‍ ശ്രമം നടന്നതായി അന്വേഷണത്തില്‍ പോലീസും കണ്ടെത്തിയിരുന്നു. പരാതിയില്‍ പോലീസിന്റെ ഭാഗത്ത് നിന്ന് കൃത്യമായ അന്വേഷണം നടക്കാത്തതാണ് കൊലപാതകത്തിന് കാരണമായതെന്ന നാട്ടുകാര്‍ ആരോപിക്കുന്നു.

 

LIVE NEWS - ONLINE

  • 1
    7 mins ago

    ഡോക്ടറെ കൈയ്യേറ്റം ചെയ്ത രണ്ടുപേര്‍ അറസ്റ്റില്‍; കേസെടുത്തത് ജാമ്യമില്ലാ വകുപ്പില്‍

  • 2
    15 mins ago

    ഹൈക്കോടതി വിധിക്കെതിരെ ചാണ്ടി സുപ്രീം കോടതിയില്‍

  • 3
    39 mins ago

    ലൈസസന്‍സില്ലാത്ത ക്വാറിയില്‍ അപകടം; രണ്ടു മരണം, ഏഴുപേര്‍ക്ക് പരിക്ക്

  • 4
    43 mins ago

    നാഗപൂര്‍ ടെസ്റ്റ്; ലങ്ക 77/3

  • 5
    47 mins ago

    ലോകസുന്ദരിപ്പട്ടം നേടിയ സമയം മാനുഷി ധരിച്ച ഗൗണിന്റെ വില കേട്ടാല്‍ ഞെട്ടും.!..

  • 6
    2 hours ago

    കുറിഞ്ഞി ഉദ്യാനം; കള്ളനെ താക്കോല്‍ ഏല്‍പ്പിക്കരുതെന്ന് ചെന്നിത്തല

  • 7
    2 hours ago

    ചുംബനരംഗം അഭിനയിച്ചാല്‍ ആകാശം ഇടിഞ്ഞുവീഴില്ല

  • 8
    2 hours ago

    റുബെല്ല കുത്തിവെപ്പെടുക്കാനെത്തിയവര്‍ക്ക് മര്‍ദനം; രണ്ടുപേര്‍ അറസ്റ്റില്‍

  • 9
    3 hours ago

    നോക്കിയ 2 സ്മാര്‍ട്‌ഫോണ്‍ ഇന്ത്യയില്‍