Friday, September 21st, 2018

കാണം വിറ്റുണ്ണേണ്ട; കണ്ണീരൊപ്പാന്‍ കൂടാം

ഈ ഓണം കണ്ണീര്‍മഴയത്താണ് കേരളം ആഘോഷിക്കുന്നത്. ചരിത്രത്തില്‍ അടുത്തിടെയൊന്നും സംഭവിച്ചിട്ടില്ലാത്ത പ്രകൃതിക്ഷോഭത്തിനും ആള്‍നാശത്തിനുമാണ് കേരളം സാക്ഷ്യം വഹിച്ചത്. കാണം വിറ്റും ഓണം ഉണ്ണുന്ന മലയാളിയുടെ പതിവ് ശീലം ഇക്കുറി നാം മാറ്റിവച്ചേ തീരൂ. തമിഴ്്, തെലുങ്ക് സിനിമാലോകം അടക്കം സമ്പാദ്യത്തില്‍നിന്ന് ഒരുപങ്ക് കേരളത്തിന്റെ കണ്ണീരൊപ്പം മാറ്റിവെക്കുമ്പോള്‍ നാം ആഘോഷം സംഘടിപ്പിക്കുന്നതില്‍ അനൗചിത്യമുണ്ട്. തന്റെ ശമ്പളത്തില്‍നിന്ന് ഒരുലക്ഷം രൂപ നല്‍കി മുഖ്യമന്ത്രി പിണറായി വിജയന്‍ ആരംഭിച്ച സേവനപ്രവര്‍ത്തനം നാള്‍ ചെല്ലുന്തോറും മുന്നേറുകയാണ്. സര്‍ക്കാര്‍ നടത്തുന്ന ഔദ്യോഗിക ഓണാഘോഷപരിപാടികളും സര്‍ക്കാര്‍ … Continue reading "കാണം വിറ്റുണ്ണേണ്ട; കണ്ണീരൊപ്പാന്‍ കൂടാം"

Published On:Aug 14, 2018 | 3:37 pm

ഈ ഓണം കണ്ണീര്‍മഴയത്താണ് കേരളം ആഘോഷിക്കുന്നത്. ചരിത്രത്തില്‍ അടുത്തിടെയൊന്നും സംഭവിച്ചിട്ടില്ലാത്ത പ്രകൃതിക്ഷോഭത്തിനും ആള്‍നാശത്തിനുമാണ് കേരളം സാക്ഷ്യം വഹിച്ചത്. കാണം വിറ്റും ഓണം ഉണ്ണുന്ന മലയാളിയുടെ പതിവ് ശീലം ഇക്കുറി നാം മാറ്റിവച്ചേ തീരൂ. തമിഴ്്, തെലുങ്ക് സിനിമാലോകം അടക്കം സമ്പാദ്യത്തില്‍നിന്ന് ഒരുപങ്ക് കേരളത്തിന്റെ കണ്ണീരൊപ്പം മാറ്റിവെക്കുമ്പോള്‍ നാം ആഘോഷം സംഘടിപ്പിക്കുന്നതില്‍ അനൗചിത്യമുണ്ട്. തന്റെ ശമ്പളത്തില്‍നിന്ന് ഒരുലക്ഷം രൂപ നല്‍കി മുഖ്യമന്ത്രി പിണറായി വിജയന്‍ ആരംഭിച്ച സേവനപ്രവര്‍ത്തനം നാള്‍ ചെല്ലുന്തോറും മുന്നേറുകയാണ്. സര്‍ക്കാര്‍ നടത്തുന്ന ഔദ്യോഗിക ഓണാഘോഷപരിപാടികളും സര്‍ക്കാര്‍ ജീവനക്കാര്‍ സംഘടിപ്പിക്കുന്ന ബൃഹത്തായ ആഘോഷങ്ങളും സര്‍ക്കാര്‍ ഇടപെട്ട് നിയന്ത്രിക്കണം.
കേരളത്തിന്റെ വിവിധ ജില്ലകളില്‍ ഇപ്പോഴും റെഡ് അലര്‍ട്ടും ഓറഞ്ച് അലര്‍ട്ടും തുടരുകയാണ്. ദുരിതാശ്വാസക്യാമ്പുകളില്‍ ആയിരക്കണക്കിനാളുകള്‍ കഴിയുന്നുണ്ട്. അവരില്‍ ഉറ്റവര്‍ നഷ്ടപ്പെട്ടവരുണ്ട്. വീടും വസ്തുവകകളും പോയവരുണ്ട്. റേഷന്‍ കാര്‍ഡും ആധാറും ഭൂരേഖകളും കുട്ടികളുടെ പുസ്തകങ്ങളടക്കം മഴയില്‍ നഷ്ടപ്പെട്ടവരുണ്ട്. ഈ സാഹചര്യത്തില്‍ നമ്മുടെ ഏത് ആഘോഷവും സമൂഹത്തോടുള്ള അവഹേളനമാണ്. നിലമ്പൂരിലെ മസ്ജിദ് നൂര്‍ പള്ളി കാലവര്‍ഷക്കെടുതിയുടെ പശ്ചാത്തലത്തില്‍ കഷ്ടപ്പെടുന്ന മനുഷ്യര്‍ക്കായി തുറന്നിട്ടതാണ് കേരളത്തിലെ ഏറ്റവും നന്മനിറഞ്ഞ കാഴ്ച. ദുരിതം അനുഭവിക്കുന്ന സഹോദരനെ സഹായിക്കലാണ് ഏറ്റവും ഉന്നതമായ പ്രാര്‍ഥന എന്ന പാഠമാണ് അവര്‍ കേരളത്തിന്റെ മനസാക്ഷിക്ക് മുമ്പില്‍ തുറന്നുവെക്കുന്നത്.
കേരളത്തില്‍ ഓരോ ഓണക്കാലത്തും പൊടിച്ചുകളയുന്നത് കോടികളാണ്. ശമ്പളവും പെന്‍ഷനുമെല്ലാം ആഡംബരച്ചെലവുകള്‍ക്കായി വഴിമാറ്റുന്നു. ആവശ്യമില്ലാതെ വസ്ത്രങ്ങളും ഗൃഹോപകരണങ്ങളും വാങ്ങിക്കൂട്ടുന്നു. അപ്പോഴൊക്കെയും നാം അഗതികളെക്കുറിച്ച് ഓര്‍ക്കാറില്ല. ഈ ഓണവും ബക്രീദും മുമ്പില്‍ വന്നപ്പോഴാണ് പ്രകൃതിയുടെ കലിതുള്ളല്‍. ഇത് നമുക്ക് നല്ല ചിന്തയിലേക്കുള്ള വാതില്‍തുറക്കലായി മാറണം.
മലകളായ മലകളെല്ലാം ക്വാറിമാഫിയ തുരന്നുകൊണ്ടുപോകുമ്പോള്‍ ഇത്തരം ദുരന്തങ്ങള്‍ ആവര്‍ത്തിക്കും. പുഴകളില്‍നിന്ന് മണല്‍വാരിയും പുറമ്പോക്ക് കൈയ്യേറിയും നാം പ്രകൃതിയുടെ കോപം ക്ഷണിച്ചുവരുത്തുന്നു. മെച്ചപ്പെട്ട സാമ്പത്തികശേഷിയില്‍ നാം അഭിമാനിക്കുന്നു. മുറ്റത്ത് മഴവെള്ളം താഴാതിരിക്കാന്‍ സിമന്റ് കട്ടകള്‍ പതിപ്പിക്കുന്നു. എന്തൊക്കെ ചെയ്താലും കാറ്റും മഴയും ഒന്ന് ആഞ്ഞുവീശിയാല്‍ തീരാവുന്നതേയുള്ള നമ്മുടെ അഹന്ത എന്നതാണ് ഈ മഴക്കാലത്തിന്റെ ഓര്‍മപ്പെടുത്തല്‍. തിരിച്ചറിവും തിരുത്തലിനുമുള്ള കാലമാണ് ഇത്. നന്മ പൂക്കുന്ന ഓണത്തെയും പെരുന്നാളിനയും നല്ലത് ചെയ്ത സംതൃപ്തിയോടെ നമുക്ക് വരവേല്‍ക്കാം.

LIVE NEWS - ONLINE

  • 1
    26 mins ago

    ബിഷപ്പിനെ ഉടന്‍ വൈദ്യപരിശോധനക്ക് തൃപ്പൂണിത്തുറ താലൂക്ക് ആശുപത്രിയിലേക്ക് എത്തിക്കും

  • 2
    36 mins ago

    ടാന്‍സാനിയയില്‍ കടത്തുബോട്ട് മറിഞ്ഞുണ്ടായ അപകടത്തില്‍ 100 പേര്‍ മരിച്ചു

  • 3
    3 hours ago

    ബിഷപ്പ് ഫ്രാങ്കോ മുളയ്ക്കല്‍ അറസ്റ്റില്‍

  • 4
    4 hours ago

    കന്യാസ്ത്രീസമരത്തെ സര്‍ക്കാര്‍ വിരുദ്ധ സമരമായി മാറ്റാന്‍ നീക്കം: കോടിയേരി

  • 5
    8 hours ago

    യുവാവ് ദുരൂഹ സാഹചര്യത്തില്‍ മരിച്ച നിലയില്‍

  • 6
    8 hours ago

    അശ്ലീല വാട്‌സാപ്പ് വീഡിയോ; മൂന്നുപേര്‍ കസ്റ്റഡിയില്‍

  • 7
    9 hours ago

    കശ്മീരില്‍ മൂന്ന് പോലീസുദ്യോഗസ്ഥരെ തീവ്രവാദികള്‍ തട്ടിക്കൊണ്ടുപോയി

  • 8
    9 hours ago

    പെട്രോളിന് ഇന്നും വില കൂടി

  • 9
    9 hours ago

    മലയാളികള്‍ ‘ഗ്ലോബല്‍ സാലറി ചലഞ്ചി’ല്‍ പങ്കെടുക്കണം: മുഖ്യമന്ത്രി