Tuesday, July 16th, 2019

ഓണ്‍ അറൈവല്‍ സംവിധാനം സഞ്ചാരികളെ ആകര്‍ഷിക്കും: മുഖ്യമന്ത്രി

  ഓണ്‍ അറൈവല്‍ സംവിധാനം വഴി കൂടുതല്‍ വിനോദ സഞ്ചാരികളെ ആകര്‍ഷിക്കാനാവുമെന്ന്് മുഖ്യമന്ത്രി ഉമ്മന്‍ ചാണ്ടി. ഇത് ടൂറിസം മേഖലയില്‍ പുതിയൊരു അധ്യായം തുറന്നിരിക്കുകയാണെന്നും അദ്ദേഹം തുടര്‍ന്ന് പറഞ്ഞു. തിരുവനന്തപുരം രാജ്യാന്തര വിമാനത്താവളത്തില്‍ സജീകരിച്ചിട്ടുള്ള ടൂറിസ്റ്റ് വീസ ഓണ്‍ അറൈവല്‍ കൗണ്ടര്‍ സന്ദര്‍ശിച്ച് മാധ്യമ പ്രവര്‍ത്തകരോട് സംസാരിക്കുകയായിരുന്നു അദ്ദേഹം. തിരുവനന്തപുരം, നെടുമ്പാശേരി വിമാനത്താവളങ്ങളിലാണ് പുതിയ സംവിധാനം നിലവില്‍വന്നത്. ഒന്നാം ഘട്ടമായി ഡല്‍ഹി, മുംബൈ, കൊല്‍ക്കത്ത, ചെന്നൈ വിമാനത്താവളങ്ങളിലും രണ്ടാംഘട്ടമായി കേരളത്തിലേതിനൊപ്പം ബംഗലുരു, ഹൈദരാബാദ് വിമാനത്താവളങ്ങളിലുമാണ് ഈ സൗകര്യം … Continue reading "ഓണ്‍ അറൈവല്‍ സംവിധാനം സഞ്ചാരികളെ ആകര്‍ഷിക്കും: മുഖ്യമന്ത്രി"

Published On:Aug 29, 2013 | 3:19 pm

airport

 
ഓണ്‍ അറൈവല്‍ സംവിധാനം വഴി കൂടുതല്‍ വിനോദ സഞ്ചാരികളെ ആകര്‍ഷിക്കാനാവുമെന്ന്് മുഖ്യമന്ത്രി ഉമ്മന്‍ ചാണ്ടി.
ഇത് ടൂറിസം മേഖലയില്‍ പുതിയൊരു അധ്യായം തുറന്നിരിക്കുകയാണെന്നും അദ്ദേഹം തുടര്‍ന്ന് പറഞ്ഞു. തിരുവനന്തപുരം രാജ്യാന്തര വിമാനത്താവളത്തില്‍ സജീകരിച്ചിട്ടുള്ള ടൂറിസ്റ്റ് വീസ ഓണ്‍ അറൈവല്‍ കൗണ്ടര്‍ സന്ദര്‍ശിച്ച് മാധ്യമ പ്രവര്‍ത്തകരോട് സംസാരിക്കുകയായിരുന്നു അദ്ദേഹം.
തിരുവനന്തപുരം, നെടുമ്പാശേരി വിമാനത്താവളങ്ങളിലാണ് പുതിയ സംവിധാനം നിലവില്‍വന്നത്. ഒന്നാം ഘട്ടമായി ഡല്‍ഹി, മുംബൈ, കൊല്‍ക്കത്ത, ചെന്നൈ വിമാനത്താവളങ്ങളിലും രണ്ടാംഘട്ടമായി കേരളത്തിലേതിനൊപ്പം ബംഗലുരു, ഹൈദരാബാദ് വിമാനത്താവളങ്ങളിലുമാണ് ഈ സൗകര്യം ഏര്‍പ്പെടുത്തിയത്. രണ്ടു വിമാനത്താവളങ്ങളില്‍ ഈ സൗകര്യമുള്ള ഏക സംസ്ഥാനം കേരളമാണ്.
ഇനി മുതല്‍ ജപ്പാന്‍, സിംഗപ്പൂര്‍, ഫിന്‍ലന്റ്്, ലക്‌സംബര്‍ഗ്, ന്യൂസിലന്‍ഡ്, ഫിലിപ്പീന്‍സ്, കംബോഡിയ, ലാവോസ്, വിയറ്റ്‌നാം, മ്യാന്‍മര്‍, ഇന്തോനേഷ്യ എന്നീ രാജ്യങ്ങളില്‍നിന്നു കേരളത്തിലെത്തുന്ന സഞ്ചാരികള്‍ക്കു തിരുവനന്തപുരം, കൊച്ചി വിമാനത്താവളത്തില്‍ നിന്നുതന്നെ ടൂറിസ്റ്റ് വീസ ലഭ്യമാകും.
ഒരു കലണ്ടര്‍ വര്‍ഷത്തില്‍ ഒരാള്‍ക്ക് രണ്ടു തവണ മാത്രമേ ഇത്തരത്തില്‍ വിസ നല്‍കുകയുള്ളു. 60 അമേരിക്കന്‍ ഡോളര്‍ നല്‍കിയാല്‍ 30 ദിവസത്തെ കാലാവധിയിലാണു വിസ നല്‍കുക. വിനോദസഞ്ചാരം, സുഹൃത്തുക്കളെയും ബന്ധുക്കളെയും സന്ദര്‍ശിക്കല്‍ തുടങ്ങിയ ആവശ്യങ്ങള്‍ക്കായി എത്തുന്നവര്‍ക്കാണ് ഈ സൗകര്യം ലഭിക്കുക. മറ്റെന്തെങ്കിലും കാര്യത്തിനോ പ്രവര്‍ത്തനങ്ങള്‍ക്കോ ഇതു നല്‍കില്ല. ടൂറിസ്റ്റ് വീസ ഓണ്‍ അറൈവലിന് അപേക്ഷിക്കുന്നവര്‍ ഇന്ത്യയില്‍ താമസിക്കുന്നവരോ ഇവിടെ ജോലിയുള്ളവരോ ആയിരിക്കരുത്. ആറുമാസത്തെയെങ്കിലും കാലാവധിയുള്ള പാസ്‌പോര്‍ട്ട് കൈവശമുണ്ടായിരിക്കണം. വിസക്ക് അപേക്ഷിക്കുമ്പോള്‍ താമസസൗകര്യം ഉറപ്പാക്കിയിട്ടുള്ള ഹോട്ടലില്‍നിന്നുള്ള രേഖയും മടക്കയാത്രയുടെ ടിക്കറ്റും ഹാജരാക്കണം. ടൂറിസം മന്ത്രി എ.പി. അനില്‍കുമാര്‍, ആരോഗ്യമന്ത്രി വി.എസ്. ശിവകുമാര്‍, കേരള ടൂറിസം സെക്രട്ടറി സുമന്‍ ബില്ല, ടൂറിസം ഡയറക്ടര്‍ എസ്. ഹരികിഷോര്‍, തിരുവനന്തപുരം വിമാനത്താവളം ഡയറക്ടര്‍ വി.എന്‍. ചന്ദ്രന്‍ എന്നിവരും മുഖ്യമന്ത്രിയോടൊപ്പമുണ്ടായിരുന്നു.

 

LIVE NEWS - ONLINE

  • 1
    9 mins ago

    ലക്ഷം രൂപയുടെ ബ്രൗണ്‍ഷുഗറുമായി തയ്യില്‍ സ്വദേശി അറസ്റ്റില്‍

  • 2
    12 mins ago

    നീലേശ്വരം ക്ഷേത്രത്തിലെ കവര്‍ച്ച; ഒരാള്‍കൂടി അറസ്റ്റില്‍

  • 3
    29 mins ago

    ഉത്തരക്കടലാസും വ്യാജസീലും;ഗവര്‍ണര്‍ റിപ്പോര്‍ട്ട് തേടി

  • 4
    3 hours ago

    ധോണി വിരമിക്കുമോ ?

  • 5
    3 hours ago

    കനത്തമഴ; കണ്ണൂരില്‍ ജാഗ്രതാ നിര്‍ദേശം

  • 6
    3 hours ago

    കൊച്ചി- ദുബായ് സ്‌പൈസ് ജെറ്റ് റദ്ദാക്കി

  • 7
    3 hours ago

    അടച്ചിട്ട വ്യോമ പാത പാക്കിസ്ഥാന്‍ തുറന്നുകൊടുത്തു

  • 8
    3 hours ago

    തീര്‍ഥാടകര്‍ക്ക് 70 ലക്ഷം കുപ്പി സംസം തീര്‍ത്ഥജലം വിതരണം ചെയ്യും: സൗദി

  • 9
    3 hours ago

    പൂജാ സൗന്ദര്യത്തിന്റെ രഹസ്യം