Thursday, January 24th, 2019

ഓഖിയെ ഓര്‍മ്മിപ്പിച്ച് വീണ്ടും കടല്‍ക്ഷോഭം

കേരള തീരത്ത് 2.5 മുതല്‍ മൂന്ന് മീറ്റര്‍ വരെയുള്ള തിരമാലകള്‍ക്ക് സാധ്യതയുണ്ടെന്നാണ് കാലാവസ്ഥാ കേന്ദ്രം മുന്നറിയിപ്പ് നല്‍കിയിട്ടുള്ളത്.

Published On:Apr 23, 2018 | 10:33 am

കണ്ണൂര്‍: തീരപ്രദേശങ്ങള്‍ ശക്തമായ കടല്‍ക്ഷോഭത്തെ തുടര്‍ന്ന് ജാഗ്രതയില്‍. ചിലയിടങ്ങളില്‍ കടലാക്രമണമുണ്ടായിട്ടുണ്ട്. വേലിയേറ്റ സമയത്ത് തീരത്തേക്ക് തിരയടിച്ചുകയറിയത് പരിഭ്രാന്തി പരത്തി.
കൂറ്റന്‍ തിരമാലയ്ക്ക് സാധ്യതയുണ്ടെന്നും മീന്‍പിടുത്ത തൊഴിലാളികളും തീരദേശ നിവാസികളും ജാഗ്രതപാലിക്കണമെന്ന് കഴിഞ്ഞ ദിവസം തന്നെ അധികൃതര്‍ മുന്നറിയിപ്പ് നല്‍കിയിരുന്നു. ആഴക്കടലില്‍ ഈ പ്രതിഭാസം ഉണ്ടാകില്ലത്രെ. രൂക്ഷമായ കടലാക്രമണത്തില്‍ വിറങ്ങലിച്ച് കഴിയുകയാണ് തീരപ്രദേശത്തെ ജനം. അസാധാരണ കടലാക്രമണമാണ് കടല്‍തീരങ്ങളില്‍ അനുഭവപ്പെടുന്നത്.
ഓഖി ദുരന്തത്തിന്റെയും പിന്നാലെ വന്ന ന്യൂനമര്‍ദ്ദത്തിന്റെയും വറുതിയില്‍ നിന്നും കരകയറാനുള്ള തീരദേശത്തിന്റെ ശ്രമത്തില്‍ വിലങ്ങുതടിയായി കടല്‍ക്ഷോഭം ശക്തമാവുകയാണ്. വേനലവധി ആസ്വദിക്കാനായി പലരും കുടുംബസമേതം ബീച്ചുകളിലെത്തുന്നുണ്ട്. കടല്‍ ക്ഷോഭമറിയാതെ സഞ്ചാരികള്‍ അശ്രദ്ധയോടെ ഉല്ലസിക്കാനും സെല്‍ഫിയെടുക്കാനും മുതിരുമ്പോള്‍ തിരയില്‍പ്പെടുന്ന സ്ഥിതിയുമുണ്ട്.
കേരള തീരത്ത് 2.5 മുതല്‍ മൂന്ന് മീറ്റര്‍ വരെയുള്ള തിരമാലകള്‍ക്ക് ഇന്ന് അര്‍ദ്ധരാത്രിവരെ സാധ്യതയുണ്ടെന്നാണ് കാലാവസ്ഥാ കേന്ദ്രം മുന്നറിയിപ്പ് നല്‍കിയിട്ടുള്ളത്. ശക്തമായ തിരയ്ക്ക് സാധ്യതയുണ്ടെന്ന കാലാവസ്ഥാ വകുപ്പിന്റെ മുന്നറിയിപ്പ് അനുസരിച്ച് ബോട്ടുകള്‍ ഇന്നും കടലില്‍ പോയില്ല.
കടലിന്റെ പ്രക്ഷുബ്ദാവസ്ഥ ശക്തമായി തുടരുന്നതിനാല്‍ തീരത്തുടനീളം നിവാസികള്‍ അതീവജാഗ്രതയിലാണ്. ആയിക്കര ഹാര്‍ബറിലെ 31 ട്രോളിംഗ് ബോട്ടുകള്‍, 32 വലിയ വള്ളങ്ങള്‍, 200 ചെറുതോണികള്‍ എന്നിവ ഇന്ന് കടലില്‍ പോയില്ല. മഹാരാഷ്ട്ര, ആന്ധ്ര, ഗോവ തുടങ്ങിയ സംസ്ഥാനങ്ങളിലെ മത്സ്യങ്ങളാണ് മാര്‍ക്കറ്റിലെത്തിയത്. അയില വലുത്-180, ചെറുത്-150, അയക്കൂറ – 600-650, ആവോലി-300, വളര്‍ത്തുചെമ്മീന്‍-300 എന്നിങ്ങനെയാണ് ഹോള്‍സെയില്‍വില.

 

LIVE NEWS - ONLINE

  • 1
    22 mins ago

    കെവിന്‍ വധം; ഇന്നുമുതല്‍ വാദം തുടങ്ങും

  • 2
    32 mins ago

    മലപ്പുറത്ത് രണ്ട് വിദ്യാര്‍ത്ഥികള്‍ക്ക് ഡിഫ്ത്തീരിയ

  • 3
    38 mins ago

    ബാഴ്‌സക്ക് തോല്‍വി

  • 4
    2 hours ago

    ഒമ്പത്‌വയസ്സുകാരിക്ക് പീഡനം; മാതാവും കാമുകനും പിടിയില്‍

  • 5
    12 hours ago

    ഐ.എസ്സുമായി ബന്ധമുണ്ടെന്ന് സംശയിക്കുന്ന ഒമ്പതുപേര്‍ മഹാരാഷ്ട്രയില്‍ അറസ്റ്റിലായി

  • 6
    15 hours ago

    ചിലര്‍ക്ക് കുടുംബമാണ് പാര്‍ട്ടി, ബി.ജെ.പിക്ക് പാര്‍ട്ടിയാണ് കുടുംബം; മോദി

  • 7
    18 hours ago

    മികച്ച സ്ഥാനാര്‍ത്ഥികളെ തേടി നെട്ടോട്ടം; പന്ന്യനും കാനവും മത്സരരംഗത്തില്ല

  • 8
    19 hours ago

    സ്ഥാനാര്‍ത്ഥി നിര്‍ണയം: രാഹുലിന്റെ ഇടപെടല്‍ ശക്തമാകുന്നു

  • 9
    19 hours ago

    പരിശീലനവും ബോധവല്‍കരണവും വേണം