Saturday, July 21st, 2018

മാലാഖമാര്‍ പട്ടിണിയില്‍ തന്നെ

മാസങ്ങള്‍ പിന്നിട്ടിട്ടും വര്‍ധിപ്പിച്ച ശമ്പളം ഇതുവരെയും നഴ്‌സുമാര്‍ക്ക് നല്‍കിത്തുടങ്ങിയിട്ടില്ല.

Published On:Oct 11, 2017 | 2:04 pm

എം. അബ്ദുള്‍ മുനീര്‍
കണ്ണൂര്‍: സ്വകാര്യ ആശുപത്രികള്‍ രോഗികളില്‍ നിന്ന് പിടിച്ചുപറി തുടങ്ങിയെങ്കിലും മാലാഖമാര്‍ക്ക് നല്‍കാമെന്നേറ്റ ശമ്പളവര്‍ധനവ് ഇതുവരെ നല്‍കിത്തുടങ്ങിയില്ല.
കഴിഞ്ഞ രണ്ടുമാസം മുമ്പ് നഴ്‌സുമാര്‍ കണ്ണൂരിലടക്കം നടത്തിയ സമരത്തിന്റെയടിസ്ഥാനത്തില്‍ നടത്തിയ സമവായ ചര്‍ച്ചയിലാണ് ശമ്പള വര്‍ധനവിന് ശുപാര്‍ശ ചെയ്തത്. മാസങ്ങള്‍ പിന്നിട്ടിട്ടും വര്‍ധിപ്പിച്ച ശമ്പളം ഇതുവരെയും നഴ്‌സുമാര്‍ക്ക് നല്‍കിത്തുടങ്ങിയിട്ടില്ല.
നഴ്‌സുമാര്‍ക്ക് മിനിമം ശമ്പളം 16000 മുതല്‍ 20,000 രൂപ വരെ നിരക്കില്‍ നല്‍കണമെന്നായിരുന്നു സമരത്തെ തുടര്‍ന്നുള്ള ചര്‍ച്ചയിലെ വ്യവസ്ഥ പ്രകാരം മുഖ്യമന്ത്രി പറഞ്ഞിരുന്നത്. എന്നാല്‍ രണ്ടുമാസം പിന്നിട്ടിട്ടും ഒത്തുതീര്‍പ്പ് വ്യവസ്ഥകള്‍ കടലാസില്‍ ഉറങ്ങുകയാണ്. കഴിഞ്ഞമാസം മുതല്‍ തന്നെ ശമ്പളവര്‍ധനവ് നല്‍കുമെന്നാണ് ആശുപത്രി മാനേജ്‌മെന്റ് ഉറപ്പ് നല്‍കിയത്.
എന്നാല്‍ പറഞ്ഞ വാക്കുകള്‍ പാലിക്കാന്‍ മനേജ്‌മെന്റ് തയ്യാറാകാതെ വന്നതോടെ വീണ്ടും സമരത്തിന്റെ വഴിയിലേക്ക് നീങ്ങുകയാണ് മാലാഖമാരുടെ സംഘടനകള്‍. എന്നാല്‍ ആശുപത്രി അധികൃതരുടെ രോഗികളെ പിഴിഞ്ഞുകൊണ്ടിരിക്കുകയാണ്. നഴ്‌സുമാരുടെ ശമ്പള വര്‍ധനവിന്റെ പേരില്‍ മുറിവാടകയിലും നഴ്‌സിംഗ് ഫീസിലും സ്വകാര്യ ആശുപത്രി രോഗികളില്‍ നിന്നും കൂടുതല്‍ പണം അധികൃതര്‍ ഈടാക്കിക്കൊണ്ടിരിക്കുന്നത്. ഒരാഴ്ച ആശുപത്രിയില്‍ അഡ്മിറ്റാകുന്ന രോഗി അസുഖം മാറാതെ തന്നെ നഴ്‌സിംഗ് ഫീസിനത്തില്‍ തന്നെ ആയിരവും അതിലധികവും രോഗികള്‍ അമിതബില്‍ അടക്കേണ്ടിവരുന്നു. ചില സ്വകാര്യ ആശുപത്രികളാകട്ടെ ഇരട്ടി തുകയാണ് നഴ്‌സിംഗ് ഫീസിനത്തില്‍ രോഗികളില്‍ നിന്ന് ഈടാക്കുന്നതത്രെ.
ഇത്തരത്തില്‍ ആശുപത്രി അധികൃതര്‍ക്ക് ലാഭക്കച്ചവടവും രോഗികള്‍ക്കും നഴ്‌സുമാര്‍ക്കും നഷ്ടക്കച്ചവടവു മായി മാറിയിരിക്കുകയാണ്.

 

LIVE NEWS - ONLINE

  • 1
    28 mins ago

    മുല്ലപ്പെരിയാറില്‍ ജല നിരപ്പ് ഉയര്‍ന്നു

  • 2
    1 hour ago

    അടിയാളരുടെ കഥ പറഞ്ഞ് ‘പൂമാതൈ പൊന്നമ്മ ‘

  • 3
    2 hours ago

    അപകടക്കേസുകളില്‍ നിന്ന് ട്രാഫിക്കുകാര്‍ പിന്മാറി

  • 4
    2 hours ago

    മഴക്കെടുതി നേരിടുന്നതില്‍ സര്‍ക്കാര്‍ പരാജയം: ചെന്നിത്തല

  • 5
    3 hours ago

    പുതിയ ലെക്‌സസ് ES 300h ഇന്ത്യയില്‍

  • 6
    3 hours ago

    കാലവര്‍ഷക്കെടുതി നേരിടാന്‍ 80 കോടി അനുവദിച്ചു: കേന്ദ്രസഹമന്ത്രി കിരണ്‍ റിജിജു

  • 7
    3 hours ago

    കാലവര്‍ഷക്കെടുതി; കേന്ദ്രത്തോട് 1000 കോടി രൂപ ആവശ്യപ്പെടും: മന്ത്രി സുനില്‍ കുമാര്‍

  • 8
    4 hours ago

    ഭീകരാക്രമണങ്ങളില്‍ മരിക്കുന്നതിനേക്കാല്‍ റോഡിലെ കുഴികളില്‍ വീണ് മരിക്കുന്നു; കോടതി

  • 9
    4 hours ago

    ഇരട്ട സെഞ്ചുറി ക്ലബില്‍ ഫകര്‍ സമാനും