Friday, September 21st, 2018

അര്‍ബുദ മരുന്നിന് പേറ്റന്റ് : നൊവാര്‍ട്ടിസിന്റെ ഹരജി തള്ളി

ന്യൂഡല്‍ഹി : അര്‍ബുദ മരുന്നിന്റെ പേറ്റന്റ് സ്വന്തമാക്കാന്‍ സ്വിസ് കമ്പനിയായ നൊവാര്‍ട്ടീസ് നല്‍കിയ ഹരജി സുപ്രീംകോടതി തള്ളി. രക്താര്‍ബുദത്തിന്റെ ചികിത്സക്ക് വ്യാപകമായി ഉപയോഗിക്കുന്ന ഗ്ലിവെക് എന്ന മരുന്നിന്റെ പേറ്റന്റിനുവേണ്ടി നൊവാര്‍ട്ടിസ് നല്‍കിയ ഹരജിയാണ് തള്ളിയത്. പേറ്റന്റ് നേടിയ ശേഷം ആയിരക്കണക്കിന് രൂപക്ക് മരുന്ന് വില്‍ക്കാമെന്ന കമ്പനിയുടെ തന്ത്രമാണ് ഇതോടെ പൊളിഞ്ഞത്. ഇന്ത്യന്‍ വിപണിയില്‍ താരതമ്യേന കുറഞ്ഞ വിലക്ക് ലഭിക്കുന്ന മരുന്നില്‍ ചെറിയ മാറ്റങ്ങള്‍ വരുത്തി പേറ്റന്റ് നേടിയ ശേഷം ലക്ഷക്കണക്കിന് രൂപക്ക് വില്‍ക്കാനായിരുന്നു കമ്പനിയുടെ പദ്ധതി. 1993ല്‍ … Continue reading "അര്‍ബുദ മരുന്നിന് പേറ്റന്റ് : നൊവാര്‍ട്ടിസിന്റെ ഹരജി തള്ളി"

Published On:Apr 1, 2013 | 7:16 am

ന്യൂഡല്‍ഹി : അര്‍ബുദ മരുന്നിന്റെ പേറ്റന്റ് സ്വന്തമാക്കാന്‍ സ്വിസ് കമ്പനിയായ നൊവാര്‍ട്ടീസ് നല്‍കിയ ഹരജി സുപ്രീംകോടതി തള്ളി. രക്താര്‍ബുദത്തിന്റെ ചികിത്സക്ക് വ്യാപകമായി ഉപയോഗിക്കുന്ന ഗ്ലിവെക് എന്ന മരുന്നിന്റെ പേറ്റന്റിനുവേണ്ടി നൊവാര്‍ട്ടിസ് നല്‍കിയ ഹരജിയാണ് തള്ളിയത്. പേറ്റന്റ് നേടിയ ശേഷം ആയിരക്കണക്കിന് രൂപക്ക് മരുന്ന് വില്‍ക്കാമെന്ന കമ്പനിയുടെ തന്ത്രമാണ് ഇതോടെ പൊളിഞ്ഞത്. ഇന്ത്യന്‍ വിപണിയില്‍ താരതമ്യേന കുറഞ്ഞ വിലക്ക് ലഭിക്കുന്ന മരുന്നില്‍ ചെറിയ മാറ്റങ്ങള്‍ വരുത്തി പേറ്റന്റ് നേടിയ ശേഷം ലക്ഷക്കണക്കിന് രൂപക്ക് വില്‍ക്കാനായിരുന്നു കമ്പനിയുടെ പദ്ധതി. 1993ല്‍ കമ്പനി ഈ മരുന്നിന് പേറ്റന്റ് നേടിയിരുന്നു. ചില മാറ്റങ്ങള്‍ വരുത്തി കൂടുതല്‍ മെച്ചപ്പെടുത്തി പുറത്തിറക്കുന്നുവെന്ന് കാണിച്ചാണ് കമ്പനി 2006ല്‍ പേറ്റന്റിന് അപേക്ഷ നല്‍കിയത്. ഇതാണ് കോടതി തള്ളിയിരിക്കുന്നത്. നൊവാര്‍ട്ടിസിന്റെ ഹരജി പിഴയോട് കൂടിയാണ് സുപ്രീംകോടതി തള്ളിയത്. പേറ്റന്റ് നിയമത്തില്‍ ഇന്ത്യ കൊണ്ടുവന്ന ഭേദഗതി നിലനില്‍ക്കുമെന്നും നിലവിലുള്ള ഇന്ത്യന്‍ പേറ്റ് നിയമം അനുസരിച്ച് ഇന്ത്യയിലെ കാന്‍സര്‍ മരുന്നുകളുടെ പേറ്റന്റ് നൊവാര്‍ട്ടിസിന് നല്‍കേണ്ടതില്ലെന്നും സുപ്രീംകോടതി വിധിച്ചു. പരിഷ്‌കരിച്ച മരുന്നുകള്‍ പേറ്റന്റിന് അര്‍ഹമല്ലെന്നായിരുന്നു 2005ലെ ഭേദഗതി.
നൊവാര്‍ട്ടിസിന്റെ ഹരജി അനുവദിച്ചിരുന്നെങ്കില്‍ ഇന്ത്യയില്‍ പ്രതിമാസം 8000 രൂപക്ക് ലഭിക്കുന്ന മരുന്നിന് കാന്‍സര്‍ രോഗികള്‍ പ്രതിമാസം 1,40,000ത്തിലേറെ രൂപ ചെലവാക്കേണ്ടി വന്നേനെ. സുപ്രീംകോടതി വിധിയോടെ അര്‍ബുദ രോഗികള്‍ക്ക് വന്‍ ആശ്വാസമായിരിക്കുകയാണ്. ഈ വിധി വന്നതോടെ അര്‍ബുദത്തിനുള്ള മരുന്നുകളുടെ വില സാധാരണക്കാര്‍ക്കു താങ്ങാവുന്ന തരത്തില്‍ ഒതുങ്ങിനില്‍ക്കും. ഗ്ലീവെക് എന്ന പേരിലാണ് ഈ മരുന്ന് ആഗോള വിണപണിയില്‍ ഇറക്കുന്നത്.
പേറ്റന്റ് നേടി മരുന്നുവില വര്‍ധിപ്പിക്കാനുള്ള കമ്പനിയുടെ നീക്കത്തിനെതിരെ രാജ്യത്താകമാനം വന്‍ പ്രതിഷേധം ഉയര്‍ന്നിരുന്നു. അതേസമയം, കോടതി ഉത്തരവ് മരുന്ന് നിര്‍മാണ രംഗത്തെ വിദേശ നിക്ഷേപത്തെ തളര്‍ത്തുമെന്ന വാദവുമായി ചില വിദേശകമ്പനികള്‍ രംഗത്തെത്തിയിട്ടുണ്ട്.

LIVE NEWS - ONLINE

  • 1
    10 hours ago

    ബിഷപ്പിന്റെ അറസ്റ്റ് ഇന്നുമില്ല; ചോദ്യം ചെയ്യല്‍ നാളെയും തുടരും

  • 2
    11 hours ago

    ബിഷപ്പിന്റെ അറസ്റ്റിനായി പോലീസ് നിയമോപദേശം തേടി

  • 3
    14 hours ago

    ജനാധിപത്യ മതേതര മൂല്യങ്ങളില്‍ വിട്ടുവീഴ്ച ഉണ്ടാകില്ല: മുല്ലപ്പള്ളി

  • 4
    14 hours ago

    ഉള്‍പ്പാര്‍ട്ടി ജനാധിപത്യവും അച്ചടക്കവും ഉറപ്പാക്കും: മുല്ലപ്പള്ളി

  • 5
    16 hours ago

    ട്രെയിനില്‍ നിന്ന് തെറിച്ചുവീണ യുവാവിന്റെ നില ഗുരുതരം

  • 6
    17 hours ago

    മുത്തലാഖ് തടയിടാന്‍ കേന്ദ്രം

  • 7
    17 hours ago

    പാര്‍ട്ടി കൂടുതല്‍ ശക്തിപ്പെടും: ചെന്നിത്തല

  • 8
    18 hours ago

    ഫെയ്‌സ് ബുക്ക് പ്രണയം യുവാവിനെ തേടി ഭര്‍തൃമതി കതിരൂരില്‍

  • 9
    18 hours ago

    ആര്‍ എസ് എസ് പ്രവര്‍ത്തകനെ വെട്ടിക്കൊന്ന കേസ്; 20 വര്‍ഷം കഴിഞ്ഞിട്ടും വിചാരണക്കെത്തിയില്ല