Saturday, July 20th, 2019

കൊറിയന്‍ ഉച്ചകോടി തുടങ്ങി; ആകാംക്ഷയില്‍ ലോക രാഷ്ട്രങ്ങള്‍

കൊറിയന്‍ ഉപദ്വീപിലെ ആണവനിരായുധീകരണം, സംയുക്ത യുദ്ധവിരാമ കരാര്‍ ഉള്‍പ്പെടെയുള്ളവ ഉച്ചകോടിയില്‍ ചര്‍ച്ചാവിഷയം.

Published On:Apr 27, 2018 | 8:52 am

സോള്‍: ഉത്തര കൊറിയന്‍ നേതാവ് കിം ജോങ് ഉന്നും ദക്ഷിണ കൊറിയന്‍ പ്രസിഡന്റ് മൂണ്‍ ജേ ഇന്നും തമ്മിലുള്ള ഉത്തരദക്ഷിണകൊറിയന്‍ ഉച്ചകോടി ആരംഭിച്ചു. അതിര്‍ത്തിഗ്രാമമായ പാന്‍മുന്‍ജോമിലാണ് ഉച്ചകോടി. പാന്‍മുന്‍ജോമില്‍ എത്തിയ ഉത്തരകൊറിയന്‍ ഭരണാധികാരി കിം ജോങ് ഉന്നിനെ ദക്ഷിണകൊറിയന്‍ പ്രസിഡന്റ് മുന്‍ ജേ ഇന്‍ ഹസ്തദാനം ചെയ്ത് സ്വീകരിച്ചു. രാവിലെ ഒന്‍പതരയ്ക്കു (ഇന്ത്യന്‍സമയം രാവിലെ ആറ്) ആണ് ചര്‍ച്ച ആരംഭിച്ചു. ഉത്തരദക്ഷിണ കൊറിയന്‍ രാജ്യങ്ങള്‍ക്കിടയിലെ സൈനിക വിമുക്ത മേഖലയിലായിരിക്കും ഇരുരാജ്യങ്ങളുടെയും നേതാക്കള്‍ കൂടിക്കാഴ്ച നടത്തുന്നത്. കൊറിയന്‍ ഉപദ്വീപിലെ ആണവനിരായുധീകരണം, സംയുക്ത യുദ്ധവിരാമ കരാര്‍ ഉള്‍പ്പെടെയുള്ളവ ഉച്ചകോടിയില്‍ ചര്‍ച്ചാവിഷയം. 1953 ജൂലൈ 27ന്, കൊറിയന്‍ യുദ്ധത്തിനു വിരാമമിട്ട കരാര്‍ ഒപ്പുവച്ചത് ഇവിടെയാണ്. ഒരു ദശകത്തിനു ശേഷമാണ് ഇരുരാജ്യങ്ങളും തമ്മില്‍ ഔപചാരിക ചര്‍ച്ച നടക്കുന്നത്. ആദ്യമായാണ് ഉത്തര കൊറിയന്‍ ഭരണത്തലവന്‍ ദക്ഷിണ കൊറിയയില്‍ എത്തുന്നത്. ഉത്തര കൊറിയയുടെ ആണവനിരായുധീകരണമാണ് ചര്‍ച്ചകളിലെ നിര്‍ണായക വിഷയം. യുഎസ് അടക്കമുള്ള രാജ്യങ്ങളുടെ ആവശ്യവും ഇതാണ്. ചര്‍ച്ചക്കൊടുവില്‍ കരാറുകളില്‍ ഒപ്പുവെക്കുകയും സംയുക്തപ്രസ്താവന നടത്തുകയും ചെയ്യുമെന്നാണ് ഔദ്യോഗിക വിശദീകരണം. എന്നാല്‍, ഇരുരാജ്യങ്ങളില്‍നിന്നുള്ള പ്രതിനിധികളും വെവ്വേറെയായിക്കും ഭക്ഷണം കഴിക്കുക. ചര്‍ച്ചകള്‍ക്ക് ശേഷം ഇരുരാജ്യങ്ങളിലെയും വെള്ളവും മണ്ണും ഉപയോഗിച്ച് ഇരുനേതാക്കളും ചേര്‍ന്ന് സമാധാനത്തിന്റെയും സൗഭാഗ്യത്തിന്റെയും പ്രതീകമായി പൈന്‍മരത്തൈ നടും. കിമ്മിന്റെ സഹോദരി കിം യോ ജോങ്, ഉന്നതാധികാരി കിം യോങ് നാം ഉള്‍പ്പെടെയുള്ളവര്‍ ഉത്തര കൊറിയന്‍ സംഘത്തിലുണ്ട്.

LIVE NEWS - ONLINE

  • 1
    4 hours ago

    ഷീല ദീക്ഷിത് കോണ്‍ഗ്രസ് പാര്‍ട്ടിയുടെ മാനസപുത്രി; രാഹുല്‍ ഗാന്ധി

  • 2
    6 hours ago

    ഇന്‍ഡൊനീഷ്യന്‍ ഓപ്പണ്‍; പി.വി.സിന്ധു ഫൈനലില്‍

  • 3
    8 hours ago

    ഷീല ദീക്ഷിത് അന്തരിച്ചു

  • 4
    8 hours ago

    മുതിര്‍ന്ന കോണ്‍ഗ്രസ് നേതാവ് ഷീല ദീക്ഷിത് അന്തരിച്ചു

  • 5
    9 hours ago

    വിന്‍ഡീസ് പര്യടനത്തിനില്ല; ധോണി രണ്ടുമാസം സൈന്യത്തോടൊപ്പം

  • 6
    9 hours ago

    ഭരണകക്ഷി വിദ്യാര്‍ത്ഥി സംഘടനകളുടെ ഇടപെടല്‍ പരീക്ഷയുടെ വിശ്വാസ്യത നശിപ്പിച്ചു: കേന്ദ്ര മന്ത്രി മുരളീധരന്‍

  • 7
    12 hours ago

    കാണാതായ നാല് മത്സ്യത്തൊഴിലാളികളെ കണ്ടെത്തി

  • 8
    12 hours ago

    സിഒടി നസീര്‍ വധശ്രമം; ഷംസീര്‍ എംഎല്‍എ എത്തിയത് പോലീസ് തെരയുന്ന വാഹനത്തില്‍

  • 9
    13 hours ago

    തെരച്ചിലില്‍ മത്സ്യത്തൊഴിലാളികളെയും ഉള്‍പ്പെടുത്തണം: ഉമ്മന്‍ചാണ്ടി