Sunday, April 21st, 2019

ഷുക്കൂര്‍ വധക്കേസില്‍ അടിയന്തര ചര്‍ച്ചയില്ല; സഭയില്‍ ബഹളവും ഇറങ്ങിപ്പോക്കും

പ്രതിപക്ഷം സഭാകവാടത്തിന് മുന്നില്‍ കുത്തിയിരുന്ന് സമരവും നടത്തി.

Published On:Feb 12, 2019 | 11:59 am

തിരു: പ്രതിപക്ഷത്തിന്റെ അടിയന്തരപ്രമേയ നോട്ടീസിന് സ്പീക്കര്‍ അനുമതി നിഷേധിച്ചതിനെ തുടര്‍ന്ന് നിയമസഭയില്‍ ബഹളം. ഷുക്കൂര്‍ വധക്കേസില്‍ സിപിഎം കണ്ണൂര്‍ ജില്ലാ സെക്രട്ടറി പി ജയരാജനും ടി വി രാജേഷ് എംഎല്‍എക്കുമെതിരെ സിബിഐ കുറ്റപത്രം സമര്‍പ്പിച്ചത് നിയമസഭയില്‍ അടിയന്തരപ്രമേയമായി ചര്‍ച്ച ചെയ്യണമെന്നാവശ്യപ്പെട്ടാണ് പ്രതിപക്ഷം നോട്ടീസ് നല്‍കിയത്.
അരിയില്‍ ഷുക്കൂര്‍ വധക്കേസില്‍ 32,33 പ്രതികളായാണ് ഇരുവരെയും സിബിഐ പ്രതി ചേര്‍ത്തിട്ടുള്ളത്. പ്രതികളില്‍ ഒരാള്‍ നിയമസഭാംഗവും മറ്റൊരാള്‍ സമുന്നത നേതാവും ആണെന്നതു കൊണ്ട് സഭാനടപടികള്‍ നിര്‍ത്തി വെച്ച് ഇക്കാര്യം അടിയന്തരമായി ചര്‍ച്ച ചെയ്യണം എന്നാണ് പ്രതിപക്ഷം ആവശ്യപ്പെട്ടത്.
എന്നാല്‍ ഭരണപരമായി ഇക്കാര്യത്തിന് ബന്ധമൊന്നുമില്ലെന്നും വര്‍ഷങ്ങള്‍ക്ക് മുമ്പ് നടന്ന സംഭവത്തില്‍ ഇപ്പോള്‍ അടിയന്തര ചര്‍ച്ച ആവശ്യമില്ലെന്നും സ്പീക്കര്‍ പി. ശ്രീരാമകൃഷ്ണന്‍ നിലപാടെടുത്തു. വര്‍ഷങ്ങള്‍ക്ക് മുമ്പ് നടന്ന സംഭവത്തില്‍ സമര്‍പ്പിച്ച കുറ്റപത്രമാണിതെന്നും സഭയുടെ ചട്ടവും കീഴ് വഴക്കവുമനുസരിച്ച് ഇത് പതിഗണിക്കേണ്ട കാര്യവുമില്ലെന്ന് സ്പീക്കര്‍ വ്യക്തമാക്കി.
എന്നാല്‍ സ്പീക്കറുടെ വാദങ്ങളെ എതിര്‍ത്ത് പ്രതിപക്ഷ നേതാവ് രമേശ് ചെന്നിത്തല രംഗത്തെത്തി. മുമ്പും സര്‍ക്കാറുമായി ബന്ധമില്ലാത്ത വിഷയങ്ങള്‍ ചര്‍ച്ചക്കെടുത്തിട്ടുണ്ട്. 2008ല്‍ കണ്ണൂരിലെ രാഷ്ട്രീയ കൊലപാതകങ്ങളും സുര്യനെല്ലി, പാമോലിന്‍ കേസുകളും ചര്‍ച്ച ചെയ്തതാണെന്നും ചെന്നിത്തല ചൂണ്ടിക്കാട്ടി. സ്പീക്കര്‍ നിലപാടില്‍ ഉറച്ചുനിന്നതോടെ പ്രതിപക്ഷം ബഹളവുമായി നടുത്തളത്തിലിറങ്ങി. ഇതേത്തുടര്‍ന്ന് നടിപടികള്‍ പൂര്‍ത്തിയാക്കി സഭ അനിശ്ചിതകാലത്തേക്ക് പിരിഞ്ഞു. ഇതിന് ശേഷം പ്രതിപക്ഷം സഭാകവാടത്തിന് മുന്നില്‍ കുത്തിയിരുന്ന് സമരവും നടത്തി.

 

LIVE NEWS - ONLINE

  • 1
    9 hours ago

    വോട്ടെടുപ്പ് ദിനം വടകരയില്‍ നിരോധനാജ്ഞ പ്രഖ്യാപിച്ചു

  • 2
    16 hours ago

    ശ്രീലങ്കയില്‍ ക്രിസ്ത്യന്‍ പള്ളികളിലടക്കം അഞ്ചിടങ്ങളില്‍ സ്ഫോടനം

  • 3
    18 hours ago

    ഏപ്രില്‍ 29വരെ നാല് പാസഞ്ചര്‍ തീവണ്ടികള്‍ റദ്ദാക്കി

  • 4
    20 hours ago

    തെരഞ്ഞെടുപ്പ് പരസ്യപ്രചാരണം ഇന്ന് അവസാനിക്കും

  • 5
    21 hours ago

    അമ്മയും മകനും തീവണ്ടി ഇടിച്ച് മരിച്ചു

  • 6
    1 day ago

    സുരേന്ദ്രന്‍ അയ്യപ്പഭക്തരുടെ സ്ഥാനാര്‍ത്ഥിയെന്ന് അമിത് ഷാ

  • 7
    1 day ago

    തിങ്കളാഴ്ച വിദ്യാഭ്യാസ സ്ഥാപനങ്ങള്‍ക്ക് അവധി

  • 8
    1 day ago

    കോഴിക്കോട് ഒരാള്‍ കുത്തേറ്റ് മരിച്ചു

  • 9
    1 day ago

    കര്‍ഷകരെയും ആദിവാസികളെയും മോദി സര്‍ക്കാര്‍ വഞ്ചിച്ചു: പ്രിയങ്ക