വേനലവധി കഴിഞ്ഞ് പുത്തനുടുപ്പുകളും ബാഗും കുടയുമായി സ്‌കൂളിലേക്ക്. സര്‍ക്കാര്‍, എയ്ഡഡ് സ്‌കൂളുകളില്‍ യൂനിഫോം വിതരണം ആരംഭിച്ചുകഴിഞ്ഞു. അണ്‍എയ്ഡഡ് സ്‌കൂളുകളിലെ യൂനിഫോമുകള്‍ റെഡിമെയ്ഡായി പല ഷോപ്പുകളിലും ലഭ്യമാണ്. മുതിര്‍ന്നവരെ പോലും കണ്ണഞ്ചിപ്പിക്കുന്ന സ്‌കൂള്‍ സ്റ്റേഷനറികളുടെ ശേഖരമാണ് വിപണിയില്‍. യു കെ ജി, എല്‍ കെജി, എല്‍ പി തലങ്ങളില്‍ പഠിക്കുന്ന വിദ്യാര്‍ത്ഥികളുടെ ബാഗുകള്‍ക്കാണ് കൂടുതല്‍ ആവശ്യക്കാരുള്ളത്. കുട, ചോറ്റുപാത്രം, ബാഗ് കുടിവെള്ള ബോട്ടില്‍, പെന്‍സില്‍, പേന തുടങ്ങിയവയിലെല്ലാം പുതുമയുണ്ട്. പുലിമുരുകന്‍, ബാഹുബലി ബാഗുകള്‍ അന്വേഷിച്ചെത്തുന്ന നിരവധി … Continue reading "വിദ്യാര്‍ത്ഥികളെ ആകര്‍ഷിക്കാന്‍ പുലിമുരുകന്‍, ബാഹുബലി ബാഗുകള്‍"
Friday, February 22nd, 2019
വിദ്യാര്‍ത്ഥികളെ ആകര്‍ഷിക്കാന്‍ പുലിമുരുകന്‍, ബാഹുബലി ബാഗുകള്‍
Published On:May 23, 2017 | 11:00 am
വേനലവധി കഴിഞ്ഞ് പുത്തനുടുപ്പുകളും ബാഗും കുടയുമായി സ്‌കൂളിലേക്ക്. സര്‍ക്കാര്‍, എയ്ഡഡ് സ്‌കൂളുകളില്‍ യൂനിഫോം വിതരണം ആരംഭിച്ചുകഴിഞ്ഞു. അണ്‍എയ്ഡഡ് സ്‌കൂളുകളിലെ യൂനിഫോമുകള്‍ റെഡിമെയ്ഡായി പല ഷോപ്പുകളിലും ലഭ്യമാണ്. മുതിര്‍ന്നവരെ പോലും കണ്ണഞ്ചിപ്പിക്കുന്ന സ്‌കൂള്‍ സ്റ്റേഷനറികളുടെ ശേഖരമാണ് വിപണിയില്‍.
യു കെ ജി, എല്‍ കെജി, എല്‍ പി തലങ്ങളില്‍ പഠിക്കുന്ന വിദ്യാര്‍ത്ഥികളുടെ ബാഗുകള്‍ക്കാണ് കൂടുതല്‍ ആവശ്യക്കാരുള്ളത്. കുട, ചോറ്റുപാത്രം, ബാഗ് കുടിവെള്ള ബോട്ടില്‍, പെന്‍സില്‍, പേന തുടങ്ങിയവയിലെല്ലാം പുതുമയുണ്ട്. പുലിമുരുകന്‍, ബാഹുബലി ബാഗുകള്‍ അന്വേഷിച്ചെത്തുന്ന നിരവധി കുട്ടികളുണ്ട്. സിനിമകളുടെ പോസ്റ്ററുകള്‍ ബാഗുകളില്‍ പ്രിന്റ് ചെയ്‌തെത്തുന്നവയാണ് ഇവ. തൊട്ടാല്‍ ലൈറ്റ് കത്തുന്ന ബാഗുകളാണ് വിപണിയിലെ പുതിയ ഇനമത്രെ.
കാര്‍ട്ടൂണ്‍ കഥാപാത്രങ്ങളായി മിക്കി മൗസ്, ബെന്‍ടെന്‍,ഡോറ, ബാര്‍ബി, എല്‍സ-പ്രിന്‍സ്, വീഡിയോഗെയിം കഥാപാത്രങ്ങളായ സബ്‌സര്‍ഫ്, മോട്ടു-പട്‌ലു, റെയ്‌സിംഗ് കാറുകള്‍, ബൈക്കുകള്‍ എന്നിവയുടെ ത്രീഡി രൂപങ്ങളുള്ള ബാഗുകളും ലഭ്യമാണ്. ബ്രാന്റഡ് ബാഗുകളുമുണ്ട്.
വെള്ളം നനഞ്ഞാല്‍ കാര്‍ട്ടൂണ്‍ രൂപങ്ങള്‍ തെളിഞ്ഞുവരുന്ന കുട, ഡിസൈന്‍ കുടകള്‍, വെള്ളം ദേഹത്ത് വീഴാതെ തിരിയുന്ന മടക്കാവുന്ന കുട, വൈഫൈ ലഭ്യമാകുന്ന കുട ഇങ്ങനെ കുടകളിലുമുണ്ട് വൈവിധ്യം.
പരസ്യങ്ങള്‍ കണ്ട് ബാഗുകളിലെയും കുടകളിലേയും പുതിയ വെറൈറ്റികള്‍ അന്വേഷിച്ച് കടകളിലെത്തിയാല്‍ അമളിപറ്റും. വിപണിയില്‍ എത്തിയിട്ടില്ലാത്ത ഐറ്റങ്ങളാണ് പരസ്യങ്ങളില്‍ കാണിക്കുന്നത്. നമ്പര്‍ലോക്കും കാല്‍ക്കുലേറ്ററുമുള്ള പെന്‍സില്‍ ബോക്‌സുകള്‍, ചീര്‍പ്പും കണ്ണാടിയുമുള്ള പെന്‍സില്‍ ബോക്‌സ് തുടങ്ങിയവയും വിപണിയിലുണ്ട്. കുട്ടികളെ വരവേല്‍ക്കാന്‍ ഒരുങ്ങുകയാണ് സ്‌കൂളുകള്‍. മിക്കയിടങ്ങളിലും പ്രവേശനോത്സവത്തിനുള്ള ഒരുക്കങ്ങള്‍ തുടങ്ങിക്കഴിഞ്ഞു.
