Sunday, January 20th, 2019

മുഴപ്പിലങ്ങാട് ബീച്ചില്‍ സിപിഎം-ബിജെപി സംഘര്‍ഷം; ആറുപേര്‍ക്ക് പരിക്ക്

പരിക്കേറ്റ ഇരുവരെയും തലശ്ശേരി ഇന്ദിരാഗാന്ധി സഹകരണാശുപത്രിയില്‍ പ്രവേശിപ്പിച്ചിട്ടുണ്ട്.

Published On:Sep 8, 2017 | 3:01 pm

കണ്ണൂര്‍: മുഴപ്പിലങ്ങാട് ബീച്ച് കൂടക്കടവ് പ്രദേശത്ത് സി പി എം-ബി ജെ പി സംഘര്‍ഷം. വിവിധ സ്ഥലങ്ങളില്‍ നടന്ന അക്രമത്തില്‍ ആറുപേര്‍ക്ക് പരിക്കേറ്റു. ഇന്നലെ രാത്രി 9 മണിയോടെയാണ് സംഘര്‍ഷത്തിന് തുടക്കമായത്. ബീച്ച്‌ഫെസ്റ്റിന് എത്തിയ ബി ജെ പി പ്രവര്‍ത്തകരായ കൂടക്കടവിലെ വടക്കെ തയ്യില്‍ ആകാശ് (18), അറത്തില്‍ അശ്വന്ത് (19) എന്നിവരെ ഡി വൈ എഫ് ഐ പ്രവര്‍ത്തകരായ അക്ഷയ്, ശരത് തുടങ്ങിയവരുടെ നേതൃത്വത്തിലെത്തിയവര്‍ അക്രമിച്ച് പരിക്കേല്‍പ്പിക്കുകയാണത്രെ ഉണ്ടായത്.
പരിക്കേറ്റ ഇരുവരെയും തലശ്ശേരി ഇന്ദിരാഗാന്ധി സഹകരണാശുപത്രിയില്‍ പ്രവേശിപ്പിച്ചിട്ടുണ്ട്. ഇതിന് പിന്നാലെ രാത്രി 10 മണിയോടെ കൂടക്കടവ് വിവേകാനന്ദ നഗറില്‍ വെച്ച് ഡി വൈ എഫ് ഐ യൂനിറ്റ് സെക്രട്ടറി ശരത് (20), എം ആദര്‍ശ് (19), അറത്തില്‍ സൗരവ് (20), ദിപിന്‍ (23) എന്നിവരെ ഒരുസംഘം ബി ജെ പി പ്രവര്‍ത്തകര്‍ അക്രമിച്ചതായാണ് പരാതി. പരിക്കേറ്റ നാലുപേരെയും തലശ്ശേരി സഹകരണാശുപത്രിയില്‍ പ്രവേശിപ്പിച്ചു. തുടര്‍ന്ന് 11 മണിയോടെ ബി ജെ പി പ്രവര്‍ത്തകരുടെ നേതൃത്വത്തില്‍ നിര്‍മ്മിച്ചുവരുന്ന വിവേകാനന്ദ മന്ദിരം അടിച്ച് തകര്‍ക്കുകയും അവിടെയുള്ള ഫര്‍ണിച്ചറുകള്‍ നശിപ്പിക്കുകയും ചെയ്തു.
ഇതു സംബന്ധിച്ച് എടക്കാട് പോലീസ് മൂന്ന് കേസുകള്‍ രജിസ്റ്റര്‍ ചെയ്തിട്ടുണ്ട്. സംഘര്‍ഷാവസ്ഥ കണക്കിലെടുത്ത് എടക്കാട് പോലീസ് കനത്ത സുരക്ഷ ഒരുക്കി. മുഴപ്പിലങ്ങാട് ബീച്ചില്‍ നടക്കുന്ന ബീച്ച് ഫെസ്റ്റിനും പോലീസ് സുരക്ഷ ഒരുക്കും.

LIVE NEWS - ONLINE

  • 1
    6 hours ago

    നേപ്പാളും ഭൂട്ടാനും സന്ദര്‍ശിക്കാനുള്ള യാത്രാരേഖയായി ഇനി ആധാറും ഉപയോഗിക്കാം

  • 2
    8 hours ago

    കോട്ടയത്ത് കെ.എസ്.ആര്‍.ടി.സി. ബസ് മറിഞ്ഞ് അയ്യപ്പഭക്തര്‍ക്ക് പരിക്ക്

  • 3
    11 hours ago

    മധ്യപ്രദേശില്‍ ബിജെപി നേതാവിനെ മരിച്ച നിലയില്‍ കണ്ടെത്തി

  • 4
    14 hours ago

    ശബരിമല വിഷയത്തില്‍ ഏത് ചര്‍ച്ചയ്ക്കും തയ്യാറെന്ന് പന്തളം കൊട്ടാരം

  • 5
    15 hours ago

    സാക്കിര്‍ നായിക്കിന്റെ 16.4 കോടി രൂപയുടെ സ്വത്ത് കണ്ടുകെട്ടി

  • 6
    1 day ago

    ബിജെപി ഇനി അധികാരത്തിലെത്തിയാല്‍ ഹിറ്റ്‌ലര്‍ ഭരണം ആയിരിക്കുമെന്ന് കേജ്രിവാള്‍

  • 7
    1 day ago

    കോട്ടയത്ത് 15കാരിയെ കൊന്നു കുഴിച്ചുമൂടിയ നിലയില്‍

  • 8
    1 day ago

    മോദി ഇന്ത്യയെ തകര്‍ത്തു: മമത

  • 9
    1 day ago

    ഹാക്ക് ചെയ്യപ്പെട്ട ഫേസ്ബുക്ക് അക്കൗണ്ട് തിരിച്ചെടുക്കാം